ފްރާންސްގައި ތަންމަކުނު އިތުރުވެފައިވާ މައްސަލައިގައި މި ހަފުތާގެ ތެރޭގައި އެ ގައުމުގެ ސަރުކާރުން އެމެޖެންސީ ބައްދަލުވުންތައް ބާއްވަން ނިންމައިފި އެވެ.
ރޭލުތަކާއި، ޕެރިހުގެ މެޓްރޯ އާއި ސިނަމާތަކާއި އެއާޕޯޓުން ވެސް ތަންމަކުނު ފެނިފައިވާ އިރު، ގިނަ ބަޔަކު ވަނީ އެފަދަ ވީޑިއޯތައް ސޯޝަލް މީޑިއާގައި އާންމުކޮށްފަ އެވެ.
އެކަމުގެ ކަންބޮޑުވުން އިތުރުވީ ފްރާންސްގައު ރަގްބީ ވޯލްޑް ކަޕް ބޭއްވުމަށް ތައްޔާރުވެ، އޮލިމްޕިކްސް 2024 އަށް އެކި ގައުމުތަކުން އެތުލީޓުން ޕެރިހަށް ދަތުރު ކުރާނެތީ އެވެ.
ދެ ސްކޫލަކުން ވެސް ތަަތްމަކުނު ފެނި ސާފުތާހިރުކަމުގެ ފިޔަވަޅުތައް އެޅުމަށް ވަނީ ކިޔެވުން މެދުކަނޑާލައިފަ އެވެ. އެއީ މާސޭ އަދި ލިޔޯންގައި ހިންގާ ދެ ސްކޫލެވެ.
ތަންމަކުނަކީ ރޭގަނޑުގެ ވަގުތު ނިކުމެ އިންސާނުންގެ ލޭ ބޯ ސޫތްޕެކެވެ. އޭތި ހެފުމުން ހަމުގެ ތަންތަން ރަތްވެ، ކަހައި އެލާޖިކް ވެސް ވެ އެވެ.
އޭގެ އިތުރުން ތަންމަކުނުގެ ސަބަބުން ނަފުސާނީ އުނދަގޫ ކުރިމަތިވާ ކަމަށް ސައިންސްވެރިން ބުނެ އެވެ. އެގޮތުން ނުނިދި، ހާސްވެ، ޑިޕްރެޝަން ފާހަގަކުރެވެ އެވެ.
