ޓެރަރިޒަމްގެ ތުހުމަތު ކުރެވޭ އިނގިރޭސިވިލާތުގެ ކުރީގެ ސިފައިންގެ މީހަކު ބުދަ ދުވަހު ޖަލުން ފިލުމާ އެކު އޭނާ ހޯދަން ބޮޑު އޮޕަރޭޝަނެއް ފަަށައިފި އެވެ.
އުމުރުން 21 އަހަރުގެ ޢެނިއެލް އަބެދް ހަލީފޭ ލަންޑަންގެ އެޗްއެމްޕީ ވޯންޑްސްވޯތު ޖަލުގައި ބަންދުކޮށްފައި ހުރީ ޝަރީއަތް ނިމެންދެންނެވެ. އޭނާއަށް ތުހުމަތު ކުރެވެނީ އަސްކަރީ މަރުކަޒެއްގައި ފޭކު ބޮންތަކެއް ބެހެއްޓި ކަމަށެވެ.
ބެލެވޭ ގޮތުގައި އޭނާ ޖަލުން ފިލީ، އެ ތަނަނުގެ ބަދިގެއަށް ކާތަކެތި ގެންދިޔަ ވޭނެއްގެ ދަށުގައި ފިލައި އޮވެގެން ކަމަށެވެ.
އޭނާ ހޯދުމުގެ އޮޕަރޭޝަނަށް އެއާޕޯޓްތަަކާއި ބަނދަރުތަކުގައި ސެކިއުރިޓީ ވަރުގަދަކޮށްފައި ވާތީ ދަތުރުތައް ވަނީ ވަރަަށް ބޮޑަށް ލަސްވެފަ އެވެ.
ފިލި އިރު، ހަލީފޭ ލައިގެން ހުރީ ޖަލުގެ ބަދިގޭގައި މަސައްކަތް ކުރަން ގައިދީން ލާ ކައްކާ ޔުނިފޯމެވެ. އޭނާގެ ފަރާތުން އާއްމުންނަށް އޮތް ނުރަައްކާ ކުޑަ ކަމަށް ފުލުހުން ބުނެ އެވެ.
އެހެން ނަމަވެސް، އޭނާ ފެނިއްޖެ ނަމަ އެއްވެސް މުއާމަލާތެއް ނުކޮށް، ވަގުތުން ރިޕޯޓު ކުރުމަށް ފުލުހުން އެދިފައިވެ އެވެ.
