ކޮންމެ އަހަރެއްގެ ފަހުކޮޅު އެމްޓީސީސީން ކުރިއަށް ގެންދާ "ކަށަވަރު ޕްރޮމޯ" ފަށައިފި އެވެ.
މިއަދު ކަށަވަރު ޝޯރޫމްގައި ބޭއްވި ރަސްމިއްޔާތެއްގައި މި ޕްރޮމޯ އިފްތިތާހުކޮށްދެއްވީ އެމްޓިސީސީގެ ސީއީއޯ އާދަމް އާޒިމެވެ.
"ކަށަވަރު ޕްރޮމޯ" އަކީ އޮޑިވެރިންގެ އުޅަނދުތަކުގެ ސާމާނަށް ހާއްސަ ޑިސްކައުންޓްތައް ދިނުމުގެ ގޮތުން އެމްޓީސީސީން ކުރިއަށް ގެންދާ ޕްރޮމޯޝަނެކެވެ.
މި ޕްރޮމޯގެ މުއްދަތުގައި ކުރާ 5،000 ރުފިޔާގެ ކޮންމެ ވިޔަފާރިއަކަށް ކޫޕަނެއް ލިބޭނެ އެވެ. އަދި ކޮންމެ ހަފްތާއަކު ނެގޭ ގުރުއަތުން ހޮވޭ ފަރާތަކަށް ޔަންމާ 175 ހޯސްޕަވަރުގެ އިންޖީނެއް ދިނުމަށް ހަމަޖެހިފައިވާ ކަމަށް އެމްޓީސީސީން މައުލޫމާތުދެ އެވެ.
ކަށަވަރު ޕްރޮމޯ -- ފޮޓޯ: އިޔާން/އަދަދު
މި ޕްރޮމޯގެ ދަށުން ޑިސްކައުންޓް ދެވޭ ޕްރޮޑަކްޓްތައް
- ސުޒުކީ އަދި ޔަންމާ އިންޖީނު
- ސްޓާން އައިޓަމްސަ
- ސްޓޮކް ބޭޑާ ރެސިން
- ސްޓޮކް ބޭޑާ ޖެލް ކޯޓްސް އަދި ޕިގްމެންޓްސް
- ޔަންމާ ޖެންސެޓްސް
- އިންޖީނުގެ ސްޕެއާރ ޕާރޓްސް
- އެކްސަސަރީޒް
- އިންޑަސްޓްރިއަލް ގޭސް
- މެރޯލް އަދި ލުބްރިކަންޓްސް
އެމްޓީސީސީން ބުނީ މިއީ އޮޑިވެރިންނަށާއި، މަސްވެރިން، އިންޖީނިއަރުން އަދި ފަތުރުވެރިކަމާއި ޓްރާންސްޕޯޓު ދާއިރާގައި މަސައްކަތް ކުރާ ފަރާތްތަކަށް ހާއްސަ ޕްރޮމޯޝަނެއް ކަމަށެވެ.
ޕްރޮމޯގެ މުއްދަތުގައި މާލޭ ބަނދަރު މަތީގައި އަޅާފައިވާ އޮޑިފަހަރުތަކަށާއި، ހުޅުމާލެ ބަނދަރު ސަރަހައްދު، ތިލަފުށި ޑޮކްޔާޑް އެންޑް ސައިޓް، ރ. އަލިފުށި، ރ. ވާދޫ، ތ. ހިރިލަންދޫ، ދ. ކުޑަހުވަދޫ، ކ. މާފުށި، ކ. ގުޅި އަދި ފުވައްމުލަކު ސިޓީގައި އައުޓްޑޯ އިވެންޓް ބޭއްވުމާއި ޑޮކް ޔާޑްތަކަށް ޒިޔާރަތްކުރުން ހިމެނޭ ކަމަށް ވެސް އެމްޓީސީސީން މައުލޫމާތު ދެ އެވެ.
މި ޕްރޮމޯޝަން ކުރިއަށްދާނީ މިއަދުން ފެށިގެން އަންނަ ޑިސެމްބަރު، 31 ވަނަ ދުވަހުގެ ނިޔަލަށެވެ.
