އިންތިހާބީ ނައިބު ރައީސް ވިދާޅުވީ އެއްބައިވަންތަކަން ދެމެހެއްޓުމަށް ނަސްރުގެ ދުވަހަށް ސަމާލުކަން ދިނުން މުހިންމު ކަމަށް

އިންތިހާބީ ނައިބު ރައީސް ހުސެއިން މުހައްމަދު ލަތީފު : ވިދާޅުވީ ގައުމީ އެއްބައިވަންތަކަމަށް ނަސްރުގެ ދުވަހަށް ސަމާލުކަން ދިނުން މުހިންމު ކަމަށް - ފޮޓޯ: އަބްދުﷲ އިޔާން / އަދަދު

އިންތިހާބީ ނައިބު ރައީސް ހުސެއިން މުހައްމަދު ލަތީފު : ވިދާޅުވީ ގައުމީ އެއްބައިވަންތަކަމަށް ނަސްރުގެ ދުވަހަށް ސަމާލުކަން ދިނުން މުހިންމު ކަމަށް - ފޮޓޯ: އަބްދުﷲ އިޔާން / އަދަދު

ގައުމީ އެއްބައިވަންތަކަށް ދެމެހެއްޓުމަށްޓަކާ، ނަސްރުގެ ދުވަސް ފަދަ ދުވަސްތައް ފާހަގަކޮށް އެ ދުވަސްތަކަށް ދޭން ޖެހޭ ސަމާލުކަން ދިނުން މުހިންމު ކަމަށް އިންތިހާބީ ނައިބު ރައީސް ހުސެއިން މުހައްމަދު ލަތީފު ވިދާޅުވެއްޖެ އެވެ.

ދައުލަތުގެ މީޑިއާ އަށް މިއަދު ދެއްވި ހާއްސަ އިންޓަވިއުއެއްގައި ހުސެއިން ވިދާޅުވީ މިފަދަ ދުވަސްތައް އާލާކުރަން ޖެހެނީ ގައުމަށްޓަކާ މޭ އައްޑަނައަކަށް ހަދައިގެން ނޮވެމްބަރު 3، 1988 ގައި ކުރިމަތިވި ފަދަ އުދުވާނީ ހަމަލާތަކުގައި ޖިހާދުވި ފަރާތްތަކުގެ ޒިކުރު އާލާ ކުރުމަށް ކަމަށެވެ.

"އެކަން އާލާނުކޮށް ތިބިއްޖެ ކަމުގައިވާނަމަ އަޅުގަނޑުމެންނަށް ކުރިމަތިވާނީ ވަރަށް ހިތްދަތި ދުވަސްތަކެއް، އޭގެ ހިތްދަތިކަން އަޅުގަނޑުމެންނަށް ނިމިދިޔަ ފަސް އަހަރުގެ ތެރޭގައި ފެނިގެން މިދިޔައީ," މި ސަރުކާރުން ނަސްރުގެ ދުވަހަށް ސަމާލުކަން ނުދޭކަމަށް އިދިކޮޅުން ކުރަމުންދާ ތުހުމަތު ތަކުރާރުކުރައްވާ އެމަނިކުފާނު ވިދާޅުވި އެވެ.

Advertisement

އަދި، އިންތިހާބީ ރައީސް ޑރ. މުހައްމަދު މުއިއްޒު ރިޔާސީ ކެމްޕޭނުގައި ވައުދުވެވަޑައިގެންނެވި ފަދައިން، ދެން ފެށޭ ވެރިކަމުގައި އެންމެ އިސްކަމެއް ދީގެން މިފަދަ ދުވަސްތައް ފާހަގަކުރައްވާނެ ކަމަށާއި އެއީ ސަރުކާރުގެ މައްޗަށް ލާޒިމް ކަމެއް ކަމަށްވެސް ހުސެއިން ވިދާޅުވި އެވެ.

"އެ އަބުތާލުންގެ ޒިކުރާ އާލާކުރުމަކީ މިއަދު އަޅުގަނޑުމެންގެ މައްޗަށް ލާޒިމް ކަމެއް. ހަގީގަތުގައި އެއީ ނުކޮށް ދޫކޮށްލެވޭނެ ކަމެއް ނޫން. އެހެން ނޫންނަމަ ޤައުމެއް ގައުމެއްގެ ގޮތުގައި ދިރުވޭނެ ތަނެއް ނުފެންނާނެ. ޤައުމުގެ އެއްބައިވަންތަ ކަމުގެ ރޫހު އާލާ ނުކުރެވޭނެ. ޤައުމެއްގެ ބަހާތައް ދިރުވޭނީ މިފަދަ ދުވަސްތައް ފާހަގަކޮށްގެން." އިންތިހާބީ ނައިބު ރައީސް ވިދާޅުވި އެވެ.

އޭގެ އިތުރުން، އިންތިހާބަށްފަހު މީޑިއާއަކަށް ދެއްވި ފުރަތަމަ އިންޓަވިއުގައި ހުސެއިން ވަނީ ރަނިން މޭޓުގެ ޓިކެޓު ލިބިލެއްވި ގޮތާއި، ޒާތީ ދިރިއުޅުއްވުމުގެ ތަފުސީލުތައް އަދި ނައިބު ރައީސްގެ މަގާމުގައި ކުރައްވާނެ ކަންކަން ވެސް ހިއްސާކުރައްވާފަ އެވެ.

އެގޮތުން، އިންތިހާބީ ރައީސް، ހުސެއިން އަށް ރަނިން މޭޓުކަން ދެއްވީ އިތުބާރާއެކު ޒުވާނުންގެ ކަންކަމުގައި މަސައްކަތް ކުރެވޭނެ ހިންގުންތެރި ޒުވާނެއް އިހުތިޔާރުކުރުމުގެ ގޮތުން ކަމަށާއި ޑރ. މުއިއްޒުއަށް އަދި ގައުމަށް، ނައިބު ރައީސްގެ ހައިސިއްޔަތުން ކުރިއަށް އޮތް ދައުރުގައި ހިދުމަތް ކުރައްވާނީ ގައުމީ ޖޯޝުގައި ކަމަށް އެމަނިކުފާނު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox