ފާޑުކިޔުން އަމާޒުވި ފަހުން "އެ ހަނދާނުގައި" ޝޯ ރޯދަމަހު ނުދައްކަން ނިންމައިފި

އެ ހަނދާނުގައި ޝޯގައި ލަވަ ކިޔާ ފަންނާނަކާއެކު އެއްބަސްވުން ހެދުމަށްފަހު: ޒީނާ ވިދާޅުވީ ޝޯ ފަސް ކުރީ ރިކޯޑިން ނުނިމޭތީ ކަމަށް -- ފޮޓޯ: ޕީއެސްއެމް

އެ ހަނދާނުގައި ޝޯގައި ލަވަ ކިޔާ ފަންނާނަކާއެކު އެއްބަސްވުން ހެދުމަށްފަހު: ޒީނާ ވިދާޅުވީ ޝޯ ފަސް ކުރީ ރިކޯޑިން ނުނިމޭތީ ކަމަށް -- ފޮޓޯ: ޕީއެސްއެމް

އަޅުކަމަށްވުރެ މިޔުޒިކާއި މުނިފޫހިފިލުވުމަށް އިސްކަންދޭ ކަމަށް ބުނެ ފާޑުކިޔުން އަމާޒުވި ފަހުން، ރޯދަމަހަށް ހާއްސަކޮށް "ޕަބްލިކް ސާވިސް މީޑިއާ އިން ގެނެސްދޭން ނިންމި "އެ ހަނދާނުގައި" ޝޯ މި ރޯދަ މަހު ނުދައްކަން ނިންމައިފި އެވެ.

އެ ޝޯ ރޯދަ މަހު ނުދައްކަން ނިންމީ ފަންނާނުންނާއެކު އެއްބަސްވުމުގައި ސޮއިކޮށް، މި ރޯދަ މަހު ކޮންމެ ހުކުރު ދުވަހެއްގެ ރޭގަނޑު 11:00 ޖަހާއިރު ޝޯ ދައްކާނެ ކަމަށް އިއުލާނު ވެސް ކުރުމަށްފަހެވެ. ނަމަވެސް ފާޑުކިޔުންތަކަށް ފަހު، މިހާރު އެ ހަބަރަށް ވެސް ވަނީ ބަދަލުތަކެއް ގެނެސްފަ އެވެ. މީގެ އިތުރުން ޝޯގެ ހުރިހާ އިޝްތިހާރެއް ވެސް ޕީއެސްއެމުން ވަނީ ޑިލީޓުކޮށްފަ އެވެ.

އެ ޝޯ އިއުލާނުކުރުމާއެކު ސޯޝަލް މީޑިއާގެ ޕްލެޓްފޯމްތަކުގައި ވަރަށް ބޮޑަށް ޕީއެސްއެމްއަށް ފާޑުކިޔުން އަމާޒުވި އެވެ. އެފަދަ ޝޯތައް ދައްކަނީ މީހުން އަޅުކަމާއި ދުރުކުރަން ކަމަށް ބައެއް މީހުން ވަނީ ބުނެފަ އެވެ.

މި ނޫހާ ވާހަކަ ދައްކަމުން އެ ކަމުގެ މައުލޫމާތު އެނގޭ ޕީއެސްއެމްގެ މުވައްޒަފަކު ބުނީ ރޯދަމަހަށްފަހު ޝޯ ދައްކަން ނިންމީ ދީނީ ގޮތުން އަމާޒުވި ފާޑުކިޔުންތަކަށްފަހު ކަމަށެވެ. ނަމަވެސް ޕީއެސްއެމްގެ މެނޭޖިން ޑިރެކްޓަރު ޒީނާ ޒާހިރު އެކަން ދޮގު ކުރެއްވި އެވެ.

"ރިކޯޑިންތައް ހަމަ ކުރިއަށް ދަނީ. އަދިކިރިޔާ ދެ ޝޯ ނިމުނީ. ފަސް ޝޯ ނިންމާފަ ދައްކަންވެގެން ފަސްކުރީ،" ޒީނާ ވިދާޅުވި އެވެ.

ނަމަވެސް ޕީއެސްއެމް އިން ކުރިން ބުނެފައި ވަނީ "އެ ހަނދާނުގައި" ޝޯތައް ކުރިއަށް ގެންދާނީ ލައިވް އޯޑިއެންސަކާއެކު ވަގުތުން ޓީވީން ދައްކާ ގޮތަށް ކަމަށެވެ.

އެ ހަނދާން ޝޯގެ ބައެއް ބައިވެރިން: ޒީނާ ވިދާޅުވީ ޝޯ ފަސް ކުރީ ފާޑުކިޔުން އަމާޒުވެގެން ނޫން ކަމަށް -- ފޮޓޯ: ޕީއެސްއެމް
އެ ހަނދާން ޝޯގެ ބައެއް ބައިވެރިން: ޒީނާ ވިދާޅުވީ ޝޯ ފަސް ކުރީ ފާޑުކިޔުން އަމާޒުވެގެން ނޫން ކަމަށް -- ފޮޓޯ: ޕީއެސްއެމް

އެ ހަނދާން ޝޯގެ ބައެއް ބައިވެރިން: ޒީނާ ވިދާޅުވީ ޝޯ ފަސް ކުރީ ފާޑުކިޔުން އަމާޒުވެގެން ނޫން ކަމަށް -- ފޮޓޯ: ޕީއެސްއެމް

އޭގެ އިތުރުން ޒީނާ ވިދާޅުވީ "އެ ހަނދާނުގާ" ޝޯ ރޯދަ މަހުގައި ގެނެސްދޭން ޕީއެސްއެމުން ނިންމުމުން ރަސްމީ ސިފައެއްގައި އެއްވެސް ފާޑުކިޔުމެއް އައިސްފައިނުވާ ކަމަށެވެ.

ސޯޝަލް މީޑިއާގައި އެ ޝޯއަށް ފާޑުކިޔަމުން މީހަކު ބުނީ "ދައުލަތުގެ މީޑިއާއިން ރޭސް މި ޖަހަނީ މުނިފޫހިފިލުވައި މީހުން އަޅުކަމުން ދުރުކުރުމަށް" ކަމަށެވެ.

"މިއީ ވަރަށް ދެރަކަމެއް. ރޯދަ މަހަކީ އަހަރަކު އެއްފަހަރު އަންނަ މަހެއް. ދައުލަތުގެ މީޑިއާއިން ރޭސް މި ޖަހަނީ މުނިފޫހިފިލުވައި މީހުން އަޅުކަމުން ދުރުކުރުމަށް. ކީއްތަ ވާނީ ރޯދަމަހުގެ ބަރަކާތަށްޓަކާ ވެސް ތިޔަ ކަންތައް ހުއްޓާލަން،" ޝޯއަށް ފާޑުކިޔައި މީހަކު ބުނެފައިވެ އެވެ.

މި އަހަރުގެ އެހަނދާނުގައި ޝޯގައި ލަވަކިޔަން ހަމަޖެހިފައިވަނީ އެ ލަވައެއްގެ "އޮރިޖިނަލް" ލަވަކިޔާފައިވާ ފަންނާނުންނެވެ. ޕީއެސްއެމުން ވަނީ ޝޯގައި ބައިވެރިވާ ފަންނުންނާއެކީ އެކަމާ ގުޅޭ އެއްބަސްވުމުގައި ސޮއި ވެސް ކޮށްފަ އެވެ. އެއީ މުހައްމަދު މާޖިދު (މެޒޯ) އާއި އިސްމާއިލް އައްފާން އާއި އަބްދުﷲ އީސާ ފުޅު (އީސާ) އާއި އައިޝަތު އިނާޔާ އަދި އަހުމަދު ފަސީހު (ފަސީ) އެވެ.

މިއަހަރުގެ ޝޯގައި ޖުމުލަ ފަސް އެޕިސޯޑު ހިމެނޭއިރު ކޮންމެ އެޕިސޯޑެއް ހާއްސަކުރަން ހަމަޖެހިފައިވަނީ ވަކި ފަންނާނަކަށެވެ. އަދި އެ އެޕިސޯޑެއްގައި ލަވަ ކިޔާނީ އެ އެޕިސޯޑެއް ހާއްސަކުރެވޭ ފަންނާނުކަމަށް ޕީއެސްއެމްއިން މައުލޫމާތުދެ އެވެ.

"އެ ހަނދާނުގައި" އެންމެ ފުރަތަމަ ބޭއްވީ 2004 ވަނަ އަހަރުގެ ރޯދަ މަހުގަ އެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox