ބާޒާރުގައި ތަކެތީގެ އަގު ދަށަށް، ކުރުނބާ ވަރަށް މަދުވެއްޖެ

މާލޭ ލޯކަލް މާރުކޭޓުގައި މީހަކު މިރުހުގެ އަގު ބަލަނީ -- ފޮޓޯ: އިޔާދު / އަދަދު

މާލޭ ލޯކަލް މާރުކޭޓުގައި މީހަކު މިރުހުގެ އަގު ބަލަނީ -- ފޮޓޯ: އިޔާދު / އަދަދު

މާލޭ ލޯކަލް މާރުކޭޓުގައި އެވްރެޖުކޮށް ހުރިހާ އެއްޗެއްގެ އަގު ހެޔޮވެފައިވާއިރު، ކުރުނބާ ވަރަށް މަދުވެއްޖެ އެވެ.

މާރުކޭޓުގައި އަގުހެޔޮވި ތަކެތީގެ ތެރޭގައި ކަރާ، ޖުމްހޫރީ މޭވާ، މެންޑަރިން، ލެޓިއުސް، ލުނބޯ އަދި ކެރެޓު ހިމެނޭއިރު، މިރުހުގެ އަގު ވަނީ ބޮޑުތަނުން ދަށަށް ގޮސްފަ އެވެ.

ބާޒާރުން "އަދަދު" އާ ވާހަކަ ދެއްކި މީހަކު ބުނީ ކުރުނބާ ހުސްވާން ކައިރިވެފައިވާ ކަމަށާއި މިހާރު ލިބެން ހުރީ 50ރ. އަށް ދޭ ބޮޑު ކުރުނބާ އެކަނި ކަމަށެވެ.

ކުރުނބާގެ އިތުރު ޝިޕްމަންޓެއް މިއަދު ހަވީރު ލިބޭނެ ކަމަށް ބެލެވޭ ކަމަށާއި އެއާއެކު އަނެއްކާވެސް ކުރުނބާ ބާޒާރުގައި ތިޔާގި ވެގެންދާނެ ކަމަށް އޭނާ ބުންޏެވެ.

ނަމަވެސް ބާޒާރުގައި ގަބުޅި 15ރ. އާއި 25ރ. އާ ދެމެދުގެ އަގެެއްގައި ލިބެން ހުއްޓެވެ.

ކުރިން 60ރ. އާއި 80ރ. އާ ދެމެދު ލިބެން ހުރި ކަނޑޫދޫ މިރުހުގެ 100 ގްރާމު މިހާރު ލިބެން ހުރީ 40ރ. އާއި 45ރ. އާ ދެމެދުގެ އަގެއްގަ އެވެ. އަދި ކިލޯއެއް ލިބެން ހުރީ 350ރ. އާއި 400ރ. އާ ދެމެދުގެ އަގެއްގަ އވެެ.

އޭގެ އިތުރުން ލަންކާ މިރުސް 20ރ. އާއި 40ރ. އާ ދެމެދު ލިބެން ހުރިއިރު، ކިލޯއެއް ލިބެން ހުރީ 200ރ. އާއި 300ރ. އާ ދެމެދުގެ އަގެއްގަ އެވެ. އަދި ލާމު މިރުސް މިއަދު ބާޒާރުން ފެންނާކަށް ނެތެވެ.

ކަރާ ކިލޯއެއް މިއަދު 15ރ. އާއި 18ރ. އަށް ލިބެން ހުރިއިރު، އަލަނާސި ކަރާ ކިލޯއެއް ލިބެން ހުރީ 30ރ. އަށެވެ. އަދި ޖުމްހޫރީ މޭވާ ކިލޯއެއް 115ރ. އާއި 140ރ. އާ ދެމެދުގެ އަގެއްގައި ހުރިއިރު، މިއަދު ދިވެހި ޖުމްހޫރީ މޭވާސް ބާޒާރުގައި ހުއްޓެވެ.

ލުނބޯ ކިލޯއެއްގެ އަގު 60ރ. އާއި 65ރ. އަށް ވެއްޓިފައިވާއިރު، ފަޅޯ ކިލޯއެއްގެ އަގު ހުރީ 60ރ. އަށެވެ. އަދި ފޭރު ކިލޯއެއް 70ރ. އަށް ހުރިއިރު، ގްރޭޕްސްގެ 100 ގްރާމު ލިބެން ހުރީ 18ރ. އަށެވެ.

ބާޒާރުގައި އާފަލުގެ އަގު 6ރ. އާއި 8ރ. އާ ދެމެދުގެ އަގެއްގައި ހުރިއިރު، އޮރެންޖުގެ އަގު ވަނީ 10ރ. އަށް އުފުލިފަ އެވެ. އަދި މެންޑެރިން ކިލޯއެއްގެ އަގު ވަނީ 60ރ. އާއި 65ރ. އަށް ވެއްޓިފަ އެވެ.

އަންނާރު ކިލޯއެއް 100ރ. އަށް ލިބެން ހުރިއިރު، އަލަނާސިގަނޑެއް ލިބެން ހުރީ 60ރ. އާއި 70ރ. އަށެވެ. އަދި ހަ އަނބު ލިބެން ހުރީ 100ރ. އަށެވެ.

ތަރުކާރީއަށް ބަލާއިރު ކެރެޓު ކިލޯއެއް 30ރ. އަށް ލިބެން ހުރިއިރު، ކެބެޖު ކިލޯއެއްގެ އަގު ހުރީ 35ރ. އަށެވެ. އަދި ލީކްސް ކިލޯއެއް 75ރ. ގައި ހުރިއިރު، ބީންސް ކިލޯއެއް ލިބެން ހުރީ 65ރ. އަށެވެ.

ކިއުކަމްބާ އާއި ބަޓާނާ ކިލޯއެއް 35ރ. އަށް ލިބެން ހުރިއިރުހ، ކެޕްސިކަމް ކިލޯއެއް ލިބެން ހުރީ 70ރ. އަށެވެ. އަދި ޓޮމާޓޯ ކިލޯއެއް 60ރ. އަށް ހުރިއިރު، ބެލްޕެޕާ ކިލޯއެއް ހުރީ 80ރ. އަށެވެ.

މީގެއިތުރުން ލޭޑީސް ފިންގާ ކިލޯއެއް 65ރ. އަށް ހުރިއިރު، ބަރަބޯ ކިލޯއެއް ލިބެން ހުރީ 35ރ. އަށެވެ. އަދި ފާގަ ކިލޯއެއް ލިބެން ހުރީ 60ރ. އަށެވެ.

ފަތްޕިލާވެއްޔަށް ބަލާއިރު ކުއްޅަފިލާފަތް ބޮނޑިއެއް 20ރ. އަށް ލިބެން ހުރިއިރު، ލެޓިއުސް ކިލޯއެއް ލިބެން ހުރީ 50ރ. އަށެވެ. އަދި ހަތަރު ފަތް ހިމެނޭ ކޮޕީފަތް ބޮނޑިއެއް ލިބެން ހުރީ 10ރ. އަށެވެ.

ކަންކުން ފަތް ބޮޑިއެއް 5ރ. އަށް ލިބެން ހުރިއިރު، ހިކަނދިފަތް ބޮނޑިއެއް ލިބެން ހުރީ 10ރ. އަށެވެ. އަދި ކޮރިއަންޑާގެ 100 ގްރާމު ލިބެން ހުރީ 20ރ. އަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސްގެ ބިބް އެކްސްޕޯ ބުދަ ދުވަހާ ހަމައަށް

ދިރާގު މޯލްޑިވްސް ރޯޑް ރޭސް 2026 ގެ ބިބް އެކްސްޕޯ ބީޖީ ޓާފް ދަނޑުގައި ކުރިއަށްދާއިރު، ބިބް އާއި ރޭސް ކިޓް ދޫކުރުމުގެ މުއްދަތު މި މަހުގެ 18 ވާ ބުދަ ދުވަހުގެ ނިޔަލަށް ވަނީ އިތުރުކޮށްފައެވެ. ފަސް ހާހަށްވުރެ ގިނަ ދުވުންތެރިން ބައިވެރިވާ މި ދުވުން އޮންނާނީ ކުރިއަށް އޮތް ހުކުރު ދުވަހު ހުޅުމާލޭ ސެންޓްރަލް ޕާކުގައެވެ.

ގޫގަލް ޕިކްސެލް އަށް އުރީދޫ 5ޖީ

ގޫގުލް ޕިކްސެލް ފޯނުތަކަށް ރާއްޖޭގައި 5ޖީގެ ޚިދުމަތް ފޯރުކޮށްދޭ ފުރަތަމަ ނެޓްވޯކަކަށް އުރީދޫ މޯލްޑިވްސް ވެއްޖެއެވެ. ނޮވެންބަރު މަހުގެ ސޮފްޓްވެއާ އަޕްޑޭޓާއެކު ޕިކްސެލްގެ އެކި މޮޑެލްތަކަށް 5ޖީ އާއި ވީއޯއެލްޓީއީގެ ޚިދުމަތް މިހާރު ލިބޭނެއެވެ.

ޓޫރިޒަމް ފަހަތަށް، މާލީ ދާއިރާ އާއި އިމާރާތް ކުރުން ކުރިއަށް

މާލީ ދާއިރާ އާއި އިމާރާތްކުރުމުގެ ދާއިރާއަށް އައި ބޮޑު ކުރިއެރުމާއެކު، ރާއްޖޭގެ އިގުތިސޯދު ވަނީ ހަތަރެއް ޕަސެންޓަށް ކުރިއަރާފަ. ޓޫރިޒަމްގެ އިތުރުން މަސްވެރިކަމުގެ ދާއިރާވެސް ވަނީ މި މުއްދަތުގައި ވަރަށް ބޮޑަށް ދަށަށް ގޮސްފަ.

ޑީއެމްއާރްއާރްގައި ޕްލާސްޓިކް ބޭނުން ނުކުރުމަށް ދިރާގު އިލްތިމާސް

މި މަހުގެ 20 ގައި ބާއްވާ "ދިރާގު މޯލްޑިވްސް ރޯޑް ރޭސް" ގައި އެއްފަހަރު ބޭނުންކޮށްފައި އުކާލާ ޕްލާސްޓިކް ބޭނުން ނުކުރުމަށް ދިރާގުން އިލްތިމާސްކޮށްފިއެވެ. ތިމާވެށި ހިމާޔަތްކުރުމުގެ މަގުސަދުގައި ކުރިއަށްގެންދާ މި ހަރަކާތުގައި ފެން ފޯރުކޮށްދޭނީ ކަރުދާސް ތަށީގައި ކަމަށާއި، ދުވުންތެރިން އަމިއްލަ ފުޅި ގެންގުޅުމަށް އެ ކުންފުނިން ބާރުއަޅައެވެ. މި އިސްނެގުމުގެ ސަބަބުން ކޮންމެ އަހަރަކު ގާތްގަނޑަކަށް 18،000 ޕްލާސްޓިކް ފުޅި މަދުކުރެވޭނެ ކަމަށް ދިރާގުން ލަފާކުރެއެވެ.

ކުޑަ ސަރަހައްދަކުން އުދުއްސާލެވޭ އާދަޔާ ހިލާފު ބޯޓެއް

އެމެރިކާގެ އިލެކްޓްރާ ކުންފުނިން ދަނީ ރަންވޭއެއް ނެތް ކުޑަ ސަރަހައްދުތަކުން އުދުއްސާލެވޭ ފަދަ ހައިބްރިޑް-އިލެކްޓްރިކް މަތިންދާބޯޓެއް އުފައްދަމުންނެވެ. މި ބޯޓުގެ ސަބަބުން ކައިރި މަންޒިލްތަކަށް ކުރާ ދަތުރުތަކުގެ ޚަރަދު ކުޑަވެ، އެއާޕޯޓުތަކަށް ބަރޯސާނުވެ ސީދާ އެއް ތަނުން އަނެއް ތަނަށް އަވަހަށް ދަތުރުކުރުމުގެ ފުރުސަތު ލިބިގެންދާނެއެވެ.

އިސްލާމިކް ބޭންކިންގެ ކްރެޑިޓް ކާޑު ޕޯޓްފޯލިއޯ ތައާރަފުކޮށްފި

މޯލްޑިވްސް އިސްލާމިކް ބޭންކް (އެމްއައިބީ) އިން ޝަރީއާގެ ހަމަތަކަށް ފެތޭ ގޮތަށް ފަރުދުންނާއި ވިޔަފާރިތަކަށް ހާއްސަ ހަތަރު ކެޓަގަރީއެއްގެ އައު ކްރެޑިޓް ކާޑު ޕޯޓްފޯލިއޯއެއް ވަނީ ތައާރަފުކޮށްފައި. މި ކާޑުތަކަށް 12,000ރ. އާއި 300,000ރ. އާ ދެމެދުގެ ކްރެޑިޓް ލިމިޓެއް ކަނޑައަޅާފައި.

ސިނެޓެކްސްގެ ވެބްސައިޓް އަލުން ފަރުމާކޮށްފި

ދިވެހި ތިން ޒުވާނުން އުފެއްދި "ސިނެޓެކްސް" ކުންފުނިން ބައިނަލްއަގުވާމީ ބާޒާރަށް އަމާޒުކޮށް އެ ކުންފުނީގެ ވެބްސައިޓް އަލުން ފަރުމާކޮށްފިއެވެ. މި ކުންފުނީގެ މައިގަނޑު މަގުސަދަކީ ދިވެހިބަހާ އެއްގޮތަށް ޑިޖިޓަލް ވަސީލަތްތައް މަދު ބަސްތަކަށް އޭއައި މޮޑެލްތަކާއި ސައިބަރ ސެކިއުރިޓީ ހައްލުތައް ފޯރުކޮށްދިނުމެވެ. އެގޮތުން 'ތާނަ އޭއައި' މެދުވެރިކޮށް ލިބޭ ހިދުމަތްތައް ފުޅާކޮށް، ކުރިއަށް އޮތް "ސްލަޝް 2026" ކޮންފަރެންސްގައި ދުނިޔޭގެ ފެންވަރުގައި މި ޓެކްނޮލޮޖީ ތައާރަފުކުރުމަށް އެ ކުންފުނިން ދަނީ ތައްޔާރުވަމުންނެވެ.

Newsletter

Get the latest news delivered straight to your inbox