ތިން އަހަރު ވެފައިވާ މައްސަލަތައް ސާބިތުވުމުގެ ފުރުސަތު ކުޑަ: ޕީޖީ

ޕްރޮސިކިއުޓާ ޖެނަރަލް ހުސެއިން ޝަމީމް: ޝަމީމްގެ ކަންބޮޑުވުން ކްރިމިނަލް ކޯޓާއި މަތީ ކޯޓުތަކުގެ ފަނޑިޔާރުން ވެސް ހިއްސާކުރޭ -- ފޮޓޯ/ރައީސް އޮފީސް

ޕްރޮސިކިއުޓާ ޖެނަރަލް ހުސެއިން ޝަމީމް: ޝަމީމްގެ ކަންބޮޑުވުން ކްރިމިނަލް ކޯޓާއި މަތީ ކޯޓުތަކުގެ ފަނޑިޔާރުން ވެސް ހިއްސާކުރޭ -- ފޮޓޯ/ރައީސް އޮފީސް

ޝަރީއަތުގެ މަރުހަލާގައި ތިން އަހަރަށް ވުރެ ދިގުލައިގެންދާ މައްސަލަތައް ސާބިތު ވުމުގެ ފުރުސަތު ކުޑަ ކަމަށް ޕްރޮސިކިއުޓާ ޖެނެރަލް (ޕީޖީ) ހުސެއިން ޝަމީމް މިއަދު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަވަހާރަކޮށްލަން މޭ 6, 2021 ގައި ދިން ހަމަލާގެ މައްސަލައިގައި ބޭއްވި ނޫސްވެރިންގެ ބައްދަލުވުމުގައި ޝަމީމް މިހެން ވިދާޅުވީ ޝަރީއަތްތައް ދިގުލައިގެންދާތީ ދިމާވާ ގޮންޖެހުންތައް ފާހަގަކުރައްވަމުންނެވެ.

އެގޮތުން, ޕީޖީ އޮފީހުގެ ތަފާސްހިސާބުތަކަށް ބިނާކޮށް އޭނާ ވިދާޅުވީ ތިން އަހަރު ތެރޭގައި ނިންމާ މައްސަލަތައް ސާބިތުވުމުގެ ފުރަސަތު ބޮޑު ނަމަވެސް ތިން އަހަރަށް ވުރެ ލަސްވާ މައްސަލަތައް ސާބިތުވުމުގެ ފުރުސަތު ކުޑަ ކަމަށެވެ.

"ލަސްވާ ވަރަކަށް މައްސަލަ ސާބިތުވުމުގެ ފުރުސަތު ކުޑަވާނެ، މީހުން ހަނދާން ނެތޭލެއް ވެސް ގިނަވާނެ. އަދި ބައެއް ކަހަލަ އެހެން ކަހަލަ ގޮންޖެހުންތައް ވެސް ކުރިމަތިވާނެ," ޝަމީމް ވިދާޅުވި އެވެ.

މައްސަލަތައް ލަސްވާ ސަބަބާ ގުޅިގެން ޝަމީމް ވިދާޅުވީ އެއީ ޕީޖީ އޮފީހުން ނޫނީ ސަރުކާރުން ނުފޫޒު ފޯރުވައިގެންވާ ކަމެއް ނޫން ކަމަށް ވިދާޅުވެފަ އެވެ. މިހެން ދިމާވާ ސަބަބެއް ކަމަށް އޭނާ ވިދާޅުވީ ކްރިމިނަލް ކޯޓަށް ދިމާވެފައިވާ ޖާގައިގެ ދަތިކަމެވެ.

"[ޝަރީއަތްތައް ލަސްވަނީ] އަޅުގަނޑަކަށް ހިއެއް ނުވޭ ނުފޫޒެއް ފޯރާތީހެނެއް. އަޅުގަނޑަށް ހީވަނީ ހަމަ ހަގީގަތުގައި ވެސް ކްރިމިނަލް ކޯޓުގައި ޖާގައިގެ ދަތިކަން އޮތް ގޮތުން، ތިބޭފުޅުންނަށް މާ ބޮޑަށް އެނގިވަޑައިގަންނަވާނެ ކޯޓަށް ވަޑައިގަންނަވާ އިރުގައި އެކަން އެ އޮތް ހާލަތު," ޝަމީމް ވިދާޅުވި އެވެ.

މި މައްސަލައިގައި ސަރުކާރަށް ނުސީދާ ގޮތެއްގައި ފާޑުވިދާޅުވަމުން ޝަމީމް ވަނީ އެހެން އިދާރާތަކަށް ވެސް ކުއްޔަށް ނަގައިގެން އިމާރާތްތައް ހަމަޖައްސައިދޭ ފަދައިން ކްރިމިނަލް ކޯޓަށް ވެސް އެފަދަ އިމާރާތެއް ހަމަޖައްސައި ނުދެވެނީ ކީއްވެގެންތޯ ސުވާލު އުފައްދަވާފަ އެވެ.

ކްރިމިނަލް ކޯޓުން މިހާރު ބޭނުންކުރަމުންދަނީ ބޭނުންކުރުން ރައްކާތެރި ނޫން ކަމަށް 2017 ގައި ކަނޑައަޅާފައިވާ އިމާރާތެކެވެ. އެންމެ ފަހުން މި މައްސަލަ ހައްލުކުރަން ސަރުކާރުން ހުށަހެޅި ހައްލަކީ ހުޅުމާލޭގައި ހުންނަ ކޮވިޑު ފެސިލިޓީއަށް ކްރިމިނަލް ކޯޓު ބަދަލުކުރުމެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox