ފަހު ބަހަކަށް ދައުލަތުން ބުނީ ޔާމީނާ މެދު ތަފާތު ނުކުރާ ކަމަށް

ރައީސް އަބްދުﷲ ޔާމީން؛ އެމަނިކުފާނާ މެދު ތަފާތު ކުރުމެއް ގެންގުޅެފައި ނުވާނެ ކަމަށް ދައުލަތުން ބުނި - ފޮޓޯ: މުހައްމަދު ޝާބިން / އަދަދު

ރައީސް އަބްދުﷲ ޔާމީން؛ އެމަނިކުފާނާ މެދު ތަފާތު ކުރުމެއް ގެންގުޅެފައި ނުވާނެ ކަމަށް ދައުލަތުން ބުނި - ފޮޓޯ: މުހައްމަދު ޝާބިން / އަދަދު

އެމްއެމްޕީއާރުސީ ހިޔާނާތުގެ މައްސަލާގައި ކުރީގެ ރައީސް އަބްދުﷲ ޔާމީނަށް ވަކިން އަމާޒުކޮށް ތަފާތުކުރުންތަކެއް ގެންގުޅެ، "އެމަނިކުފާނު ބަދުނާމު ކުރުމުގެ ނިޔަތުގައި" ދައުވާ ކުރި ކަމަށް އެމަނިކުފާނުގެ ވަކީލުން ދައްކާ ވާހަކަތަކަށް، ފަހު ބަސް އިއްވަން ދިން ފުރުސަތުގައި ދައުލަތުން ރައްދު ދީފި އެވެ.

ޔާމީނާއި މަޖިލީހުގެ ކުރީގެ މެންބަރު ޔޫސުފް ނައީމްގެ މައްޗަށް ހުކުމް އިއްވީ، ޔާމީންގެ ވެރިކަމުގައި ހިނގި އެމްއެމްޕީއާރުސީގެ ހިޔާނާތުގެ ތެރެއިން ވ. އަތޮޅު އާރަށް ކުއްޔަށް ދޫކުރުމުގައި ހިންގި ކަމަށް ބުނާ ހިޔާނާތުގެ މައްސަލާގަ އެވެ.

އެ މުއާމަލާތުގައި، ޔާމީން 1.1 މިލިއަން ޑޮލަރުގެ ރިޝްވަތު ނަންގަވައި އެ ފައިސާ ލޯންޑަކުރެއްވި ކަމުގެ ތުހުމަތުގައި އުފުލި ދައުވާތައް ސާބިތުވާ ކަމަށް ކަނޑައެޅުމަށް ފަހު އަދަބެއްގެ ގޮތުގައި ކްރިމިނަލް ކޯޓުން އިއްވީ 11 އަހަރުގެ ޖަލު ހުކުމެކެވެ. އަދި ފަސް މިލިއަން ޑޮލަރުގެ ޖޫރިމަނާ ހުކުމެކެވެ.

Advertisement

ކުރީގެ މެންބަރު ޔޫސުފް ނައީމްގެ މައްޗަށް އުފުލާފައިވަނީ ރިޝްވަތު ދިނުމުގެ ކުށުގެ ދައުވާ އެވެ. އޭނާ ތިން އަހަރަށް ޖަލަށް ލުމަށް ކްރިމިނަލް ކޯޓުން ހުކުމްކުރި އެވެ.

ހައި ކޯޓުގައި އިސްތިއުނާފުކޮށްފައިވާ މައްސަލާގައި ފަހު ބަސް އިއްވަން ދައުލަތަށް ދިން ފުރުސަތުގައި، ޕަބްލިކް ޕްރޮސެކިއުޓަރު އަހުމަދު ޝަފީއު ވިދާޅުވީ ޝަރީއަތުގެ ކޮންމެ މަރުހަލާއެއްގައި ވެސް ދައުލަތުގެ ވާހަކަތައް ބިނާކުރީ ލިބިފައިވާ ހެކި ގަރީނާއާއި ދިފާއީ ހެކިން ޝަރީއަތުގައި ދެއްކި ވާހަކަތަކުގެ މައްޗަށް ކަމަށެވެ.

"ހަގީގަތާ ހިލާފު އެއްވެސް ވާހަކައެއް ދައުލަތުން ދައްކާފައެއް ނުވާނެ، ރައީސް ޔާމީނާ މެދު ތަފާތު ކުރުމެއް، ސެލެކްޓިވް ޕްރޮސެކިއުޝަނެއް ގޮތަށް ދައުލަތުން ކުރިއަށް ގެންގޮސްފައި ނުވާނެ،" ޝަފީއު ވިދާޅުވި އެވެ.

އެމްއެމްޕީއާރުސީ ހިޔާނާތުގައި މިހާތަނަށް ކުށް ސާބިތުވެގެން ހުކުމްކޮށްފައިވަނީ ޔާމީނާއި ޔޫސުފް ނައީމްގެ އިތުރަށް، ހިޔާނާތުގެ މޭސްތިރިން ކަމަށްވާ ކުރީގެ ނައިބު ރައީސް އަހުމަދު އަދީބާއި އެމްއެމްޕީއާރުސީގެ ކުރީގެ މެނޭޖިން ޑިރެކްޓަރު އަބްދުﷲ ޒިޔަތުގެ މައްޗަށެވެ.

އޭގެ ތެރެއިން އަދީބާއި ޒިޔަތަށް އިއްވި 20 އަހަރުގެ ހުކުމުގެ ބޮޑު ބައެއް ތަންފީޒުކުރެއްވީ ގޭބަންދުގައި ހުންނަވައިގެންނެވެ. އަދި ކުރީގެ ރައީސް އިބްރާހިމް މުހައްމަދު ސޯލިހު ވަނީ އެ ދެ ބޭފުޅުންގެ އަދަބު ލުއިކޮށްދެއްވައިފަ އެވެ. އަދީބު މިހާރު ހުންނެވީ ގައުމުން ބޭރުގަ އެވެ.

ދެން ރ. ފުއްގިރި ކުއްޔަށް ދޫކުރުމުގައި ހިޔާނާތް ހިންގި ކަމަށް ބުނާ މައްސަލާގައި، ޔާމީނާއި ސަންގެ ކުންފުނިތަކާއި ކްރިކް ރިޒާގެ މައްޗަށް ދައުވާ އުފުލާފައިވެ އެވެ. އެއިން ވެސް، ފަހުން ހުށަހެޅޭ ގޮތަށް ކްރިކް ރިޒާއަށް ކުރި ދައުވާ އަނބުރާ ގެނެސްފައިވެ އެވެ.

ދެން ދައުވާ އުފުލީ ޔާމީންގެ ސަރުކާރުގައި ރައީސް އޮފީހުގެ ލީގަލް އެފެއާޒް މިނިސްޓަރު އައިޝަތު އާޒިމާ ޝުކޫރާއި މަޖިލީހުގެ ކުރީގެ މެންބަރު އަހުމަދު ނިހާން ހުސައިން މަނިކާއި، ރައީސް ސޯލިހުގެ ޔޫތު މިނިސްޓަރު އަހުމަދު މަހުލޫފުގެ މައްޗަށެވެ. އޭގެ ތެރެއިން މަހުލޫފުގެ މައްޗަށް ދައުވާ ކުރުމަށް ފަހު، ސާބިތު ކުރެވޭ ވަރަށް ހެކި ނެތް ކަމަށް ބުނެ ދައުވާ އަނބުރާ ގެނެސްފައިވެ އެވެ.

ޝަފީއު މިއަދު ވިދާޅުވީ ދައުވާތަކެއް ކޯޓަށް ހުށަހެޅި ހިނގަމުން ދިޔުމަކީ ދައުލަތުން ތަފާތު ކުރުމެއް ގެންގުޅެފައި ނެތް ކަމުގެ ހެއްކެއް ކަމަށެވެ. އަދި ކޯޓަށް ހުށަހެޅިފައިވާ މައްސަލަތަކުގެ ތެރެއިން، ބައެއް މައްސަލަތައް މަޑުޖެހިފައިވުމަކީ ދައުލަތުގެ ކަންބޮޑުވުން ވެސް އޮތް ކަމެއް ކަމަށް ވިދާޅުވި ެވެ.

"މި މައްސަލާގައި ދައުލަތުން ދައުވާކޮށް ކުށް ސާބިތުވެފައި ތިބި ބަޔަކު ވެސް އެބަ ތިބި. ދައުވާތަކެއް ކޯޓަށް ހުށަހެޅި ހިނގަމުން އެބަ ދޭ، އެ މައްސަލަތައް ކޯޓުގައި ކުރިއަށް ނުގޮސް މަޑުޖެހިފައިވާތީ އެ ކަންބޮޑުވުން ވެސް އެބަ އޮތް،" ޝަފީއު ވިދާޅުވި އެވެ.

ފަހު ބަސް އިއްވަން ހުރިހާ ހަސްމުންނަށް ވެސް މިއަދު ފުރުސަތު ދިނެވެ. ޝަރީއަތުން ގޮތެއް ނިންމުމަށް މައްސަލަ ދިރާސާކުރަމުންދާއިރު އިތުރަށް ސާފު ކުރާނެ ކަމެއް ނެތް ނަމަ، ދެން އޮންނާނީ ހުކުމް ކުރުމެވެ.

ޔާމީނަކީ ޕީޕީއެމް/ޕީއެންސީގެ އެންމެ އިސް ލީޑަރެވެ. ފުރަތަމަ ރިޔާސީ އިންތިހާބުގައި ވާދަކުރަން އެ އިއްތިހާދުގެ ޓިކެޓު އެރުވީ ވެސް ޔާމީނަށެވެ. ނަމަވެސް ރިޔާސީ އިންތިހާބުގައި ޔާމީނަށް ވާދަކުރުމުގެ ފުރުސަތު ގެއްލުނީ މި ހުކުމުގެ ސަބަބުންނެވެ.

ގާނޫނީ ހަމަތަކުގެ މަތީން، ޔާމީން މިނިވަން ކުރުމަކީ އާ ރައީސް ޑރ. މުހައްމަދު މުއިއްޒުގެ ވައުދެކެވެ.

ޔާމީނާއި އެމަނިކުފާނު ލީޑުކުރާ ޕީޕީއެމް/ޕީއެންސީގެ ސަޕޯޓަރުން ދެކޭ ގޮތުގައި އެމަނިކުފާނުގެ މައްޗަށް އުފުލާފައިވާ ދައުވާތަކީ، "ސިޔާސީ" ދައުވާތަކެވެ.

އެގާރަ އަހަރުގެ ޖަލުހުކުމެއް އޮތް ނަމަވެސް ޔާމީނު މިހާރު ހުންނެވީ ރަށު ބަންދުގަ އެވެ. ރިޔާސީ އިންތިހާބުގައި ކުރީގެ ރައީސް ސޯލިހަށް ކުރިމަތިވި ނާކާމިޔާބީއަށް ފަހު ޔާމީނު ފުރަތަމަ ބަދަލުކުރީ ގޭބަންދަށެވެ. ފަހުން އިތުރު ލުއިތައް ދީ، މިހާރު ހުންނެވީ މާލޭގެ ގިނަ ތަންތަނަށް ވަޑައިގެންނެވޭ ގޮތަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox