ސިވިލް ކޯޓުގެ އިސް ގާޒީ އަހުމަދު ނިމާލް އަވަހާރަވުމުން އެ ކޯޓުގައި ހުސްވި ފަނޑިޔާރު ކަމުގެ ޖާގައަށް ކުރިމަތިލާން ހުޅުވާލައިފި އެވެ.
ތިރީސްހާސް ރުފިޔާގެ މުސާރައެއް ލިބޭ އެ މަގާމަށް ކުރިމަތިލާން ހުޅުވާލާފައިވަނީ މި މަހު 19، ގެ މެންދުރު 12:00 ގެ ނިޔަލަށެވެ.
އުމުރުން 36 އަހަރުގެ ނިމާލްގެ މެޔަށް ތަދެއް އަރައި، ހޮޑު ލެވުމާ ގުޅިގެން އައިޖީއެމްއެޗް ހޮސްޕިޓަލަށް ގެންދިޔައީ މިދިޔަ މަހު 19، ގެ ރެ އެވެ. ފަރުވާ ދެމުން ދަނިކޮށް އޭނާ އަވަހާރަވީ ޖެހިގެން އައި ދުވަހު މެންދުރު ފަހެވެ.
ސިވިލް ކޯޓަށް އިސް ގާޒީއެއް ހަމަޖެއްސެންދެން މިދިޔަ މަހުގެ 21، އިން ފެށިގެން އެ ކޯޓުގެ ހިންގުން ވަގުތީ ގޮތުން ވަނީ ގާޒީ ފަރުހާދު ރަޝީދުއާ ހަވާލުކޮށްފަ އެވެ.
ސިވިލް ކޯޓުގެ ފަނޑިޔާރުކަމަށް ނިމާލު އައްޔަނުކޮށްފައި ވަނީ މާޗު 2022 ގަ އެވެ. އަދި, އެ ކޯޓުގެ އިސް ފަނޑިޔާރު ކަމުގެ މަސްއޫލިއްޔަތުތައް އޭނާއާ ހަވާލުކޮށްފައި ވަނީ އޮގަސްޓު 22, 2022 ގަ އެވެ.
ނިމާލް އަވަހާރަވިއިރު، އަނތްބަކަލަކާއި ތުއްޕުޅު ބޭފުޅަކު ދުނިޔޭގައި އެބަތިއްބެވި އެވެ.
