މަޖިލީހުގެ ވަކި ޕަސެންޓަކީ 30 އަހަރުން ދަށުގެ މީހުންނަށް ހަދަން ގާނޫނުއަސާސީ އިސްލާހު ކުރަނީ

ރައްޔިތުންގެ މަޖިލިސް: މަޖިލިސް މެންބަރުންގެ ވަކި އަދަދެއް ޒުވާނުންގެ ގޮތުގައި ކަނޑައަޅަން ދިރާސާތަކެއް ކުރަމުންދާ ކަމަށް މުއިއްޒު މިއަދު ވިދާޅުވި -- ފޮޓޯ: މަޖިލިސް

ރައްޔިތުންގެ މަޖިލިސް: މަޖިލިސް މެންބަރުންގެ ވަކި އަދަދެއް ޒުވާނުންގެ ގޮތުގައި ކަނޑައަޅަން ދިރާސާތަކެއް ކުރަމުންދާ ކަމަށް މުއިއްޒު މިއަދު ވިދާޅުވި -- ފޮޓޯ: މަޖިލިސް

ރައްޔިތުންގެ މަޖިލީހުގެ ވަކި ޕަސެންޓޭޖަކީ އުމުރުން 30 އަހަރުން ދަށުގެ ޒުވާނުންނަށް ހަދަން ގާނޫނު އިސްލާހު ކުރައްވާނެ ކަމަށް ރައީސް މުހައްމަދު މުއިއްޒު މިއަދު ވިދާޅުވެއްޖެ އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި މުއިއްޒު ވިދާޅުވީ މަޖިލީހުގެ މެންބަރުންގެ އަދަދު އިތުރުވާ އިތުރުވުން ހުއްޓުވުމަށް ގެންނަން އިސްލާހާއެކު މަޖިލިސް މެންބަރުންގެ ވަކި އިންސައްތައަކީ 30 އަހަރުން ދަށުގެ ޒުވާނުންނަށް ހެދުމަށް ދިރާސާތަކެއް ކުރަމުންދާ ކަމަށެވެ.

"މަޖިލީހުގެ މެންބަރުންގެ އަދަދު އިތުރުވާ އިތުރުވުން ހުއްޓުވުމަށް ގެނެވޭ އިސްލާހު ގެނެވޭއިރުގައި އަޅުގަނޑުމެން ހުށަހަޅަން ގަސްތުކުރަން ދިރާސާކުރެވެމުންދާ ދެ ކަމެއް އެބަ އޮތް. އެއް ކަމަކީ ވަކި އިންސައްތައެއް އެއީ 30 އަހަރުން ދަށުގެ ޒުވާނުންކަމުގައި ކަނޑައެޅުން މަޖިލިސް މެންބަރުންގެ އަދަދުގެ ތެރޭގައި ވަކި އިންސައްތައެއް،" މުއިއްޒު ވިދާޅުވި އެވެ.

Advertisement

މެންބަރުންގެ އަދަދު އިތުރުވާ އިތުރުވުމާ ގުޅިގެން ހުށަހަޅާ އިސްލާހާއެކު މަޖިލިސް މެންބަރުންގެ ތެރެއިން ވަކި އިންސައްތައަކީ އަންހެނުން ކަމަށް ކަނޑައެޅުމަށް ވެސް ހުށަހަޅާނެ ކަމަށް މުއިއްޒު ވިދާޅުވި އެވެ.

"އަދި ހަމަ އެފަދައިން ވަކި އިންސައްތައެއް އެއީ އަންހެނުން ކަމުގައި ކަނޑައެޅުން. މިހާރު އެގޮތަކަށްވެސް ނޯވޭ. ކައުންސިލްގެ ކޮމްޕޮޒިޝަންގައި އޮވޭ އަންހެނުންގެ ވަކި އަދަދެއް ކަނޑައެޅިފައި. އެހެންނަމަވެސް އެމްޕީސްގެ ނޯންނާނެ އެގޮތަކަށް،" މުއިއްޒު ވިދާޅުވި އެވެ.

މުއިއްޒު ވިދާޅުވީ މަޖިލިސް މެންބަރުންގެ އަދަދު އިތުރުވާ އިތުރުވުމާ ގުޅޭ އިސްލާހު ގުޅިފައި އޮތީ ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމާ ގުޅޭގޮތުން ނަގާ ރެފެރެންޑަމް ވޯޓާ ކަމަށެވެ. ނަމަވެސް އަދަދު އިތުރުވުމާ ގުޅޭ އިސްލާހު ރެފެރެންޑަމްއާ ގުޅޭ ގޮތެއް މުއިއްޒު ވިދާޅެއް ނުވެ އެވެ.

"ރައްޔިތުންގެ މަޖިލީހުގެ މެންބަރުންގެ އަދަދު މި އިތުރުވާ އިތުރުވުމަށް އިސްލާހެއް ގެންނަން ބޭނުން. މިކަންވެސް ކުރެވޭނީ ގާނޫނުއަސާސީއަށް އިސްލާހެއް ގެނެސްގެން. އެކަމަކު މިކަން ކުރުމުގައި ދެ އިންތިހާބު އެއް ދުވަހެއްގައި ބޭއްވުމާ ބެހޭ ގޮތުން ރައްޔިތުން ނިންމަވާ ގޮތެއް، އެއީ އެއް ދުވަހެއްގައި ބާއްވަން ފެނިވަޑައިގަންނަވާތޯ، ނޫންތޯ ރައްޔިތުން ނިންމަވާ ގޮތެއްގެ މައްޗަށް ބިނާކުރެވި އެކަމުގެ އިސްލާހު ގެނައުމުގެ މަސައްކަތް ކުރިއަށް ގެންދާނަން،" މުއިއްޒު ވިދާޅުވި އެވެ.

އޭގެ އިތުރުން، ރިޔާސީ އިންތިހާބު އެއްބުރުން ކުރިއަށް ގެންދެވޭނެ ގޮތަށް ޕްރިފަރެންޝަލް ވޯޓެއް ނެގުމާ ގުޅޭ ގޮތުން ދިރާސާތައް ކުރިއަށް ގެންދާކަން ފާހަގަކުރައްވާ މުއިއްޒު ވިދާޅުވީ އެ އިސްލާހު ގެނައުން ވެސް އަދި ނޮވެމްބަރު 17، ގެ ބަދަލުގައި ނޮވެމްބަރު 11، ގައި އައު ރިޔާސީ ދައުރު ފެށުމާ ގުޅޭ އިސްލާހު ވެސް ގުޅިފައި އޮތީ ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމާ ގުޅޭގޮތުން ނަގާ ރެފެރެންޑަމް ވޯޓާ ކަމަށެވެ.

ނަމަވެސް މި ހުރިހާ އިސްލާހުތަކެއް ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމަށް ނަގާ ރެފެރެންޑަމް ވޯޓާ ގުޅެނީ ކިހިނެއް ކަމެއް މުއިއްޒު ވިދާޅެއް ނުވެ އެވެ.

ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމާ ގުޅޭގޮތުން ވޯޓު ނަގަނީ އަންނަ އެޕްރީލް 4، ގަ އެވެ. ހަމަ އެ ދުވަހު ލޯކަލް ކައުންސިލް އިންތިހާބުގެ ވޯޓު ވެސް ކުރިއަށް ގެންދަން އޮތީ ނިންމައިފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox