ދުނިޔޭގެ މިވަގުތު އެންމެ އަގުބޮޑު ކްރިޕްޓޯ ކަރަންސީ ކަމަށްވާ ބިޓްކޮއިނެއްގެ އަގު 64،000 ޑޮލަރަށް ވުރެ މައްޗަށް އަރައިފި އެވެ.
މިއީ 2021 ވަނަ އަހަރުގެ ނޮވެމްބަރަށް ފަހު ބިޓްކޮއިނެއްގެ އަގު 64،000 ޑޮލަރަށްވުރެ މައްޗަށް އެރި ފުރަތަމަ ފަހަރަށެވެ.
ބިޓްކޮއިނެއްގެ އަގު މި އަހަރު 50 ޕަސަންޓަށް އިތުރުވެފައި ވާއިރު، ފެބްރުއަރީ މަހު އެކަނިވެސް ބިޓްކޮއިނެއްގެ އަގު ވަނީ 45 ޕަސަންޓަށް އިތުރުވެފަ އެވެ.
ބިޓްކޮއިނެއްގެ އަގު ފާއިތުވެދިޔަ ފަސް ދުވަހު ވެސް މައްޗަށް އަރައިގެން ގޮސްފައި ވާއިރު، އެއަށް އިންވެސްޓުކުރާ މީހުންގެ އަދަދު ވަނީ އިތުރުވެފަ އެވެ.
މިދިޔަ އަހަރު ބިއާންސްގެ ފައުންޑާ ޗަންގްޕެންގް ޒްހައޯގެ މައްޗަށް އުފުލި ދައުވާތަކާ ގުޅިގެން ބިޓްކޮއިންގެ އަގު ޖުލައި މަހު 29،000 ޑޮލަރަށްވެސް ވެއްޓުނެވެ.
ބިޓްކޮއިނެއްގެ އަގު އެންމެ މައްޗަށް އަރައިގެން ދިޔައީ 68،982 ޑޮލަރާއެކު 2021 ގެ ނޮވެމްބަރުގަ އެވެ.
ފާއިތުވި 24 ގަޑިއިރު ތެރޭގައި ކްރިޕްޓޯ މާކެޓުގައި ބިޓްކޮއިންގެ އަގު ވަނީ 198.71 ބިލިއަން ޑޮލަރަށް ޖެހިލައިފަ އެވެ.
