ކޮއްކީ އެފްއޭއެމް އިން އިސްތިއުފާދީފި: ތާއީދު އަޝްފާގަށް؟

ކޮއްކީ އެފްއޭއެމް އިން އިސްތިއުފާދީފި: ތާއީދު އަޝްފާގަށް؟

ތަފާތު އެކި މައްސަލަތަކާ ހެދި ފާޑުކިޔުން އަމާޒުވެފައިވާ، ރާއްޖޭގެ ފުޓްބޯޅައިގެ މައި އިދާރާ، ފުޓްބޯލް އެސޯސިއޭޝަން އޮފް މޯލްޑިވްސް (އެފްއޭއެމް)ގެ ނައިބު ރައީސް، ހުސެއިން ޝާފިއު (ކޮއްކީ) މަގާމުން އިސްތިއުފާ ދީފައިވާއިރު، އެފްއޭއެމްގެ ރައީސް ކަމަށް އަލީ އަޝްފާގު (ދަގަނޑޭ) ގެންނަން ތާއީދުކުރާ ހިޔާލަށް ތާއީދުކޮށް ޝުއޫރުފާޅުކޮށްފި އެވެ.

މާޒިޔާ ސްޕޯޓްސް އެންޑް ރެކްރިއޭޝަންގެ ސީއީއޯ، ކޮއްކީ، އެފްއޭއެމްގެ ސީނިއާ ނައިބް ރައީސްގެ ގޮތުގައި އެގްޒެކްޓިވް ކޮމިޓީ (ހިންގާ ކޮމިޓީ - އެކްސްކޯ) ގައި ފުރުއްވަމުން އައި މަގާމުން އިސްތިއުފާދީފައިވަނީ މިދިޔަ މަހުގެ ކުރީކޮޅުގަ އެވެ.

މީގެ ކުރިން، އެފްއޭއެމްގެ އެކްސްކޯގައި މަޖިލިސް މެމްބަރުންތަކެއް ތިބުމަށް ފަހު، 2019 ވަނަ އަހަރު އިސްތިއުފާ ދިނުމުން އެ މަގާމުތަކަށް ހަމަޖެއްސި، ތިން މެމްބަރުންގެ ތެރޭގައި ވެސް ކޮއްކީ ހިމެނެ އެވެ. އެހެންކަމުން، ކޮއްކީ، އެފްއޭއެމްގެ ހިންގާ ކޮމިޓީން މި ވަކިވީ ހަތަރު ވަރަކަށް އަހަރު މަގާމުގައި ހުރުމަށް ފަހު އެވެ.

ރާއްޖޭގައި އެންމެ ރަނގަޅަށް ހިންގަމުން އަންނަ ފުޓްބޯޅަ ކްލަބް، މާޒިޔާގެ އިސް ހިންގުންތެރިއެއްގެ ގޮތުގައި ކާމިޔާބު މަސައްކަތްތަކެއް ކުރަމުން އަންނަ ކޮއްކީ ވަނީ އެފްއޭއެމްގެ މަގާމުގައި ހުރިއިރު ވެސް އަމިއްލަ ހައިސިއްޔަތުން ވެސް ގިނަ ކަންތައްތަކެއް ކޮށްފަ އެވެ. އެ ގޮތުން، 19 އަހަރުން ދަށުގެ ގައުމީ ޓީމުގެ ކަންތައްތައް ހަމަޖެއްސުމުގައި ކޮއްކީ އަމިއްލަ އަށް އިސްނަގައިގެން އެކިއެކި ގޮތްގޮތުން ހަރަދު ވެސް ކޮށްފައިވާކަން އެނގިފައިވެ އެވެ.

މިދިޔަ މަހު މާޒިޔާ އިން އޭއެފްސީ ކަޕްގައި މާލޭގައި ބަޝުންދަރާ ކިންގްސްއާ ދެކޮޅަށް ކުޅުނު މެޗުގެ އިންތިޒާމްތައް ހަމަަޖައްސަން މަސައްކަތް ކުރަން ޖެހުނީ އެފްއޭއެމްގެ ޒިންމާގައި ހިމެނޭ ކަންތައްތައް ވެސް އަމިއްލަ ކްލަބްގެ ފަރާތުން ހަމަައްސައިގެންނެވެ.

އެފްއޭއެމްގެ މުވައްޒަފުންނަށް މުސާރަ ނުދޭތާ އެތައް މަހެއް ވެފައިވާއިރު، އޭއެފްސީ ކަޕްގެ މެޗުގެ ކަންކަން ކޮށްދިނުމަށް އެފްއޭއެމްގެ މުވައްޒަފުން އައީ މާޒިޔާގެ އެދުމަށްކަން އެނގިފައިވެ އެވެ.

އޭގެ ފަހުން، ފީފާ ވޯލްޑް ކަޕް/ އޭޝިއަން ކަޕް ޖޮއިންޓް ކޮލިފައިންގައި މިދިޔަ ބުރާސްފަތި ދުވަހު ބަންގްލަދޭޝާ ދެކޮޅަށް ގައުމީ ޓީމު ކުޅުނު ފުރަތަމަ ލެގުގެ މެޗުގެ ކަންކަން ހަމަޖެއްސުމަށް އެފްއޭއެމް މުވައްޒަފުން އައީ، މުސާރަ ނުލިބި ހުރި ކަމުގައި ވިޔަސް ގައުމީ ކަމެއްގެ ގޮތުގައި ދެކިގެންނެވެ.

ރާއްޖޭގެ ފުޓްބޯޅަ ދުވަހަކަށް ފަހު ދުވަހެއް ދަތި އުނދަގޫ ހާލަތަކަށް ވެއްޓެމުންދާއިރު، ފުޓްބޯޅައިގެ ހިންގުމުގެ ކަންކަމަށް ބަދަލު އަންނަން ޖެހޭ ކަމަށް ބުނެ، އެކި ޕްލެޓްފޯމްތަކުގައި އެކި ފަރާތްތަކުން އަންނަނީ ޝުއޫރު ފާޅުކުރަމުންނެވެ.

"ދަގަނޑޭ ފޯ އެފްއޭއެމް" ޕޭޖްގައި ޖަހާފައިވާ ޕޯސްޓް، ކޮއްކީ ވަނީ އަމިއްލަ އެކައުންޓްގައި ހިއްސާކޮށްފައި.

އެ ގޮތުން، މިއަދު، ސޯޝަލް މީޑިއާ ޕްލެޓްފޯމް، ފޭސްބުކްގައި "ދަގަނޑޭ ފޯ އެފްއޭއެމް" ގެ ނަމުގައި ، އަޝްފާގު އެފްއޭއެމްގެ ރައީސްކަމަށް ގެނައުމުގެ ހަރަކާތެއް ޕްރޮމޯޓްކުރުމަށް ހަދާފައިވާ ޕޭޖެއްގައި ޖަހާފައިވާ ޕޯސްޓެއް، ކޮއްކީ ވަނީ އަމިއްލަ އެކައުންޓްގައި ހިއްސާކޮށްފަ އެވެ. މިއާ އެކު، މިއީ، ރާއްޖޭގައި އުފެދުނު އެންމެ މޮޅު ފުޓްބޯޅަ ކުޅުންތެރިޔާ، ދަގަނޑޭ، އެފްއޭއެމްގެ ރައީސްގެ މަގާމަށް ގެންނަން ކޮއްކީގެ ތާއީދު އޮތް ކަމެއްގެ ގޮތުގައި ގަބޫލުކުރުމުގެ ޖާގަ އެބައޮތެވެ.

ދަގަނޑޭ، މި ވަގުތު ހުރީ ކަކުލަށް ލިބުނު އަނިޔާއަކާ ހެދި ކުޅުމާ ދުރުގަ އެވެ. ރަސްމީކޮށް ފުޓްބޯޅައިން ރިޓަޔާކުރިކަން ދަގަނޑޭ އަދި އިއުލާނުކޮށްފައެއް ނުވެ އެވެ. އަދި އެފްއޭއެމްގެ ރައީސް ކަމަށް ޝައުގުވެރިކަން ވެސް އަދި ދަގަނޑޭ ފާޅުކޮށްފައިނުވެ އެވެ.

އެހެން ނަމަވެސް، ސޯޝަލް މީޑިއާގައި ގިނަ ބައެއް އަންނަނީ ފުޓްބޯޅަ މިހާރު އޮތް ހާލަތުން ބަދަލެއް ގެންނަން އެންމެ ރަނގަޅު އެއް ކަމެއްގެ ގޮތުގައި ކުރެވޭނީ ދަގަނޑޭ ފަދަ ފަރާތެއް އެފްއޭއެމްގެ ރައީސްގެ މަގާމަށް ގެނެސްގެން ކަމަށް ބުނެ ޝުއޫރު ފާޅުކުރަމުންނެވެ.

އެފްއޭއެމްގެ އިންތިހާބު ދެން އޮންނާނީ އަންނަ އަހަރު އެވެ. އެންމެ ފަހުން އެފްއޭއެމް އިންތިހާބު ބާއްވާފައިވަނީ 2020 ވަނަ އަަހަރުގެ ޖުލައި މަހުގަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox