އިހުސާސް ޕްރޮގްރާމުގައި ނަމްޒާގެ ބަސްމަގު ހުރީ ރަނގަޅަށް ނޫން ކަމަށް ޕީއެސްއެމްއިން ވެސް ބުނެފި

Mar 17, 2024, 4:39 PM
އިހުސާސް ޕްރޮގްރާމްގެ ހޮސްޓު ނަމްޒާ އެ ޕްރޮގްރާމުގެ އިސްތިހާރެއްގައި: ޕީއެސްއެމްއިން ބުނީ އާންމުންގެ ޝަކުވާ ބަލައިގަންނަ ކަމަށް -- ފޮޓޯ: ޓީވީއެމް

އިހުސާސް ޕްރޮގްރާމްގެ ހޮސްޓު ނަމްޒާ އެ ޕްރޮގްރާމުގެ އިސްތިހާރެއްގައި: ޕީއެސްއެމްއިން ބުނީ އާންމުންގެ ޝަކުވާ ބަލައިގަންނަ ކަމަށް -- ފޮޓޯ: ޓީވީއެމް

ޓީވީއެމް އިން ގެނެސްދޭ އިހުސާސް ޕްރޮގްރާމުގައި އެ ޕްރޮގްރާމުގެ ހޮސްޓު އައިމިނަތު ނަމްޒާގެ ބަސްމަގު ހުރީ އެންމެ ރަނގަޅަށް ނޫން ކަމަށް ޕީއެސްއެމް އިން ވެސް ބުނެފި އެވެ.

ނުކުޅެދުންތެރިކަން ހުންނަ ކުޑަ ކުއްޖަކާއި އެ ކުއްޖާގެ އާއިލާއާ އެއްކޮށް މިދިޔަ ބުދަ ދުވަހު ގެނެސްދިން އެ ޕްރޮގްރާމަށްފަހު އާންމުންގެ ވަރަށް ގިނަ ފާޑުކިޔުން ނަމްޒާއަށް އަމާޒުވި އެވެ. ނަމްޒާގެ ބަސްމަގު ހުރީ އެ ކުއްޖާ ކުޑައިމީސް ކުރުވާ ގޮތަކަށް ކަމަށް އާންމުން ބުންޏެވެ.

"މި އެޕިސޯޑުގައި ބޭނުން ކުރެވުނު ބަސްމަގު ބޭނުންކުރެވިފައި ވަނީ އެންމެ އެދެވޭ ނެރޭޓިވްގައި ނޫން ކަމަށް މި ކުންފުނިން ދެކެން. ބުދަ ދުވަހުގެ ރޭ ދެއްކި އިހުސާސް ޕްރޮގްރާމުގައި ރަނގަޅު ކުރަން ފާހަގަ ކުރެވުނު ކަންތައްތައް ބުރާސްފަތި ދުވަހު ހެނދުނު ބޭއްވި ކުންފުނީގެ ވެރިންގެ ބައްދަލުވުމުގައި ވަނީ މަޝްވަރާ ކުރެވިފަ،" ޕީއެސްއެމްއިން ނެރުނު ބަޔާނެއްގައި ބުނެފައިވެ އެވެ.

Advertisement

ޕީއެސްއިމް އިން ބުނީ އާންމުންގެ ފަރާތުން ލިބުނު ޝަކުވާއާ ގުޅޭ ގޮތުން ނަމްޒާ އާއި ޕްރޮގްރާމް ޑިޕާޓްމަންޓުގެ އެންމެ އިސްވެރިޔާ މަޝްވަރާކޮށްފައިވާ ކަމަށެވެ. އެ ޝަކުވާތައް ބަލައިގަންނަ ކަމަށް ވެސް އެ ކުންފުނިން ބުންޏެވެ.

އިހުސާސް ޕްރޮގްރާމް ޓީވީން ދައްކާނީ ކޮންޓެންޓު ޗެކް ކުރުމަށްފަހު ކަމަށް ވެސް އާންމުންގެ ފާޑުކިޔުން އަމާޒުވުމުން ޕީއެސްއެމްއިން ބުނެފައިވެ އެވެ.

"އިހުސާސް ޕްރޮގްރާމު ގެނެސްދޭ ހަތަރު ވަނަ ސީޒަނަށްވުމުން ކޮންޓެންޓު ބަލަމުންދިޔައީ ޕްރޮޑިއުސާ. އަދި ވަކިވަކިން ހުރިހާ ޕްރޮގްރާމެއް ކޮންޓެންޓު ކޮމިޓީން ނުބަލާ. ނަމަވެސް އަލަށް އުފައްދާ ޕްރޮގްރާމެއް އޮންއެއާ ކުރާނީ ކޮންޓެންޓު ކޮމިޓީން ބެލުމަށްފަހު،" ޕީއެސްއެމްގެ މެނޭޖިން ޑިރެކްޓަރު ޒީނާ ޒާހިރު މި ނޫހާ ވާހަކަ ދައްކަވަމުން ވިދާޅުވެފައިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox