ޖޫނިއާ ޗެމްޕިއަންޝިޕްގެ އެންމެ މޮޅު ދެ އެތުލީޓުންނަށް ހޮވުނީ ނާހިލް އާއި އަހުނާ

Oct 21, 2023, 6:28 AM
ޖޫނިއާ އެތުލެޓިކްސް ޗެމްޕިއަންޝިޕްގެ މޮޅު ދެ އެތުލީޓުންނަށް ހޮވުނު ނާހިލް އާއި އަހުނާ - ފޮޓޯ: ކުޅުދުއްފުށި ސީޓީ ކައުންސިލް

ޖޫނިއާ އެތުލެޓިކްސް ޗެމްޕިއަންޝިޕްގެ މޮޅު ދެ އެތުލީޓުންނަށް ހޮވުނު ނާހިލް އާއި އަހުނާ - ފޮޓޯ: ކުޅުދުއްފުށި ސީޓީ ކައުންސިލް

އެސްޓީއޯ މަކިޓާ ޖޫނިއާ އެތުލެޓިކްސް ޗެމްޕިއަންޝިޕްގެ އެންމެ މޮޅު ފިރިހެން އެތުލީޓަކަށް ޓްރެކް އެންޑް ފީލްޑް އެސޯސިއޭޝަންގެ އިބްރާހިމް ނާހިލް ނިޒާރު ހޮވުނުއިރު، އެންމެ މޮޅު އަންހެން އެތުލީޓަކަށް ޖަލާލުއްދީން ސްކޫލްގެ އަހުނާ ނިޒާރު ހޮވިއްޖެ އެވެ.

މި މަހުގެ 15 އިން އިއްޔެގެ ނިޔަލަށް ހދ.ކުޅުދުއްފުށީގައި ކުރިއަށްދިޔަ ޖޫނިއާ އެތުލެޓިކްސް ޗެމްޕިއަންޝިޕްގެ މޮޅު ދެ އެތުލީޓުންނަށް ނާހިލް އާއި އަހުނާ ހޮވުނުއިރު، މުބާރާތުގެ އަންހެން އަދި ފިރިހެން އެންމެ މޮޅު ޓީމަކަށް ވެސް ހޮވުނީ ދެ އެތުލީޓުން ތަމްސީލްކުރި ދެ ޓީމު ކަމަށްވާ ޖަލާލުއްދީން ސްކޫލާއި، ޓްރެކް އެންޑް ފީލްޑް އެސޯސިއޭޝަނެވެ.

ފިރިހެން އެންމެ މޮޅު އެތުލީޓުގެ މަގާމް ހޯދި ނާހިލް ވަނީ 20 އަހަރުން ދަށުގެ ފިރިހެން ކުދިންގެ 100 މީޓަރު ދުވުމާއި 200 މީޓަރު ދުވުން އަދި ލޯންގް ޖަމްޕްގެ ރަން މެޑަލް ހޯދާފަ އެވެ. މުބާރާތުގެ ފިރިހެން އެންމެ މޮޅު އެތުލީޓުގެ އިތުރުން 20 އަހަރުން ދަށުގެ އެންމެ މޮޅު ފިރިހެން އެތުލީޓަކީވެސް ނާހިލް އެވެ.

އަންހެން އެންމެ މޮޅު އެތުލީޓުގެ މަގާމް ހޯދި އަހުނާ ވަނީ 17 އަހަރުން ދަށުގެ އަންހެން ކުދިންގެ 100 މީޓަރު ދުވުމާއި، 200 މީޓަރު ދުވުމުގެ އިތުރުން އަންހެން ކުދިންގެ ޓްރިޕަލް ޖަމްޕުގެ ރަން މެޑަލް ހޯދައިފަ އެވެ. މުޅި މުބާރާތުގެ މޮޅު އެތުލީޓުގެ އިތުރުން 17 އަހަރުން ދަށުގެ އަންހެން އެންމެ މޮޅު އެތުލީޓަކީވެސް އަހުނާ އެވެ.

އެކި އުމުރުފުރާތަކަށް ބަލާއިރު، 15 އަހަރުން ދަށުގެ ފިރިހެން އެންމެ މޮޅު އެތުލީޓަކީ ކުލަބު ކާމް ސްޕޯޓްސްގެ އިޒާން ހަސަން އެވެ. އޭނާ ވަނީ 100 މީޓަރު ދުވުމާއި 200 މީޓަރު ދުވުމުން ރަން މެޑަލް އަދި ލޯންގް ޖަމްޕްގެ ރިހި މެޑަލް ހޯދައިފަ އެވެ. މި އުމުރުފުރާގެ އެންމެ މޮޅު އަންހެން އެތުލީޓަކީ ކުލަބު ރާވެރިޔާގެ އައިޝަތު ހަމްދާ ސަލާމް އެވެ. އޭނާ ވަނީ އަންހެން ކުދިންގެ 100 މީޓަރު ދުވުމާއި 200 މީޓަރު ދުވުން އަދި ލޯންގް ޖަމްޕްގެ ރަން މެޑަލް ހޯދައިފަ އެވެ.

ސަތާރަ އަހަރުން ދަށުގެ އެންމެ މޮޅު ފިރިހެން އެތުލީޓަކީ ޓްރެކް އެންޑް ފީލްޑްގެ ޒުއިޒް މުހައްމަދު ސުއާދު އެވެ. އޭނާ ވަނީ 200 މީޓަރު ދުވުމާއި 400 މީޓަރު ދުވުމުން ރަން މެޑަލް ހޯދައިފަ އެވެ.

ވިހި އަހަރުން ދަށުގެ އެންމެ މޮޅު އަންހެން އެތުލީޓަކީ ޝަރީފް ސްޕޯޓްސްގެ އީމާ އަލީ ޝިޔާމް އެވެ. އީމާ ވަނީ އަންހެން ކުދިންގެ ޝޮޓްޕުޓް، ޑިސްކަސް ތުރޯ އަދި ޖެވެލިން ތުރޯ އިން ރަން މެޑަލް ހޯދައިފަ އެވެ.

މުބާރާތުގެ 13 އަހަރުން ދަށުގެ ފިރިހެން ޗެމްޕިއަން ޓީމަކީ މިލަންދޫ ސްކޫލެވެ. މި އުމުރުފުރާގެ އަންހެން މޮޅު ޓީމަކީ އަފީފުއްދީން ސްކޫލެވެ.

ފަނަރަ އަހަރުން ދަށުގެ ފިރިހެން އެންމެ މޮޅު ޓީމަކަށް ހދ. އަތޮޅު ތައުލީމީ މަރުކަޒު ހޮވުނުއިރު، އަންހެން އެންމެ މޮޅު ޓީމަކަށް ހޮވުނީ ކުލަބު ރައިވެރިޔާ އެވެ.

ވާދަވެރިކޮށް ފެނުނު 17 އަހަރުން ދަށުގެ ފިރިހެން ޗެމްޕިއަން ޓީމަކަށް ނަސީރު ސްޕޯޓްސް އެކަޑެމީ ހޮވުނުއިރު، އަންހެން ޗެމްޕިއަން ޓީމަކީ ޝަރަފުއްދީން ސްކޫލެވެ.

ވިހި އަހަރުން ދަށަށް ބަލާއިރު، ފިރިހެން ކުދިންގެ ބައިންނާއި އަންހެން ކުދިންގެ ބައިންވެސް އެއްވަނަ ހޯދީ ޝަރީފް ސްޕޯޓްސް އެވެ.

އެސްޓީއޯ މަކިޓާ ޖޫނިއާ އެެތުލެޓިކްސް ޗެމްޕިއަންޝިޕްގައި މި އަހަރު 28 ސްކޫލަކާއި ހަތް ކްލަބް ޖަމިއްޔާއަކުން 1،124 އެތުލީޓުން ވާދަކުރި އެވެ.

ކޮމެންޓް

ފަހުގެ ޚަބަރު

ސިޓީ އާއި އާސެނަލަށް މޮޅެއް ނުލިބުނު، ޗެލްސީ ބަލިވެއްޖެ

އިނގިރޭސި ޕްރިމިއާ ލީގުގައި ރޭ ކުޅުނު މެޗުތަކުން މެންޗެސްޓާ ސިޓީ އާއި އާސެނަލް އެއްވަރުވިއިރު، ޗެލްސީ ވަނީ ލީޑްސް ޔުނައިޓެޑް އަތުން 4-1 އިން ބަލިވެފައި. ސިޓީ އާއި ފުލަމް ބައްދަލުކުރި މެޗު 1-1 އިން އެއްވަރުވިއިރު، އާސެނަލް އާއި ނިއުކާސަލް ބައްދަލުކުރި މެޗު ނިމުނީ 2-2 އިން އެއްވަރުވެގެން.

އޮޑިން ކޮންމެ މެޗެއްގައި ވެސް ޓީމު ވަރުގަދަކޮށްގެން ނަތީޖާ ނެރެން

ދިވެހި ޕްރިމިއާ ލީގުގައި އޮޑި ސްޕޯޓްސް ކްލަބުން ކޮންމެ މެޗަކަށް ވެސް ނުކުންނަނީ ޓީމު ވަރުގަދަކޮށް ރަނގަޅު ނަތީޖާއެއް ނެރުމުގެ އަމާޒުގައި ކަމަށް އެ ޓީމުގެ ކޯޗު ލޫޗޯ ބުނެފި. ލީގުގެ ބްރޭކުގެ ތެރޭގައި ޓީމުގެ ފިޓްނަސް އާއި ކުޅުން ރަނގަޅުކުރަން ގިނަ މަސައްކަތްތަކެއް ކޮށްފައިވާއިރު، މާދަމާ ޓީސީއާ ދެކޮޅަށް ނުކުންނާނީ މެޗުގެ ކޮންޓްރޯލް ހޯދައިގެން މޮޅުވާން

ނިއު ރޭޑިއަންޓް ބަލިކުރުން މުޅި ވިކްޓަރީ އަށް އިތުބާރަކަށްވާނެ

ދިވެހި ޕްރިމިއާ ލީގުގައި ނިއު ރޭޑިއަންޓާ ދެކޮޅަށް ކުޅޭ މެޗުން މޮޅުވުމަކީ ވިކްޓަރީގެ އިތުބާރު ބޮޑުވެ، ސަޕޯޓަރުންގެ ޝައުގުވެރިކަން އިތުރުވާނެ ކަމެއް ކަމަށް އެ ޓީމުގެ ކޯޗު މޯހަން ބުނެފި ލީގުގައި މިހާތަނަށް ބަލިނުވެ އޮތް މި ދެ ޓީމުގެ ކުރިމަތިލުމަށް ވިކްޓަރީ އޮތީ ވަރަށް ރަނގަޅަށް ތައްޔާރުވެފައި ކަމަށްވެސް އޭނާ ފާހަގަކުރި

މުޑްރިކް އާއި ޔޫކްރެއިން އެފްއޭގެ ކޯޅުމެއް

މަނާބޭހުގެ މައްސަލައެއްގައި 21 މަސް ދުވަހުގެ ސަސްޕެންޝަނެއް ފުރިހަމަކުރުމަށްފަހު، ޔޫކްރެއިންގެ މިހައިލޯ މުޑްރިކް އެ ގައުމުގެ ފުޓްބޯޅަ އެސޯސިއޭޝަނުން އިހުމާލުވި ކަމަށް ބުނެ ކުރި ތުހުމަތުތަކާ ގުޅިގެން މައްސަލަ ހޫނުވެއްޖެއެވެ. މުޑްރިކްގެ މި ވާހަކަތަކަށް ރައްދު ދެއްވަމުން ޔޫކްރެއިން އެފްއޭގެ ރައީސް އަންޑްރީ ޝެވްޗެންކޯ ވިދާޅުވީ މުޑްރިކް ހަދަނީ ދޮގު ކަމަށާއި، މިއީ އެސޯސިއޭޝަނުގެ އަގުވައްޓާލަން ކުރާ ކަމެއް ކަމަށެވެ.

ޓޮމް ބްރެޑީ ޗެލްސީގެ ހިއްސާއެއް ގަންނަނީ

އެމެރިކަން ފުޓްބޯޅަ ލެޖެންޑް ޓޮމް ބްރެޑީ، ކްލިއަލޭކް ކެޕިޓަލް މެދުވެރިކޮށް އިނގިރޭސި ކްލަބް ޗެލްސީގެ މައިނޯރިޓީ ހިއްސާއެއް ގަތުމަށް ދަނީ މަސައްކަތް ކުރަމުންނެވެ. މި އިންވެސްޓްމަންޓާއެކު އޭނާއަށް ވޯޓުލުމުގެ ހައްގު ނުލިބުނު ނަމަވެސް، ކުރިއަށް އޮތް ތަނުގައި ކްލަބުގެ ބޯޑުން ފުރުސަތު ލިބުމުގެ ފުރުސަތު އެބައޮތެވެ. ބްރެޑީ މި ފިޔަވަޅު އަޅަނީ ބާމިންހަމް ސިޓީގައި އޮތް އޭނާގެ ހިއްސާ ދޫކޮށްލުމަށްފަހުއެވެ.

ބަޔާން އެއްވަރުވި މެޗުގައި ކޭން އަށް ސީރިއަސް އަނިޔާއެއް

ޖަރުމަނު ލީގުގައި ކޮލޯންއާ ދެކޮޅަށް ކުޅުނު މެޗުގައި ބަޔާން މިއުނިކްގެ ފޯވާޑް ހެރީ ކޭންގެ ކުޑަހުޅަށް ލިބުނު ސީރިއަސް އަނިޔާއަކާ ގުޅިގެން، ތިން މަސް ދުވަހަށް އޭނާ ކުޅުމާ ދުރުގައި ހުންނަން ޖެހިއްޖެ. ބަޔާން މި މެޗުން 1-1 އިން އެއްވަރުވިއިރު، މި ނަތީޖާއާއެކު ލީގުގެ އެއްވަނަ މަގާމު ގެއްލުމުގެ ބިރު އެ ޓީމަށް ވަނީ ކުރިމަތިވެފައި

ސްޕެއިން ކައިރިން ބަދަލުހިފަން ޒިދާން ބޭނުމެއް ނޫން

ނޭޝަންސް ލީގުގެ ކުއާޓާ ފައިނަލުގައި ސްޕެއިނާ ދެކޮޅަށް ނުކުންނައިރު، ފްރާންސްގެ އަމާޒަކީ ވޯލްޑް ކަޕްގެ ބަލިވުމުގެ ބަދަލުހިފުމުގެ ބަދަލުގައި މުބާރާތުގެ ތަށި ހޯދުން ކަމަށް ކޯޗު ޒިދާން ބުނެފި. ޒިދާން ފާހަގަކުރި ގޮތުގައި މިއީ އާ މުބާރާތެއް ކަމަށާއި، އަންނަ މާޗް މަހު އޮންނަ މި މެޗުތަކަށް ޓީމު އޮތީ ވަރުގަދަ އަމާޒެއްގައި

Newsletter

Get the latest news delivered straight to your inbox