ފަރުމަސްވެރިކަން ކުރާ ފަރާތްތަކަށް ދެ މިލިއަން ރުފިޔާއާ ހަމައަށް ލޯނު ދޫކުރަނީ

މަސްވެރިޔަކު ރަތް މަހެއް ބޭނުމަށްފަހު ފޮޓޯއަކަށް ހުއްޓިގެން -- ފޮޓޯ: އައްޑޫ ސްޕޯޓްސް ފިޝިންގް

މަސްވެރިޔަކު ރަތް މަހެއް ބޭނުމަށްފަހު ފޮޓޯއަކަށް ހުއްޓިގެން -- ފޮޓޯ: އައްޑޫ ސްޕޯޓްސް ފިޝިންގް

ފަރުމަސްވެރިކަން ކުރާ ފަރާތްތަކަށް ދެ މިލިއަން ރުފިޔާއާ ހަމައަށް ލޯނު ދޫކުރުމަށް އެސްޑީއެފްސީން ނިންމައިފި އެވެ.

އެސްޑީއެފްސީން ބުނީ، ފަރުމަހުގެ މަސްވެރިކަން ކުރަން ފެށުމަށާއި މިހާރުވެސްކުރަމުން އަންނަ ފަރުމަހުގެ މަސްވެރިކަން ކުރިއެރުވުމަށް، އަދި ކުދި އައިސްޕްލާންޓް ބެހެއްޓުމަށް ދެ މިލިއަން ރުފިޔާއާ ހަމައަށް ލޯނު ދޫކުރަން ހުޅުވާލުމަށް ހަމަޖެހިފައި ވަނީ ބުދަ ދުވަހު ކަމަށެވެ.

އެ ލޯނުތައް ދޫކުރާނީ ފަސް ޕަސަންޓް އިންޓްރެސްޓަކާއެކު ކަމަށާއި، ލޯނު އަދާ ކުރަން ޖެހޭނީ ގިނަ ވެގެން 10 އަހަރުގެ ތެރޭގައި ކަމަށް އެސްޑީއެފްސީން ބުންޏެވެ.

Advertisement

"ލޯނުގެ ގްރޭސް މުއްދަތުގެ ގޮތުގައި ގިނަވެގެން 10 މަސް ދުވަސް އެކުލެވޭނެ އަދި އެސްޑީއެފްސީން ކަނޑައަޅާ މިންގަނޑަށް ފެތޭ ރަހުނެއް ލޯނަށް އެދޭ ފަރާތުން ބަހައްޓަންވާނެ" އެސްޑީއެފްސީން ބުނެ އެވެ.

އެސްޑީއެފްސީން ބުނީ، މިހާރުވެސް އައިސްޕްލާންޓުގެ ހިދުމަތް ދެމުން އަންނަ ރަށްރަށުގައި އަދި އައިސްޕްލާންޓް ގާއިމު ކުރުމުގެ މަސައްކަތް ކުރަމުންދާ ރަށްރަށުގައި އައިސްޕްލާންޓް ގާއިމު ކުރުމަށް މި ސްކޫމްގެ ދަށުން ލޯނު ދޫކުރާނެ ކަމަށެވެ.

ލޯނު ލިބޭ މީހުންނަށް ހުރި ޝަރުތުތައް:

• އައިސްޕްލާންޓު ގާއިމު ކުރުމުގެ މަސައްކަތް ނިމި ލޯނު ދޫކުރާތާ އެއް އަހަރު ތެރޭގައި އޮޕަރޭޓްކުރުން.

• ނަގާފައިވާ ލޯނުގެ ދަށުން ދައްކަން ޖެހި ނުދެއްކިފައިވާ ފައިސާއެއް ނުވަތަ ލޯނުގެ އޯވާޑިއުއެއް ނެތުން.

އައިސްޕްލާންޓް ގާއިމު ކުރުމަށް ދޫކުރާ ލޯނު ހަރަދު ކުރެވޭ ކަންތައްތައް:

• އައިސް ޕްލާންޓާއި އައިސް ސްޓޯރޭޖު, ޕަވާ ހައުސް އިމާރާތުގެ ފައުންޑޭޝަނާއި އެންމެހާ ސިވިލް ވޯކެއް.

• އައިސް ޕްލާންޓު މެޝިނަރީ ޖެނެރޭޓަރު ސެޓު ގަނެ ޝިޕްކޮށް ސައިޓަށް ސަޕްލައި ކުރުން.

• އައިސް ޕްލާންޓު މެޝިނަރީ ޖެނެރޭޓަރު ސެޓު އިންސްޓޯލްކޮށް ކޮމިޝަން ކުރުން.

• އިމާރާތް ހިޔާކޮށް ދޮރާއި ދޮރުފަތް ހަރު ކުރުން.

މި ސްކީމުގެ ދަށުން ކުދި އައިސްޕްލާންޓު ކަމުގައި ބަލާނީ ޑެއިލީ އައިސް ޕްރޮޑަކްޝަން ކެޕޭސިޓީ ފަސް ޓަނާއި 15 ޓަނާއި ދެމެދުގެ ކެޕޭސިޓީގެ އައިސްޕްލާންޓަށް ކަމަށް އެސްޑީއެފްސީން ބުނެ އެވެ.

މީގެއިތުރުން އައިސް ޕްލާންޓު ގަނެ އިންސްޓޯލް ކުރުމާއި އިމާރާތް ކުރުމުގެ އިތުރުން އެހެނިހެން ހަރަދުތަކުގެ އަގު ދެ މިލިއަން ރުފިޔާއަށްވުރެ އިތުރަށް ކުރަން ޖެހޭ ހަރަދު ކުރަން ޖެހޭނީ ލޯނަށް އެދޭ ފަރާތުން ކަމަށްވެސް އެސްޑީއެފްސީން ބުނެ އެވެ.

މި ސްކީމުގެ ދަށުން ލޯނު ލިބިގެން އައިސްޕްލާންޓު ގާއިމު ކުރުމަށް ދޫކުރެވޭ ލޯނުގެ 30 ޕަސަންޓަކީ ހިލޭ އެހީ ނުވަތަ ގްރާންޓުގެ ގޮތުގައި ދެވޭ ފައިސާކަމުގައި ކަނޑައެޅޭނެކަން ފާހަގަކޮށް އެސްޑީއެފްސީން ބުނީ، ހިލޭ އެހީ ނުވަތަ ގްރާންޓުގެ ގޮތުގައި ކަނޑައެޅޭ ފައިސާ ހަމަޖެހިގެންދާނީ ނަގާ ލޯނުގެ އަދަދުން ކެނޑިގެންދާ ގޮތަށް ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox