ރައީސް އާއި ނައިބުރައީސް ކުރެއްވި ދަތުރުތަކުގެ ތަފްސީލު ފަސް ދުވަހުގެ ތެރޭގައި ހާމަކުރަން އަންގައިފި

ނައިބުރައީސް ހުސައިން މުހައްމަދު ލަތީފް (ކ) އަދި މުހައްމަދު މުއިއްޒު (ވ): އެ ދެ ބޭފުޅުންގެ ވެސް ދަތުރުތަކުގެ ތަފްސީލް ހާމަކުރަން އައިކޮމް އިން ވަނީ ރައީސް އޮފީހަށް އަންގާފައި -- ފޮޓޯ: ރައީސް އޮފީސް

ނައިބުރައީސް ހުސައިން މުހައްމަދު ލަތީފް (ކ) އަދި މުހައްމަދު މުއިއްޒު (ވ): އެ ދެ ބޭފުޅުންގެ ވެސް ދަތުރުތަކުގެ ތަފްސީލް ހާމަކުރަން އައިކޮމް އިން ވަނީ ރައީސް އޮފީހަށް އަންގާފައި -- ފޮޓޯ: ރައީސް އޮފީސް

ރައީސް މުހައްމަދު މުއިއްޒު އާއި ނައިބު ރައީސް ހުސައިން މުހައްމަދު ލަތީފް ރާއްޖެއިން ބޭރަށް ކުރެއްވި ދަތުރުތަކުގެ ތަފްސީލް ކުރިއަށް އޮތް ފަސް ދުވަހުގެ ތެރޭގައި ހާމަކުރަން އިންފޮމޭޝަން ކޮމިޝަނަރުގެ އޮފީސް (އައިކޮމް) އިން މިއަދު އަންގައިފި އެވެ.

މިދިޔަ އަހަރުގެ ސެޕްޓެމްބަރު މަހުގެ ތެރޭގައި އަމިއްލަ ފަރާތަކުން ރައީސް އާއި ނައިބުރައީސްގެ ކުރެއްވި ދަތުރުތަކުގެ ތަފްސީލް ހޯދުމަށް އެދިފައިވާއިރު، މިހާތަނަށް ނައިބުރައީސްގެ ދަތުރުތަކުގެ ތަފްސީލާ ގުޅޭ ގޮތުން ރަައީސް އޮފީހުން ޖަވާބު ދީފައެއް ނުވެ އެވެ.

ނަމަވެސް ރައީސުލްޖުމްހޫރިއްޔާގެ ދަތުރުތަކުގެ ތަފްސީލާ ގުޅޭގޮތުން ކުރި ސުވާލަށް ރައީސް އޮފީހުން ދިން ޖަވާބުގައި ބުނީ ރައީސުލްޖުމްހޫރިއްޔާ ކުރައްވާ ދަތުރުތަކުގެ ތަފްސީލް އެ އޮފީހުން ދަނީ ހާމަކުރަމުން ކަމަށެވެ. އަދި ކުރިމަތިވި ސުވާލަށް ފުރިހަމަ ޖަވާބެއް ރައީސް އޮފީހުން ދީފައެއް ނުވެ އެވެ.

މިކަމާ ގުޅިގެން އިންފޮމޭޝަން ކޮމިޝަނަރު އަހްމަދު އާހިދު ރަޝީދު މިއަދު އޮތް އަޑުއެހުމުގައި ވިދާޅުވީ ނައިބުރައީސްގެ ދަތުރުތަކުގެ ތަފްސީލާ ގުޅޭ މައުލޫމާތު ހާމަކުރުމުގައި ވަރަށް ބޮޑަށް ލަސްވެފައިވާތީ، ކުރިއަށް އޮތް ފަސް ދުވަހުގެ ތެރޭގައި މައުލޫމާތު ހިއްސާކުރަން އަންގާ ކަމަށެވެ.

މީގެއިތުރުން ރައީސުލްޖުމްހޫރިއްޔާ ކުރެއްވި ދަތުރުތަކުގެ ތަފްސީލް ހާމަކުރާ ކަމަށް ޖަވާބުގައި ބުނި ނަމަވެސް، އެކަމާ ގުޅޭ ތަފްސީލް ރައީސް އޮފީހަށް ދެވެން ވާނެ ކަމަށް އާހިދު ވިދާޅުވި އެވެ.

އަޑުއެހުމުގައި ރައީސް އޮފީހުގެ އިންފޮމޭޝަން އޮފިސަރު އައިޝަތު އަގީދާ ހަސަން ވިދާޅުވީ ރައީސް އާއި ނައިބުރައީސްގެ ބޭރު ދަތުރުތަކާ ގުޅޭ ތަފްސީލް ތައްޔާރުކޮށް އާންމު ކުރަން މަސައްކަތް ކުރަމުންދާ ކަމަށެވެ.

"އަޅުގަނޑުމެން އެހެންނަމަވެސް މިދަނީ ރައީސުލްޖުމްހޫރިއްޔާ އާއި ރައީސުލްޖުމްހޫރިއްޔާގެ ނައިބުގެ ބޭރުގެ ދަތުރުފުޅުތަކުގެ ތަފްސީލް ތައްޔާރުކުރުމުގެ މަސައްކަތް ކުރަމުން. އެ މަސައްކަތް ކުރިއަށް މިގެންދަނީ، އެ މަސައްކަތް ނިމުނީމަ ހަމަ އާންމުކޮށް އެ މައުލޫމާތުތައް ހިއްސާކުރާގޮތަށް ހަމަޖެހިފައި މިއޮތީ އެނގޭތޯ،" އޭނާ ވިދާޅުވި އެވެ.

ރައީސް އާއި ނައިބުރައީސްގެ ދަތުރުތަކުގެ ތަފްސީލުތައް ރައީސް އޮފީހުން ކުރިން ހާމަކުރަމުންދިޔަ ނަމަވެސް، މިދިޔަ އަހަރުގެ ވަކި ހިސާބަކުން ފެށިގެން އެ މައުލޫމާތު ހާމަކޮށްފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox