އެސްޓީއޯއިން ކޮންމެ އަހަރަކު ބާއްވާ އެސްޓީއޯ ކޮންސްޓްރަކްޝަން ސޮލިއުޝަންސްގެ "ރަމަޒާން ބާޒާރު" ޕްރޮމޯޝަން މިއަދު ފަށައިފި އެވެ.
އަންނަ އެޕްރީލް 11، ގެ ނިޔަލަށް ކުރިޔަށްގެންދާ މި ޕްރޮމޯޝަން ފައްޓަވައިދެއްވީ އެސްޓީއޯގެ އެމްޑީ ޝިމާދް އިބްރާހީމް އެވެ.
އެސްޓީއޯއިން ބުނީ، މި ޕްރޮމޯޝަން ކުރިޔަށްދާނީ އެސްޓީއޯގެ މަކިޓާ ޝޯރޫމާއި އެސްޓީއޯ ކޮންސްޓްރަކްޝަން ސޮލިއުޝަންސް ޝޯމްރޫމުގެ އިތުރުން އަމީނީ މަގު ނިޕޯން ޝޯރޫމް އަދި ލ. ފޮނަދޫ ފިހާރައިގަ އެވެ.
ރަމަޒާން ބާޒާރު ޕްރޮމޯޝަންގައި ކޮންމެ 1،000ރ. ގެ ވިޔަފާރިއެއް ކުރާ ފަރާތަކަށް ޑިޖިސްޓަލް ކޫޕަނެއް ލިބޭއިރު، އެސްޓީއޯ އިން ބުނީ ކޫޕަން ލިބޭ ފަރާތްތަކުގެ މެދުގައި ރޯދަ މަސް ނިމުގެ ކުރިން ގުރުއަތު ނަގާނެ ކަމަށެވެ.
ޕްރޮމޯޝަންގެ ދަށުން އެއްވަނައަށް ހޮވޭ ފަރާތަކަށް ބައިލައްކަ ރުފިޔާގެ މުދަލުގެ ގިފްޓް ވައުޗާއެއް އެސްޓީއޯ ކޮންސްޓްރަކްޝަން ސޮލިއުޝަނުން ލިބެ އެވެ.
މީގެއިތުރުން އެސްޓީއޯ އިން ބުނީ، ހަ ނަސީބުވެރި ފަރާތަކަށް 5،000ރ. މުދާ އެސްޓީއޯގެ ކޮންސްޓްރަކްޝަން ސޮލިއުޝަންސްގެ އައުޓްލެޓްތަކުން ގަނެވޭނެ ކަމަށެވެ. މިގޮތުން ސިމެންތި، ހިލަ، ހިލަވެލި އަދި ނިޕޯން ޕެއިންޓް ފަދަ އާންމުކޮށް ކޮންސްޓްރަކްޝަން އިންޑަސްޓްރީގައި ބޭނުންކުރާ ބާވަތްތައް ވެސް އިނާމު ލިބޭ ނަސީބުވެރިންނަށް ނެގޭނެ ކަމަށް އެ ކުންފުނިން ބުނެ އެވެ.
މީގެއިތުރުން މި ޕްރޮމޯޝަންގެ ދަށުން އެސްޓީއޯ ކޮންސްޓްރަކްޝަން ސޮލިއުޝަންސް އިން ވިއްކާ ޕްރޮޑަކްޓްސްތަކުން 50 ޕަސެންޓާ ހަމައަށް ޑިސްކައުންޓް ލިބޭނެ ކަމަށް ވެސް އެސްޓީއޯ އިން ބުނެ އެވެ.
ނިޕޯން ޕެއިންޓްއަކީ ސިންގަޕޫރުގެ އެއްވަނަ ޕެއިންޓް ބްރޭންޑެވެ. އަދި އެސްޓީއޯއަކީ ނިޕޯން އަދި މަކިޓާގެ ރާއްޖޭގެ އޮތޮރައިޒްޑް ޑިސްޓްރިބިއުޓާ އެވެ.
