ސިވިލް ކޯޓުގެ އިސް ގާޒީ އަހުމަދު ނިމާލް އަވަހާރަވުމުން އެ ކޯޓުގައި ހުސްވި ފަނޑިޔާރު ކަމުގެ ޖާގައަށް 15 ބޭފުޅަކު ކުރިމަތިލައިފި އެވެ.
ޖޭއެސްސީން މިއަދު ކުރި އިއުލާނެއްގައި ވަނީ ހުސްވެފައިވާ ސިވިލް ކޯޓު އިސް ގާޒީގެ މަގާމަށް ކުރިމަތިލި 15 ބޭފުޅުންގެ ނަން އާންމުކޮށްފަ އެވެ.
ތިރީސްހާސް ރުފިޔާގެ މުސާރައެއް ލިބޭ އެ މަގާމަށް ކުރިމަތިލާން ހުޅުވާލާފައިވަނީ މި މަހު 19، ގެ މެންދުރު 12:00 ގެ ނިޔަލަށެވެ.
ސިވިލް ކޯޓުގެ އިސް ގާޒީ މަގާމަށް ކުރިމަތިލި ބޭފުޅުން:
- މުހައްމަދު ނިޡާމް، މ. މޮޑަންކޮމެޓް، ކ. މާލެ
- ނަފީލު މުހައްމަދު، ލަކީހޯމް، ގއ. ދާންދޫ
- މުހައްމަދު އިހްސާން، ނޫރުވާދީ، ކ. ތުލުސްދޫ
- މުސްތަފާ އަހުމަދު، ކަނީރުމާގެ، ރ. އަނގޮޅަތީމު
- އަލީ ނަސީރު، ގާޑެނިޔާވިލާ، ބ. ކިހާދޫ
- އާދަމް ދާލިފް، އޯކިޑުމާގެ، ގއ. ގެމަނަފުށި
- ހައްމާދު ވާފިރު، ނުރަންމާގެ، ގއ. ދާންދޫ
- މުހައްމަދު ވިދާން ޝާކިރު، ހ. ހުދުފިނިފެންމާގެ، ކ. މާލެ
- މަރްޔަމް ޝާނީ، ސަނދުބަރަކާގެ، ހއ. ދިއްދޫ
- އަބްދުއްސަލާމް އަލީ، ރޯޒްލީން، ށ. މާއުނގޫދޫ
- ޝިފްޒާ އަބްދުލްގައްޔޫމް، ގަސްދޮށުގެ، ގއ. ނިލަންދޫ
- ފާތިމަތު ޝަފީނާޒް، ހުޅުމާލެ ގޯތި 11021
- ފަތުހުﷲ ޖަމީލް މޫސާ، ނަލަމަލަ، ލ. މާވަށް
- އާއިޝަތު އަރީޝާ ނަޖީބް، ވ. ބުރެވި، ކ. މާލެ
- އަހުމަދު މައުސޫމް، ހަވީލީ މަންޒިލް، ލ. މާބައިދޫ
ސިވިލް ކޯޓަށް އިސް ގާޒީއެއް ހަމަޖެއްސެންދެން މިދިޔަ މަހުގެ 21، އިން ފެށިގެން އެ ކޯޓުގެ ހިންގުން ވަގުތީ ގޮތުން ވަނީ ގާޒީ ފަރުހާދު ރަޝީދުއާ ހަވާލުކޮށްފަ އެވެ.
ސިވިލް ކޯޓުގެ އިސް ގާޒީ އަހުމަދު ނިމާލް އަވަހާރަވީ މިދިޔަ ސެޕްޓެމްބަރު މަހުގެ 19 ގައި މެޔަށް ތަދެއް އަރައިގެން އައިޖީއެމްއެޗްގައި ފަރުވާދެމުން ދަނިކޮށެވެ. ސިވިލް ކޯޓުގެ ފަނޑިޔާރަކަށް ނިމާލް އައްޔަނުކޮށްފައި ވަނީ މާޗު 2022 ގަ އެވެ. އަދި, އެ ކޯޓުގެ އިސް ފަނޑިޔާރު ކަމުގެ މަސްއޫލިއްޔަތުތައް އޭނާއާ ހަވާލުކޮށްފައި ވަނީ އޮގަސްޓު 22, 2022 ގަ އެވެ.
