އެތުލެޓިކްސް އެސޯސިއޭޝަން ޗެމްޕިއަންޝިޕް: މޮޅު އެތުލީޓުގެ މަގާމު ހޯދީ ސާއިދު އާއި ފަސޫހާ އަށް

Mar 8, 2024, 4:45 PM
މޮޅު އެތުލީޓުގެ މަގާމު ހޯދި ސާއިދު (ވ) އާއި ފަސޫހާ.--- ފޮޓޯ: ގާފު ސްޕޯޓްސް

މޮޅު އެތުލީޓުގެ މަގާމު ހޯދި ސާއިދު (ވ) އާއި ފަސޫހާ.--- ފޮޓޯ: ގާފު ސްޕޯޓްސް

މައިލޯ އެސޯސިއޭޝަން ޗެމްޕިއަންޝިޕުގެ އޯޕަން ބައިގެ އެންމެ މޮޅު ފިރިހެން އެތުލީޓުގެ މަގާމް ދިވެހި ސިފައިންގެ ކްލަބުގެ ހަސަން ސާއިދު އަދި އެންމެ މޮޅު އަންހެން އެތުލީޓުގެ މަގާމް، ޓްރެކް އެންޑް ފީލްޑް އެސޯސިއޭޝަންގެ، ފަސޫހާ އަހުމަދު ހޯދައިފި އެވެ.

ސާއިދު ވަނީ، މި ފަހަރުގެ އެސޯސިއޭޝަން ޗެމްޕިއަންޝިޕްގައި ތިން ރަން މެޑަލް ހޯދައިފަ އެވެ. އެއީ، 100 މީޓަރު ދުވުމާއި 200 މީޓަރު ދުވުމުގެ އިތުރުން، 4 ގުނަ 100 މީޓަރު ދުވުމުން ހޯދި މެޑަލްތަކެވެ.

ސާއިދު، 200 މީޓަރު ރޭހުގެ ފައިނަލް އެއް ވަނައިގައި ނިންމާލީ، 22.05 ސިކުންތުންނެވެ. ދެ ވަނައިގައި ނިންމި އަހުމަދު ނަޖުދާން އަބްދުﷲ ގެ ޓައިމިން އަކީ، 22.22 ސިކުންތެވެ. އަދި ތިން ވަނަ ހޯދި އިބްރާހިމް ނާހިލް ނިޒާރު ވަނީ 22.69 އިން ރޭސް ނިންމައިފަ އެވެ.

Advertisement

މި ފަހަރުގެ އެސޯސިއޭޝަން ޗެމްޕިއަންޝިޕްގެ ރޭހެއްގެ ތެރެއިން ސާއިދު ދުވަނީ.--- ފޮޓޯ: އިމޭޖަސް.އެމްވީ

ސަތޭކަ މީޓަރު ރޭހުގައި، ސާއިދު އެއް ވަނަ ހޯދީ، 10.65 ސިކުންތުން ދުވެގެންނެވެ. ދެ ވަނަ އަށް ދިޔަ ނަޖުދާން، 10.94 އިން ރޭސް ނިންމިއިރު، ތިން ވަނަ ހޯދި ނާހިލްގެ ޓައިމިން އަކީ، 11.06 ސިކުންތެވެ.

ހަތަރެއް ގުނަ 100 މީޓަރު ރިލޭގައި، ސާއިދު ހިމެނޭ ދިވެހި ސިފައިންގެ ކްލަބުން އެއް ވަނަ ހޯދީ، 43.47 ސިކުންތުން ރޭސް ނިންމައިގެންނެވެ. ދެ ވަނަ އަށް ދިޔަ ސާއިދު ސްޕޯޓްސް އަށް ލިބުނީ، 45.30 ސިކުންތެވެ. އަދި ތިން ވަނަ ހޯދި ޝަރީފް ސްޕޯޓްސްގެ ޓައިމިން އަކީ، 46.42 ސިކުންތެވެ.

ފަސޫހާގެ ކާމިޔާބީ އަށް އިތުރު ބޮޅެއް

ފަސޫހާ މި ވަނީ ގައުމީ ލެވަލްގައި ޖެހިޖެހިގެން ދެ މުބާރާތުގެ މޮޅު އެތުލީޓުގެ މަގާމު ހޯދައިފަ އެވެ. އެ ގޮތުން، މި ފަހަރުގެ އެސޯސިއޭޝަން ޗެމްޕިއަންޝިޕްގެ ކުރިން، އެންމެ ފަހުން، ބޭއްވި ގައުމީ ގްރޯން ޕްރީގައި ވެސް އެއް ވަނަ އަންހެން އެތުލީޓަކީ، ފަސޫހާ އެވެ.

އެސޯސިއޭޝަން ޗެމްޕިއަންޝިޕްގެ މޮޅު އެތުލީޓުގެ މަގާމު ފަސޫހާ ހޯދާފައިވަނީ، 800 މީޓަރާއި 1500 މީޓަރު އަދި 5000 މީޓަރު ރޭހުން ރަން މެޑަލް ހޯދައި، ހަތަރެއް ގުނަ 100 މީޓަރުން ލޯ މެޑަލާއި ހަތަރެއް ގުނަ 400 މީޓަރުގެ ރިލޭ އިން ރިހި މެޑަލް ހޯދައިގެންނެވެ.

ފަސޫހާ: ގައުމީ ލެވަލްގައި ބޮޑެތި ކުރިއެރުންތަކެއް ހޯދަމުން އަންނަ ދުވުންތެރިއެއް.

އަންހެނުންގެ 800 މީޓަރު ރޭހުގައި ފަސޫހާގެ ޓައިިމިން އަކީ، 2 މިނިޓް، 22.94 ސިކުންތެވެ. ދެ ވަނައިގައި ނިންމި ޒީކް އަޝްރަފް ރަޝީދުގެ ޓައިމިން އަކީ 2 މިނިޓް، 29.52 ސިކުންތެވެ. އަދި ތިން ވަނަ ހޯދި އައިޝަތު ބިންތި އަހުމަދުގެ ޓައިމިން އަކީ، 2 މިނިޓް 35.42 ސިކުންތެވެ.

ފަސޫހާ، އަންހެނުންގެ 1500 މީޓަރު ރޭސް ކާމިޔާބުކުރީ 5 މިނިޓް، 22.26 ސިކުންތުން ރޭސް ނިންމައިގެންނެވެ. ދެ ވަނަ އަށް ދިޔަ ޒީކްގެ ޓައިމިން އަކީ، 5 މިނިޓް 28.69 ސިކުންތެވެ. އަދި ތިން ވަނަ ހޯދި އައިޝަތުގެ ޓައިމިން އަކީ، 5 މިނިޓް، 30.29 ސިކުންތެވެ. ފަސް ހާސް މީޓަރުގެ ދުވުމުގައި، ފަސޫހާގެ ޓައިމިން އަކީ، 22 މިނިޓް، 23.15 ސިކުންތެވެ. ދެ ވަނައިގައި ނިންމި އައިޝަތު ރޭސް ނިންމީ 22 މިނިޓް، 28.34 ސިކުންތުންނެވެ. އަދި ތިން ވަނައިގައި ނިންމާލި ޒީކްގެ ޓައިމިން އަކީ، 23 މިނިޓް، 07.94 ސިކުންތެވެ.

ޖޫނިއާ ބައިން އެއް ވަނަ އައުހާ އާއި ޔޫނުސް އަށް

އެސޯސިއޭޝަން ޗެމްޕިއަންޝިޕްގެ 15 އަހަރުން ދަށުގެ ކެޓަގަރީ ޖޫނިއާ ބައިން އެއް ވަނަ ހޯދި އެތުލީޓުންނަކީ، މުހައްމަދު ޔޫނުސް ބިން ހުސެއިން ބިން އިބްރާހިމް އާއި އައިމިނަތު އައުހާ އަބްދުލް ރަހުމާން އެވެ.

އައްޑޫ އެތުލެޓިކްސް ޓީމުގެ ޔޫނުސް ވަނީ، 400 މީޓަރުގެ ދުވުމާއި، 80 މީޓަރުގެ ހާޑްލްސް އިން ރަން މެޑަލް ހޯދުމުގެ އިތުރުން ޓްރިޕްލް ޖަމްޕް ކެޓަގަރީން ރިހި މެޑަލް ހޯދައިފަ އެވެ. ޔޫނުސް، 400 މީޓަރު ރޭސް ނިންމީ، 57.80 ސިކުންތުންނެވެ. ދެ ވަނަ އަށް ދިޔަ، މުހައްމަދު ޖަމާލުއްދީން ސްކޫލްގެ ލުޖެއިން ހަސަން އަކްމަލްގެ ޓައިމިން އަކީ، 59.37 ސިކުންތުންނެވެ. ތިން ވަނަ ހޯދި، އިމާދުއްދީން ސްކޫލްގެ މުހައްމަދު ޔޫނުސް ހުސްނީގެ ޓައިމިން އަކީ، 1 މިނިޓް، 01.39 ސިކުންތެވެ.

ޝަރީފް ސްޕޯޓްސް ޓީމުގެ އައުހާ ވަނީ ޖުމްލަ އެކު، މި އުމުރުފުރާގައި ފަސް މެޑަލް ހޯދައިފަ އެވެ. އެއީ، ތިން ރަން މެޑަލާއި ދެ ލޯ މެޑަލް އެވެ. ރަން މެޑަލް ހޯދީ، 100 މީޓަރާއި 200 މީޓަރު ދުވުމުގެ އިތުރުން ލޯންގް ޖަމްޕް އިންނެވެ. އަދި މެޑްލީ ރިލޭ އާއި ހަތަރެއް ގުނަ 100 މީޓަރު ރޭހުން ލޯ މެޑަލް ހާސިލްކުރި އެވެ.

އައުހާ ވަނީ، 100 މީޓަރު ދުވުމުގައި، 13.49 ސިކުންތުން ރޭސް ނިންމައިފަ އެވެ. ދެ ވަނަ ހޯދި ޝަރީފް ސްޕޯޓްސްގެ އާނީ ހުސެއިން އަހުމަދުގެ ޓައިމިން އަކީ، 14.37 ސިކުންތެވެ. އަދި ތިން ވަނަ ހޯދި ނަސީރު ސްޕޯޓްސް ކްލަބްގެ ހައްވާ އައިރީން ދިލްޝާންގެ ޓައިމިން އަކީ، 14.43 ސިކުންތެެވެ. މި އުމުރުފުރާގެ 200 މީޓަރުގެ ރޭހުގެ އެއް ވަނަ، އައުހާ ހޯދީ، 28.21 އިން ރޭސް ނިންމައިގެންނެވެ. ދެ ވަނަ އަށް ދިޔަ، އައްޑޫ އެތުލެޓިކްސްގެ އުޔޫން އަހުމަދު ނަދީމް ރޭސް ނިންމީ، 28.74 ސިކުންތުންނެވެ. އަދި ތިން ވަނަ ހޯދި، އިމާދުއްދީން ސްކޫލްގެ އަމަތުﷲ ބިންތި ޔާމީން ރޭސް ނިންމީ، 29.83 ސިކުންތުންނެވެ.

ލޯންގް ޖަމްޕް އިން އައުހާ މެޑަލް ހޯދީ، 4.42 މީޓަރު ދުރަށް ފުންމައިގެންނެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox