ހޯމް މިނިސްޓަރުގެ ތުހުމަތު: "މުއިއްޒުގެ ކެމްޕޭނަށް ފަންޑު ކުރަނީ ގޭންގުތަކުން"

ހޯމް މިނިސްޓަރު އިމްރާން އަބްދުﷲ : ވިދާޅުވީ މުއިއްޒުގެ ކެމްޕޭނަށް ފަންޑު ކުރަނީ ކުށްކުރާ ގޭންގުތަކުން ކަމަށް - ފޮޓޯ: މިރާން ނާޝިމް / އަދަދު

ހޯމް މިނިސްޓަރު އިމްރާން އަބްދުﷲ : ވިދާޅުވީ މުއިއްޒުގެ ކެމްޕޭނަށް ފަންޑު ކުރަނީ ކުށްކުރާ ގޭންގުތަކުން ކަމަށް - ފޮޓޯ: މިރާން ނާޝިމް / އަދަދު

އިދިކޮޅު ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒުގެ ކެމްޕޭނަށް ފަންޑުކުރަނީ ރާއްޖޭގައި ހަރަކާތްތެރިވާ ކުށްކުރާ ގޭންގުތަކުން ކަމަށް ހޯމް މިނިސްޓަރު އިމްރާން އަބްދުﷲ ތުހުމަތުކުރައްވައިފި އެވެ.

ރިޔާސީ ކެމްޕޭނުގައި އެމްޑީޕީ އާއި ގުޅިފައިވާ ޕާޓީތަކުން ބާއްވާ އެންމެ ފަހު ބޮޑު ޖަލްސާގައި ވާހަކަދައްކަވަމުން އަދާލަތު ޕާޓީގެ ރައީސްކަންވެސް ކުރައްވާ އިމްރާން އައްޑޫގައި ހުންނަވާ މިރޭ ތުހުމަތުކުރެއްވީ، އިދިކޮޅު ޕީޕީއެމް/ޕީއެންސީގެ ކެމްޕޭނަށް ގޭންގުތަކުން ސީދާ ފަންޑުކުރާ ކަމަށެވެ.

"ރާއްޖޭގެ ހުރިހާ ލޮބުވެތި ރައްޔިތުން ވިސްނާވަޑައިގަންނަވާ، މިސާލެއްގެ ގޮތުން ޕީއެންސީގެ ކެންޑިޑޭޓު ކާމިޔާބު ކުރައްވައިފިނަމަ ނައިބު ރައީސް އުޅޭ ހިލާލީގެ ވާނީ ގޭންގުތައް އޮޕަރޭޓުކުރާ ކޮމާންޑު ސެންޓަރަކަށް"

އިދިކޮޅު ރަނިން މޭޓު ހުސެއިން މުހައްމަދު ލަތީފަށް ނިސްބަތްކޮށް އެހެން އެ ތުހުމަތު ކުރެއްވުމަށް ފަހު އިމްރާން ވަނީ، މުއިއްޒުގެ ވެރިކަމެއްގައި ކޮމިޝަނާ އޮފް ޕޮލިސް އަދި ޕްރޮސެކިއުޓާ ޖެނެރަލްގެ މަގާމަށް އައްޔަންކުރެވޭނީ ގޭންގު ލީޑަރުން ކަމަށްވެސް ވިދާޅުވެފަ އެވެ.

"މިއީ އަޅުގަނޑު ހަދައިގެން ދައްކާ ވާހަކައެއް ނޫން ސަލާމަތީ ބާރުތަކުގެ ބޭފުޅުންނަށް މިކަން ވަރަށް ރަނގަޅަށް އިނގިވަޑައިގަންނަވާނެ، އަޅުގަނޑަށް އިނގޭ އަޅުގަނޑު މި ދައްކަނީ ކިހާ ނުރައްކާތެރި ވާހަކައެއްކަން" އިމްރާން ވިދާޅުވި އެވެ.

އިމްރާން ވިދާޅުވީ މިރޭ ދެއްކެވި ވާހަކައިގެ ސަބަބުން އޭނާ އަދި އާއިލާ ނުރައްކަލަށް ލެވުނު ނަމަވެސް ގައުމާއި ރައްޔިތުންގެ ހައްގުގައި އެ ވާހަކަ ހިއްސާ ކުރަންޖެހޭ ކަން ގަބޫލުކުރާ ކަމަށެވެ.

ރިޔާސީ ކެމްޕޭނަށް ހިނގަމުންދާ ހަރަދާއި ފަންޑު ލިބޭ ފަރާތްތަކުގެ ތަފުސީލަށް "އަދަދު" އިން ދަނީ ހުރިހާ ކެންޑިޑޭޓުން އަދި ޕާޓީތަކުގައި އެދެމުންނެވެ. އެގޮތުން މިއަދު ޕީޕީއެމް/ޕީއެންސީ ގެ ލީޑަޝިޕާ އެ ސުވާލު ކުރުމުން، ޕީއެންސީގެ ރައީސް އަބްދުއްރަހީމް އަބްދުﷲ ވަނީ ކެމްޕޭން ހަރަދު މީޑިއާތަކަށް ހާމަކުރުމަށް އިންކާރުކުރައްވާފަ އެވެ.

"ކެމްޕޭނު ހަރަދާ އެދޭ މައުލޫމާތު އަޅުގަނޑުމެން ނޫސް ކޮންފަރެންސްގައި ހާމަކުރާކަށް ބޭނުމެއް ނުވޭ. އެ ނުވެސް ޖެހޭނެ ދެއްތޯ. އެއީ ކެމްޕޭނަށް ކުރާ ހަރަދުގެ ތަފްސީލު ދޭން ޖެހޭނީ އިލެކްޝަން ކޮމިޝަނަށް އެކަނި. އެހެންވީމަ އެއީކީ އަޅުގަނޑުމެން ނޫސްވެރިންނާ ހިއްސާކުރަން ޖެހޭ މައުލޫމާތެއް ނޫން،" އަބްދުއްރަހީމް ވިދާޅުވި އެވެ.

އެންމެ ފަހުން 2018 ގައި ބޭއްވި އިންތިހާބުގައިވެސް ޕީޕީއެމުން ވާދަކުރި ކެންޑިޑޭޓު، ކުރީގެ ރައީސް އަބްދުﷲ ޔާމީން 2018 ވަނަ އަހަރު ހިންގެވި ކެމްޕޭނުގެ މާލީ ބަޔާނުގައި ފައިސާ ހަރަދު ކުރިވަރު ހިމަނާފައި ހުރީ ތަރުތީބު ކުރުމެއް ނެތި އެވެ. އަދި ފައިސާ ދިން ބޭނުމެއް ނޭނގޭ ގޮތަށް ވެސް އެކި މީހުންނާ ފައިސާ ހަވާލުކޮށްފައި ހުއްޓެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox