މި މަހު އަތޮޅު ދުވުން ކުޅެގެން ލީޑަރު ބޯޑުގެ އެއްވަނައިގައި ހިމެނޭ ފަރާތަށް ދެ އުމްރާ ދަތުރު ދިނުމަށް އުރީދޫ އިން ނިންމައިފި އެވެ.
އުރީދޫ އިން ބުނީ "އަތޮޅު ދުވުން" ގޭމަކީ ރާއްޖޭގައި ތައްޔާރު ކުރެވިފައިވާ ފުރަތަމަ އެންޑްލަސް ރަނާ ގޭމު ކަަމަށާއި، މި ގޭމަކީ އެންމެ ފުރަތަމަ އިސްތިހާރު ކަމަށްވާ "ހަސަނަށް ފޯނެއް" ގެ ދަތުރުގައި، ކޮންމެ މަހަކު ރާއްޖޭގެ އެއް ރަށަށް ނުވަތަ ލެވަލެއް އަންލޮކް ވެގެން ދާނެ ކަމަށެވެ.
އެޕަލް އެޕްސްޓޯ އަދި ގޫގުލް ޕްލޭސްޓޯއިން "އަތޮޅު ދުވުން" ޑައުންލޯޑު ކުރެވޭނެ ކަމަށާއި، މި މަހުގެ އަޕްޑޭޓް މިހާރު ލިބެން ހުންނާނެ ކަމަށްވެސް އުރީދޫ އިން ބުނެ އެވެ.
އަތޮޅު ދުވުމުގެ މި މަހުގެ ޕާޓްނަރަކީ ގިބްލަ ހައްޖު އެންޑް އުމްރާ އެވެ. އަދި ގޭމުގެ ތެރެއިން ބޯނަސް ޑޭޓާ އަދި މޫލީ ވައުޗާ ލިބުމުގެ ފުރުސަތުވެސް މި މަހު ލިބިގެންދާނެ ކަމަށް އުރީދުއިން ބުނެ އެވެ.
މިގޭމުގައި 12 ލެވެލް ހިމެނޭއިރު، ކޮންމެ މަހަކު އާ ލެވެލެއްގައި އާ ރަށަކަށް ދަތުރުކުރެވޭނެކަން ފާހަަގަކޮށް އުރީދޫ އިން ބުނީ އަންލޮކް ވެގެންދާ ލެވެލް ކުޅެވޭނީ ހަމަ އެކަނި އެ މަހަކު ކަމަށެވެ.
"ކަލަންޑަރުގައި ހިމެނޭ މަންޒަރުގައި ސިއްރު އާޓްވޯކެއް ހިމެނިފައިވާނެ. މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލްއެއް ކުޅުމުގެ ފުރުސަތު ލިބިގެންދާނެ. މިއަހަރުގެ ކަލަންޑާ އަދި ގޭމް ތައްޔާރު ކުރައްވާފައިވަނީ ލޫޕްކްރާފްޓްގެ ހުނަރުވެރި ޓިމުން" އުރީދޫ އިން ބުންޏެވެ.
މި އަތޮޅު ދުވުމުގައި ފެނިގެންދާނީ ޒަމާނުއްސުރެ ގަލު ވަޑާމަށް މަޝްހޫރު ނ. ލަންދޫ އެވެ، އެއީ ރާއްޖޭގައި އެންމެ ގިނައިން ކުއްޅަވަށް އުފެދޭ އަދި ކުއްޅަވަށް ބޭނުން ކޮށްގެން ތަކެތި ތައްޔާރުކުރާ ރަށެެވެ.
