ގާސިމް، ނާޒިމް އަދި ސިޔާމުގެ ދާއިރާ ޕީއެންސީން ދޫކޮށްލައިފި

އެމްއެންޕީގެ ރައީސް ނާޒިމް އާއި ޖުމްހޫރީ ޕާޓީގެ ލީޑަރު ގާސިމް އަދި އެމްޑީއޭގެ ލީޑަރު ޝިޔާމް

އެމްއެންޕީގެ ރައީސް ނާޒިމް އާއި ޖުމްހޫރީ ޕާޓީގެ ލީޑަރު ގާސިމް އަދި އެމްޑީއޭގެ ލީޑަރު ޝިޔާމް

ވިހި ވަނަ ރައްޔިތުންގެ މަޖިލިސް ހޮވަން އަންނަ މާޗް މަހު ބާއްވާ އިންތިހާބުގައި ޖުމްހޫރީ ޕާޓީގެ ލީޑަރު ގާސިމް އިބްރާހީމާއި އެމްއެންޕީގެ ލީޑަރު މުހައްމަދު ނާޒިމް އަދި އެމްޑީއޭގެ ލީޑަރު އަހުމަދު ސިޔާމް މުހައްމަދު ވާދަކުރައްވާ ދާއިރާތަކަަށް، ސަރުކާރު ހިންގާ ޕީޕަލްސް ނެޝަނަލް ކޮންގްރެސް (ޕީއެންސީ) އިން ކެންޑިޑޭޓުން ނުނެރެން ނިންމާފައިވާ ކަން އެނގިއްޖެ އެވެ.

"އަދަދު" ނޫހަށް އެނގިފައިވާ ގޮތުގައި މިފަހަރުގެ އިންތިހާބުގައި ވެސް ގާސިމާއި ސިޔާމް ވާދަކުރައްވާނީ މިހާރުވެސް ތިއްބެވި ދާއިރާތަކަށެެވެ. ވަރަށް ކުރިއްސުރެ ރައްޔިތުންގެ މަޖިލީހުގައި ގާސިމް ތަމްސީލުކުރައްވަމުން ގެންދަވަނީ އަމިއްލަ ރަށް، މާމިގިލި ހިމެނޭ މާމިގިލި ދާއިރާ އެވެ. ސިޔާމް ފުރުއްވަމުން ގެންދަވަނީ ދ. މީދޫ ދާއިރާ އެވެ.

މިހާރު ދަނގެތީ ދާއިރާގެ މެމްބަރަކަށް ހުންނެވި އެމްއެންޕީގެ ލީޑަރު ނާޒިމު މިފަހަރު ވާދަކުރައްވަނީ މާފަންނު އުތުރު ދާއިރާއަށެވެ. އެ ދާއިރާ މިހާރު ތަމްސީލު ކުރައްވަނީ އިމްތިޔާޒު ފަހުމީ އެވެ.

މި ތިން ދާއިރާގެ އިތުރުން ވެލިދޫ ދާއިރާ އަށް ވެސް ކެންޑިޑޭޓަކު ނުނެރެން ޕީއެންސީ/ޕީޕީއެމުން ވަނީ ނިންމައިފަ އެވެ. އެއީ އެމްޑީއޭގެ ކައުންސިލް މެމްބަރު މުހައްމަދު އައްބާސް ވާދަކުރައްވާ ދާއިރާ އެވެ.

މިކަމާ ގުޅޭ ގޮތުން ޕީއެންސީން ރަސްމީކޮށް ބަހެއް ނުބުނި ނަމަވެސް، އެ ޕާޓީގެ ބައެއް އިސް އޮފިޝަލުން މިކަން ކަށަވަރުކޮށް ދެއްވި އެވެ.

ޕީއެންސީން އެ ދާއިރާތައް އެހެން ޕާޓީތަކަށް ދޫކޮށްލަން ނިންމި އިރު ރިޔާސީ އިންތިހާބުގެ ފަހު ބުރުގައި އެޕާޓީއާ އެކު މަސައްކަތް ކުރީ އެމްއެންޕީއާއި އެމްޑީއޭ އެކަންޏެވެ. ގާސިމްގެ ޖޭޕީން އެ ބުރުގައި ފާޅުގައި ވަކި ކެންޑިޑޭޓަކަށް ތާއީދުކޮށްފައެއް ނުވެ އެވެ.

ރިޔާސީ އިންތިހާބު ނިމި، ރައީސް ޑރ.މުހައްމަދު މުއިއްޒުގެ ސަރުކާރު އުފެދުނު ފަހުން ޖޭޕީން އެމަނިކުފާނާ އެކު މަޝްވަރާތަކެއް ކުރި އެވެ. އެހެން ނަމަވެސް ޖޭޕީން އެކަން ކަށަވަރެއް ނުކޮށްދެ އެވެ.

ހަތަރު ދާއިރާއެއް އެހެން ތިން ޕާޓީއަށް ދޫކޮށްލާއިރު އަންނަ ހޮނިހިރު ދުވަހު ޕީއެންސީއާއި ގުޅިފައިވާ ޕާޓީތަކުން ޕްރައިމަރީ ބާއްވާނީ 76 ދާއިރާއަކަށް ކަން ވެސް ވަނީ އެނގިފަ އެވެ.

އަންނަ މަޖިލީހުގައި 93 ދާއިރާއެއް ހިމެނޭއިރު، ޕްރައިމަރީއަކާ ނުލައި ޕީއެންސީގެ ޓިކެޓު މިހާރު ކަށަވަރު ވެފައިވަނީ 13 ކެންޑިޑޭޓަކަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox