ހައި ކޯޓު ފަނޑިޔާރު ކަމަށް ޖޭއެސްސީން އިސްތިއުފާ ދެއްވި މާނިއު އައްޔަނު ކޮށްފި

ޖޭއެއެސްސީގެ ހުވާ މާނިއު ކުރައްވަނީ. އޭނާ އެ ކޮމިޝަނުގައި ތަމްސީލު ކުރެއްވީ ގާނޫނީ ވަކީލުން --- ފޮޓޯ: ރައީސް އޮފީސް

ޖޭއެއެސްސީގެ ހުވާ މާނިއު ކުރައްވަނީ. އޭނާ އެ ކޮމިޝަނުގައި ތަމްސީލު ކުރެއްވީ ގާނޫނީ ވަކީލުން --- ފޮޓޯ: ރައީސް އޮފީސް

ޖުޑިޝަލް ސާވިސް ކޮމިޝަން (ޖޭއެސްސީ) ގެ މެންބަރުކަމުން މި ފަހުން އިސްތިއުފާ ދެއްވި ގާނޫނީ ވަކީލު އަބްދުލްމާނިއު ހުސައިން ހައި ކޯޓުގެ ފަނޑިޔާރު ކަމަށް އައްޔަނުކޮށްފި އެވެ.

ހއ.އިހަވަންދޫ، އަންބަރީގެ، މާނިއު ފަނޑިޔާރު ކަމަށް އައްޔަން ކުރުމަށް ނިންމީ، ކޮމިޝަނަށް ލަފާދޭ ކޮމިޓީން އޭނާއާ އިންޓަވިއު ކުރުމަށް ފަހު، ކޮމިޝަނަށް ދީފައިވާ ލަފައާ މެދު ގޮތެއް ނިންމަން މިއަދު ބޭއްވި ބައްދަލުވުމުގަ އެވެ.

އެ ބައްދަލުވުމަށް ފަހު އޭނާ ވަނީ ހައި ކޯޓުގެ ފަނޑިޔާރު ކަމުގެ ހުވާ ކުރައްވާފަ އެވެ.

ހައި ކޯޓުގައި ފަނޑިޔާރު ގޮނޑިއެއް ހުސްވީ، ފަނޑިޔާރު އަހުމަދު ޝަކީލް ރިޓަޔާ ކުރެއްވުމުންނެވެ. ހައި ކޯޓު ފަނޑިޔާރު ކަމަށް ޝަކީލް އައްޔަން ކުރެއްވީ މި އަހަރު މާޗު މަހުގަ އެވެ. އޭނާ ރިޓަޔާ ކުރައްވަނީ ސިއްހީ ސަބަބަކާ ގުޅިގެނެވެ.

ހައި ކޯޓުގައި ހުސްވި ފަނޑިޔާރު ކަމުގެ މަގާމަށް މާނިއު އައްޔަން ކުރަން ކޮމިޝަނުން ނިންމާފައި މި ވަނީ، އެ މަގާމަށް މާނިއު ހިމެނޭހެން ޖުމުލަ ހަ މީހަކު ކުރިމަތިލާފައި ވަނިކޮށެވެ. ކޮމިޝަނުގެ އުސޫލުގައިވާ ގޮތުގެ މަތިން އެންމެނާ އެކު އިންޓަވިއު މަރުހަލާ ގެންގޮސްފައިވެ އެވެ.

މާނިއު ޖޭއެސްސީގެ މެންބަރު ކަމަށް އައްޔަނު ކުރެއްވީ ޖުލައި 31، 2019 ގައެވެ. އޭނާއަކީ ކޮމިޝަނުގައި އިންނަވާ ގާނޫނީ ވަކީލުން ތަމްސީލް ކުރެއްވި މެންބަރެވެ.

ޖޭއެސްސީގައި އިންނަވާ ގާނޫނީ ވަކީލުންގެ މެންބަރަކީ ވަކީލުންގެ ތެރެއިން އިންތިހާބުކުރާ ވަކީލެކެވެ. މާނިއު ވެސް އެ މަގާމަށް އިންތިހާބުވީ އިތުރު ހަތަރު ވަކީލުންނާ ވާދަކުރައްވައިގެންނެވެ.

މާނިއު އިންތިހާބުވީ 199 ވަކީލުންގެ ވޯޓުންނެވެ. 1،400 އެއްހާ ވަކީލުންނަށް ވޯޓު ލެވޭ އެ އިންތިހާބުގައި ވޯޓު ދިނީ 404 ވަކީލުންނެވެ.

ވިލާ ކޮލެޖުން ޝަރީއާ އެންޑް ލޯއިން މާސްޓާސް ހާސިލްކުރައްވާފައިވާ މާނިއުއަކީ ގާނޫނީ ވަކީލު ކަމުގެ ދާއިރާގައި ނުވަ އަހަރުގެ ތަޖުރިބާ ހުންނެވި ބޭފުޅެކެވެ.

ހައި ކޯޓަށް ފަނޑިޔާރަކު އައްޔަން ކުރަން ނިންމާފައި މި ވަނީ، އެ ކަމާ ގުޅިގެން އެންޓި ކޮރަޕްޝަން ކޮމިޝަން (އޭސީސީ) އަށް ޝަކުވާއެއް ވެސް ހުށަހަޅާފައިވަނިކޮށެވެ. އޭގައި ކޮރަޕްޝަންގެ ތުހުމަތުތަކެއްކޮށް، އެ މަސައްކަތް ހުއްޓާލުމަށް އެދިފައިވީ ނަމަވެސް ކޮމިޝަނުން އެފަދަ ނިންމުމެއް ނިންމާފައެއް ނުވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox