އިޓަލީގެ ދެ ވަނަ ޑިވިޝަންގެ ކޯމޯގެ ކޯޗަކަށް ފަބްރިގާސް ހަމަޖައްސައިފި

Nov 14, 2023, 5:37 AM
އިޓަލީގެ ދެ ވަނަ ޑިވިޝަންގެ ކޯމޯގެ ކޯޗަކަށް ފަބްރިގާސް ހަމަޖައްސައިފި

އިޓަލީގެ ދެ ވަނަ ޑިވިޝަންގެ ޓީމެއްކަމަށްވާ ކޯމޯގެ ކޯޗަކަށް އާސެނަލް އާއި ޗެލްސީގެ ކުރީގެ ތަރި ސެސް ފަބްރިގާސް ހަމަޖައްސައިފި އެވެ.

ސްޕެއިންގެ ކުރީގެ މިޑްފިލްޑަރު ފަބްރިގާސް ކޯމޯގެ ކޯޗަކަށް ހަމަޖައްސާފައިވަނީ އެޓީމްގެ ކުރީގެ ކޯޗަކަށް ހުރި މޮރޭނޯ ލޮންގޯ މަގާމުން ވަކިކުރުމުންނެވެ. ލޮންގޯ މަގާމުން ވަކިކުރީ މިދިޔަ ހަފްތާގެ ހޯމަ ދުވަހު އެވެ.

ފަބްރިގާސް ފުޓްބޯޅަ ކުޅުން ހުއްޓާލީ މިދިޔަ ސީޒަނަށް ފަހުގަ އެވެ. އޭނާ ކުޅުން ހުއްޓާލީވެސް ކޯމޯއަށް އެއް ސީޒަނުގައި ކުޅެފަ އެވެ. ކުޅުން ހުއްޓާލުމަށްފަހު އޭނާ ހުރީ އެކުލަބުގެ ޔޫތު ޓީމްގެ ކޯޗުގެ ގޮތުގަ އެވެ.

36 އަހަރުގެ ފަބްރިގާސް އަށް ކޯމޯގެ ކޯޗުކަން ދީފައިވަނީ ވަގުތީ ގޮތުންނެވެ. އެކުލަބުން ނެރުނު ބަޔާނުގައި ބުނެފައިވަނީ ދާއިމީ ކޯޗެއް ލިބެންދެން ވަގުތީގޮތުން ފަބްރިގާސް އެޓީމްގެ ކޯޗަކަށް ހަމަޖައްސާފައިވާ ކަމަށެވެ.

ސްޕެއިންގެ ބާސެލޯނާއަށްވެސް ކުޅެ ގިނަ ކާމިޔާބީތަކެއް ހޯދާފައިވާ ފަބްރިގާސް ކޯމޯއަށް އިރުޝާދުދޭ ފުރަތަމަ މެޗަކަށްވާނީ މިމަހުގެ 25 ގައި ލީގުގައި ފެރަލްޕީސަލޯއާ ދެކޮޅަށް ކުޅޭ މެޗެވެ. މިވަގުތު ކޯމޯ އޮތީ އިޓަލީގެ ދެ ވަނަ ޑިވިޝަންގެ ހަ ވަނައިގަ އެވެ.

ފަބްރިގާސް މިދިޔަ ފަސް މަހު ވަނީ އެކުލަބުގެ އެކަޑެމީ އާއި ޔޫތު ޓީމްތަކުގައި ގިނަ މަސައްކަތްތަކެއްކޮށްފަ އެވެ. ފުޓްބޯޅަ ކުޅުން ހުއްޓާލުމުގެ ކުރިން އޭނާ ވަނީ ޔުއެފާ ކޯޗިންގެ ގިނަ ކޯސްތަކެއް ފުރިހަމަކޮށްފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox