ގިނައިން ކިޔަވަނީ އަންހެނުން، އެކަމަކު މަތީ މަގާމުތަކުގައި އަންހެނުން މަދު

ކުދިންތަކެއް ސްކޫލަށް ދަނީ -- ފޮޓޯ: އަދަދު

ކުދިންތަކެއް ސްކޫލަށް ދަނީ -- ފޮޓޯ: އަދަދު

އުމުރުން 17 އަހަރުން ފެށިގެން މަތީ ތައުލީމު ހާސިލުކުރާ އާބާދީގައި ފިރިހެނުންނަށް ވުރެ އަންހެނުން ގިނަ ނަމަވެސް، މަތީ މަގާމުތަކުގައި އަންހެނުން މަދުކަން ތަފާސްހިސާބުތަކުން ދައްކައިފި އެވެ.

އަންހެނުންގެ ދުވަހާ ގުޅިގެން ސްޓެޓިސްޓިކްސް މޯލްޑިވްސްއިން އިއްޔެ ނެރުނު ތަފާސްހިސާބުތަކުން ދައްކާ ގޮތުގައި އުމުރުން 17 އަހަރުން ފެށިގެން 29 އަހަރާއި ހަމައަށް ބަލާނަމަ، މަތީ ތައުލީމު ހާސިލުކުރުމުގައި ގިނައީ އަންހެނުންނެވެ.

ނަަމަވެސް، މެނޭޖީރިއަލް ފެންވަރުގެ މަތީ މަގާމުތަކުގައި މަސައްކަތްކުރާ ދިވެހިންގެ ތެރެއިން އަންހެނުންނަށް ނިސްބަތްވަނީ އެންމެ 23 ޕަސެންޓެވެ. ބާކީ 77 ޕަސެންޓަކީ ފިރިހެނުން އަދާކުރާ މަގާމުތަކެވެ. އަދި ފިރިހެނެއް ނަމަ މަސައްކަތް ލިބިފައިވުމުގެ ފުރުސަތު ވެސް 30.5 ޕަސެންޓު އިތުރުވާ ކަމަށް ތަފާސްހިސާބުތަކުން ދައްކަ އެވެ.

Advertisement

ރާއްޖޭގެ އިގުތިސާދުގެ އެންމެ ބޮޑު ސިނާޔަތް، ފަތުރުވެރިކަމަށް ބަލާނަމަ، ރިސޯޓުތަކުގައި މަސައްކަތްކުރާ އަންހެނުންގެ ޕަސެންޓޭޖް ދަށްކަން ފާހަގަކުރެވެ އެވެ. އެގޮތުން ރިސޯޓުތަކުގައި ވަޒީފާ އަދާކުރަނީ 89 ޕަސެންޓު ފިރިހެނުންނެވެ. އަންހެނުންގެ ނިސްބަތަކީ އެންމެ 11 ޕަސެންޓެވެ.

ތަފާސްހިސާބުތަކުން ދައްކާ ގޮތުގައި ރާއްޖޭގައި ދިރިއުޅޭ ދިވެހިން އިނގެރޭސި ބަހުން ލިޔަން ކިޔަން ދަންނަ ނިސްބަތް ޖިންސުގެ ތަފާތުތަކުން ބަލާއިރު، ފިރިހެނުންގެ 85 ޕަސެންޓުގައި ހުރިއިރު، އަންހެނުންގެ މި ނިސްބަތް ހުރީ 80.2 ޕަސެންޓުގަ އެވެ.

މުޅި ރާއްޖެއަށް ބަލާއިރު ގޭބީސީގެ އެންމެ އިސް މީހާގެ ގޮތުގައި ހަރަކާތްތެރިވަނީ 45 ޕަސެންޓު އަންހެނުން އަދި 55 ޕަސެންޓު ފިރިހެނުންނެވެ. މާލެ އަދި އަތޮޅުތަކަށް ބަލާނަމަ މި ނިސްބަތް ތަފާތެވެ.

ގޭބީސީގެ އިސްމީހާ

މުޅި ރާއްޖެ

  • އަންހެނުން - 45 ޕަސެންޓު
  • ފިރިހެނުން - 55 ޕަސެންޓު

މާލެ

  • އަންހެނުން - 40 ޕަސެންޓު
  • ފިރިހެނުން - 60 ޕަސެންޓު

އަތޮޅުތަކުގެ އިދާރީ ރަށްތަށް

  • އަންހެނުން - 50 އިންސައްތަ
  • ފިރިހެނުން - 50 އިންސައްތަ

ދަރިމައިވާ ރޭޓު އެންމެ މަތީ އަތޮޅުތަކުގެ ތެރޭގައި ޏ.، ފ.، ކ. އަތޮޅު ހިމެނެ އެވެ. އަދި މި ރޭޓު އެންމެ ދަށީ ނ. އަދި ދ. އަތޮޅުގަ އެވެ.

އެވަރެޖްކޮށް ދިވެހި އަންހެނަކު އެމީހެއްގެ ދަރިމައިވާ އުމުރުގެ ތެރޭގައި ހޯދާ ދަރިންގެ އަދަދު މިހާރު ހުރީ 1.7 ގަ އެވެ. މިއީ ރިޕްލޭސްމަންޓް ލެވެލްއަށް ވުރެ ދަށް އަދަދެއްކަން ތަފާސްހިސާބުތަކުން ހާމެވެ އެވެ.

މީގެ އިތުރުން ދިވެހި އަންހެނުންގެ މެދުގައި ނުކުޅަދުންތެރިކަން ހުރި މިންވަރު ފިރިހެނުންނަށް ވުރެ މަތިކަން ތަފާސްހިސާބުތަކުން ދައްކަ އެވެ. އެގޮތުން އަންހެނުންގެ މެދުގައި ނުކުޅަދުންތެރިކަމުގެ ރޭޓު 7.8 ގައި ހުރި އިރު، ފިރިހެނުންގެ މެދުގައި މި ރޭޓު ހުރީ 6.1 ޕަސެންޓުގަ އެވެ.

ރާއްޖޭގައި އެންމެ ގިނަ މީހުންގެ ނުކުޅަދުންތެރިކަން ހުރީ ހިނގާބިނގާވެ އުޅުމުގަ އެވެ. އަދި އަންހެނުންނަށް ހިނގާބިނގާވެ އުޅުމުގެ ދަތިކަން ހުރި މިންވަރު އިތުރުކަން ތަފާސްހިސާބުތަކުން ހާމަވެ އެވެ.

ރާއްޖޭގެ ޖުމުލަ އާބާދީއަކީ 515،132 އެވެ. އޭގެ ތެރޭގައި ހިމެނެނީ 188،077 ދިވެހި އަންހެނުންނާއި 194،562 ދިވެހި ފިރިހެނުންގެ އިތުރުން، 15،061 ބިދޭސީ އަންހެނުން އަދި 117،432 ބިދޭސީ ފިރިހެނުންނެވެ.

ރާއްޖޭގައި ދިރިއުޅޭ ދިވެހި އާބާދީގައި ގިނައީ ފިރިހެނުންނެވެ. އެގޮތުން ދިވެހި އާބާދީގެ ކޮންމެ 100 އަންހެނަކަށް 103 ފިރިހެނުން ތިބެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox