މިއީ ރައްޔިތުން ގެނައި ވެރިކަމެއް، ރައީސާއެކު ދެމި ހުންނާނަން: ނައިބު ރައީސް

ަރައީސް ޑރ މުހައްމަދު މުއިއްޒާއި ނައިބުރައީސް ހުސައިން މުހައްމަދު ލަތީފު ރިޔާސީ އިންތިހާބުގެ ކެމްޕެއިން ޖަލްސާއެއްގައި. ފޮޓޯ: މިރާޝް ނާޝިމް/އަދަދު

ަރައީސް ޑރ މުހައްމަދު މުއިއްޒާއި ނައިބުރައީސް ހުސައިން މުހައްމަދު ލަތީފު ރިޔާސީ އިންތިހާބުގެ ކެމްޕެއިން ޖަލްސާއެއްގައި. ފޮޓޯ: މިރާޝް ނާޝިމް/އަދަދު

ރައީސުލްޖުމްހޫރިއްޔާ ޑރ މުހައްމަދު މުއިއްޒުގެ ވެރިކަމަކީ ރައްޔިތުން ގެނައި ވެރިކަމެއް ކަމަށާއި ވެރިކަން ދެމެހެއްޓުމަށް ރައީސާއެކު ދެމި ހުންނަވާނެ ކަމަށް ނައިބު ރައީސް ހުސެއިން މުހައްމަދު ލަތީފް ވިދާޅުވެއްޖެ އެވެ.

ރިޔާސީ އިންތިހާބަށް ފަހު ރައީސް މުއިއްޒާއި ކުރީގެ ރައީސް އަދި ޕާޓީގެ ލީޑަރު އަބްދުﷲ ޔާމީން އަބްދުލްގައްޔޫމްގެ ގުޅުން ހީނަރުވެ ރައީސް ޔާމީން މިހާރު ވަނީ ޕީޕީއެމް ދޫކުރައްވައި އާ ޕާޓީއެއް އުފެއްދުމުގެ މަސައްކަތް ފައްޓަވާފަ އެވެ.

ރައީސް ޔާމީން ޕާޓީ ދޫކޮށްލައްވާނެ ކަން ހާމަ ކުރެއްވި ހިސާބުން ޕީއެންސީ/ޕީޕީއެމް ކޯލިޝަނަށް ތާއީދު ކުރާ މެމްބަރުންގެ ތެރެއިން ރައީސް ޔާމީނަށް ތާއީދު ކުރާ މީހުން އަންނަނީ ޔާމީނާއެކު ތިބި ކަން ހާމަ ކުރަމުންނެވެ. ރައީސް މުއިއްޒާއެކު ތިބި ސަޕޯޓަރުން ވެސް އަންނަނީ އެ ކަން ހާމަ ކުރަމުންނެވެ.

ރެއިން ފެށިގެން ރައީސް މުއިއްޒުގެ ސަރުކާރުގެ މަގާމުތަކުގައި ތިއްބެވި ބޭފުޅުން އެބޭފުޅުންގެ ތާއީދު ރައީސަށް އޮތްކަން ހާމަކުރައްވަމުން އަންނައިރު، ނައިބު ރައީސް ވެސް ސޯޝަލް މީޑިއާ އެކްސްގައި ލިއުމެއް ޖެއްސެވީ އެ މޭރުމުންނެވެ.

އެމަނިކުފާނު ވިދާޅުވީ ރައީސް ޑރ. މުއިއްޒުގެ ސަރުކާރަކީ އެތައް ރައްޔިތުންގެ ބައިވެރިވުމާއެކު ގެނައި ސަރުކާރެއްކަމަށާއި ރައްޔިތުން އިހްތިޔާރު ކުރީ ރައީސް މުއިއްޒުގެ ތަސައްވުރު ކަމަށާއި މިއީ އެތައް ރައްޔިތުންގެ މަސައްކަތުގެ ނަތީޖާ ކަމަށެވެ.

"އެ މަނިކުފާނު އިސް ކުރައްވާނީ ރައްޔިތުންގެ މަސްލަހަތު. މި ވެރިކަމަކީ ރައްޔިތުންނަށް ލާބަ އާއި މަންފާ ހުރި ނަފާވެރި ވެރިކަމަށް ހެދުމަށް އެ މަނިކުފާނު ސާބިތުވެ ހުންނާނެ ކަމުގެ ޔަގީންކަން އަރުވަން،" ނައިބު ރައީސް ވިދާޅުވި އެވެ.

ރައީސް ޑރ މުއިއްޒުގެ ވެރިކަމަށް ހަފްތާއެއް ނުވަނީސް، ރައީސް ޔާމީން ޕާޓީ ދޫ ކުރަައްވައި ދިޔުމަށް ނިންމަވައި، މިހާރު އާ ޕާޓީއެއް ހެދުމުގެ މަސައްކަތް އަންނަނީ ކުރައްވަމުންނެވެ. ރައީސް ޔާމީނާއެކު އެ މަސައްކަތުގައި ބައިވެރިވެލައްވަނީ މުހައްމަދު މަލީހު ޖަމާލާއި މުހައްމަދު ޖަމީލު އަހުމަދެވެ.

މި ސަރުކާރުން ވެރިކަމަށް އައުމަށްޓަކައި މަސައްކަތް ކުރަމުން ގެންދިޔައީ ރައީސް ޔާމީނަކީ އެންމެ އިސް ލީޑަރުގެ ގޮތުގައި ދައްކައިގެން ކަމަށް ޔާމީނަށް ތާއީދުކުރާ މެމްބަރުން ވިދާޅުވެ އެވެ. އެހެންނަމަވެސް، ވެރިކަމަށް އައުމަށް ފަހު ރައީސް ޔާމީންގެ މަޝްވަރާ ހޯދަމުން ނުދާ ކަމަށާއި ރައީސް ޔާމީންގެ މެސެޖްތަކާއި ކޯލް ތަކަށް ޖަވާބު ނުދެއްވާ ކަމަށް ރައީސް ޔާމީންގެ ފަރާތްޕުޅުން ވާހަކަފުޅު ދައްކަވާ ބޭފުޅުން ވިދާޅުވެ އެވެ.

ކޮމެންޓް

ފަހުގެ ޚަބަރު

ލޯ ޑިގްރީ އިމްތިހާނަށް މާލެ އަންނާކަށް ނުޖެހޭނެ: ބާ ކައުންސިލް

ލޯ ޑިގްރީގެ އިމްތިހާނުތައް ހެދުމަށް މާލެއަށް ނުވަތަ ވަކި ހާއްސަ ރަށަކަށް ހާޒިރުވުން ލާޒިމު ނޫން ކަމަށާއި، ދަރިވަރުން ދިރިއުޅޭ ރަށެއްގެ ސްކޫލް ނުވަތަ ކައުންސިލް މެދުވެރިކޮށް އިމްތިހާނު ހެދޭނެ މަގު ބާ ކައުންސިލުން ފަހިކޮށްދީފިއެވެ. އަންނަ އަހަރުން ފެށިގެން އަމަލުކުރާ މި އުސޫލުގެ ދަށުން އިމްތިހާނު ހަދާ ގޮތަށް ބަދަލު އައި ނަމަވެސް، ކޯހުގެ މަންހަޖާއި ކިޔަވައިދޭ މުއްދަތަށް އެއްވެސް ބަދަލެއް ނާންނާނެއެވެ.

ތަރައްގީގެ އެއްވެސް ކަމެއް ކުރުމަށް ލާރިއެއް ނެތް: ޝާކިރު

އަންނަ އަހަރުގެ ބަޖެޓުގައި ރިކަރަންޓް ހަރަދަށް ކެނޑުމަށްފަހު ތަރައްގީގެ މަޝްރޫއުތަކަށް ފައިސާ ނެތް ކަމަށް ވިދާޅުވެ މެންބަރު އަހުމަދު ޝާކިރު ކަންބޮޑުވުން ފާޅުކުރައްވައިފިއެވެ. އޭނާ ވިދާޅުވީ ދައުލަތުގެ އާމްދަނީގެ ބޮޑުބައެއް ހަރަދުވަނީ ރިކަރަންޓް ކަންކަމަށް ކަމަށާއި، މަޝްރޫއުތައް ހިންގަން ޖެހެނީ އިތުރަށް ދަރަނި ނަގައިގެން ކަމަށެވެ. މީގެ އިތުރުން ސަރުކާރު ކުންފުނިތަކުން ބޮޑެތި ގެއްލުންވަމުންދާ ދިއުމަށްވެސް އޭނާ ވަނީ ފާޑުވިދާޅުވެފައެވެ.

"ސިޓިޒަންސް ކޮމްޕްލެއިންޓްސް" ލައުންޖުތަކެއް ގާއިމުކޮށްފި

ރައްޔިތުންގެ ޝަކުވާތަކާއި ކަންބޮޑުވުންތައް ސަރުކާރަށް ހުށަހެޅުމަށްޓަކައި މާލެ އާއި ހުޅުމާލޭގައި "ސިޓިޒަންސް ކޮމްޕްލެއިންޓްސް" ބިއުރޯގެ ދެ ލައުންޖެއް މިއަދު ވަނީ ހުޅުވައިފައެވެ. ސަރުކާރު ބަންދު ނޫން ކޮންމެ ދުވަހަކު ޚިދުމަތް ދޭ މި އޮފީސްތަކަކީ ރައީސުލްޖުމްހޫރިއްޔާގެ އޮފީހުގެ ދަށުން ހިންގާ، ރައްޔިތުންގެ މައްސަލަތަކަށް ހައްލު ހޯދައިދިނުމަށް ގާއިމުކުރި ތަންތަނެވެ.

ރިއަލް އެސްޓޭޓު ބިލު މަޖިލީހަށް ބަލައިގަނެފި

މި ބިލު ބަލައިގަންނަން ވޯޓު ދިނީ 42 މެންބަރުން. ބިލާ ދެކޮޅަށް ވޯޓު ދެއްވީ އެމްޑީޕީގެ 13 މެންބަރުން. މި ބިލު ދިރާސާކުރާނީ ގައުމީ ތަރައްގީ އާއި ތަރިކައިގެ ކޮމިޓީން. މިއީ ގާނޫނުއަސާސީގެ ހިމާޔަތްތައް ނައްތާލައި، ތާއަބަދަށް ނުވަތަ ހުސްނުވާ ގޮތަށް ބޭރު މީހުންނަށް ބިން މިލްކުކުރެވޭނެ ގޮތް ހެދުމަށް އިންތިޒާމުތަކެއް ހިމަނާފައިވާ ބިލެއް

ބޮޑެތި ޖޫރިމަނާތަކެއް ހިމަނާފައިވާ އަބުރުގެ ބިލު ކޮމިޓީއަށް

ސޯޝަލް މީޑިއާގައި މީހެއްގެ އަބުރާ ބެހޭ ފަދަ ޕޯސްޓެއް ހިއްސާކޮށްފިނަމަ 5 ލައްކަ ރުފިޔާއާ ހަމައަށް ޖޫރިމަނާ ކުރެވޭ ގޮތަށް ހުށަހެޅި އަބުރުގެ ބިލު މަޖިލީހަށް ބަލައިގަނެ ކޮމިޓީއަށް ފޮނުވައިފިއެވެ. މި ބިލުގައި ބަހާއި، ފޮޓޯއާއި، އިޝާރާތް އަދި ފިލްމު ފަދަ ވަސީލަތްތައް މެދުވެރިކޮށް އަބުރާ ބެހުމުގެ ދައުވާ ކުރެވޭނެ ގޮތްތައް ބަޔާންކޮށްފައިވެއެވެ.

މަރުގެ އަދަބު ތަންފީޒު ކުރާ ބިލު ބަލައިގެންފި

ދަންޖައްސައިގެން މަރުގެ އަދަބު ތަންފީޒުކުރާ ގޮތަށް ސަރުކާރުން ހުށަހެޅި ބިލު ރައްޔިތުންގެ މަޖިލީހަށް މިއަދު ބަލައިގެންފިއެވެ. މި ބިލުގައި މަރުގެ އަދަބު ތަންފީޒުކުރާނެ ގޮތާއި، އެކަން ހިންގާނެ ޕެނަލެއް އެކުލަވާލުމުގެ އިތުރުން، ބަލިވެއިނުމާއި ދަރިފުޅަށް ދެ އަހަރު ފުރުން ފަދަ އަދަބު ތަންފީޒުނުކުރެވޭނެ ހާލަތްތައް ބަޔާންކޮށްފައިވެއެވެ.

ތިން ކުންފުންޏެއްގެ މަނީ އެކްސްޗޭންޖު ލައިސަންސް ބާތިލްކޮށްފި

މަނީ ޗޭންޖިން ގަވާއިދާ ތަކުރާރުކޮށް ހިލާފުވި ތިން ކުންފުންޏެއްގެ ލައިސަންސް އެމްއެމްއޭ އިން ބާތިލުކޮށް، އެ ކުންފުނިތައް ބޮޑެތި އަދަދުތަކުން ޖޫރިމަނާކޮށްފިއެވެ. މި ފިޔަވަޅަކީ ބޭރު ފައިސާގެ ބާޒާރު ކޮންޓްރޯލްކޮށް، ގަވާއިދާ ހިލާފު މުއާމަލާތްތައް ހުއްޓުވުމަށް އެމްއެމްއޭ އިން ކުރަމުންދާ މަސައްކަތުގެ ތެރެއިން އެޅި ފިޔަވަޅެކެވެ.

Newsletter

Get the latest news delivered straight to your inbox