އައިއޯއައިޖީ 2023: ޝައްފާންގެ ހިތްވަރަށް ސާބަސް، ސިންގަލްސް އިން ރިހި މެޑަލް ހޯދައިފި!

ޝައްފާން ރިހި މެޑަލްއާ އެކު: މިއީ ރާއްޖޭގެ ތާރީހުގައި ވެސް ހާއްސަ ކާމިޔާބެއް.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

ޝައްފާން ރިހި މެޑަލްއާ އެކު: މިއީ ރާއްޖޭގެ ތާރީހުގައި ވެސް ހާއްސަ ކާމިޔާބެއް.--- ފޮޓޯ: އިސްމާއިލް ތޯރިގު/ މޯލްޑިވްސް އޮލިމްޕިކް ކޮމިޓީ

މަޑަގަސްކަރާގައި މިހާރު ކުރިއަށްދާ އިންޑިއަން އޯޝަން އައިލެންޑް ގޭމްސް (އައިއޯއައިޖީ)ގެ ފިރިހެން ސިންގަލްސް އިވެންޓުގައި ވާދަކޮށް ރާއްޖޭގެ މުހައްމަދު ޝައްފާން އިސްމާއިލް ރިހި މެޑަލް ހޯދައިފި އެވެ.

ޓޭބަލް ޓެނިހުން މިހާތަނަށް އެންމެ ގިނަ ބައިނަލްއަގްވާމީ ކާމިޔާބީތައް ހޯދައިދިން ގޭމްސްގައި މި އަހަރަކީ ފިރިހެން ޓީޓީ އަށް ހާއްސަ އަހަރެކެވެ. އެ ގޮތުން މި އަހަރުގެ ގޭމްސްގައި ފިރިހެން ޓީމުގެ އެތުލީޓުން ވަނީ ތިން އިވެންޓެއްގައި ފަސް މެޑަލް ހޯދައިފަ އެވެ. އޭގެ ތެރެއިން އެންމެ ބޮޑަށް ހާއްސަވި އެއް މެޑައްޔަކީ ފިރިހެން ސިންގަލްސްގައި އިއްޔެ ޝައްފާން ހޯދި ރިހި މެޑައްޔެވެ.

ބައިނަލްއަގްވާމީ މުބާރާތެއްގެ ސިންގަލްސް އިވެންޓެއްގެ ފައިނަލުން ފުރަތަމަ ފަހަރަށް ރާއްޖޭގެ ކުޅުންތެރިއަކު މިއަދު ޖާގަ ހޯދިއިރު ޝައްފާން ފައިނަލުގައި ނުކުތީ މަޑަގަސްކަރާގެ ނަޓިވެލް ޖޮނަތަންއާ ދެކޮޅަށެވެ. މި މެޗުން ޝައްފާން ބަލިވީ 4-2 ސެޓުންނެވެ.

މެޗުގެ ފުރަތަމަ ތިން ސެޓު 6-11، 8-11 އަދި 5-11 އިން ގެއްލުނު ނަމަވެސް ޖެހިގެން އައި ސެޓުގައި ތަފާތު ހިތްވަރެއް ނެރެ ޝައްފާން އެ ސެޓު 13-11 އިން ކާމިޔާބުކުރި އެވެ. ދެން އައި ސެޓުގައިވެސް ވާދަވެރިކުޅުމަކަށްފަހު ޝައްފާން މޮޅުވީ 11-9 އިންނެވެ. މަޑަގަސްކަރައިގެ އެއްވަނަ ކުޅުންތެރިޔާ ޖެހިގެން އައި ސެޓު 6-11 އިން ކާމިޔާބުކޮށް ޗެމްޕިއަންކަން ހޯދި ނަމަވެސް ޝައްފާން ވަނީ ފިރިހެން ޓޭބަލް ޓެނިހުގައި ދިވެހިރާއްޖެއިން ހޯދައިފައިވާ ކުރިއެރުން ދައްކައިދީފަ އެވެ.

މުބާރާތުގެ ފައިނަލަށް ޝައްފާން ދިޔައީ ސެމީ ފައިނަލްގައި މޮރީޝަސްގެ ޗަން ޔޫކް 4-1 ސެޓުން ބަލިކޮށްގެންނެވެ. މެޗުގެ ސެޓުތައް ނިމުނީ 11-1، 7-11، 11-4، 11-8 އަދި 11-7 އިންނެވެ.

ކުއާޓާ ފައިނަލުގައި އޭނާ ވަނީ ސީދާ ހަތަރު ގޭމުން މަޔޮޓްގެ ވިއްޓާ ބަލިކޮށްފަ އެވެ. މެޗުގެ ސެޓުތައް ޝައްފާން ގެންދިޔައީ 11-6، 11-3، 11-6 އަދި 12-10 އިންނެވެ.

ފިރިހެން ސިންގަލްސް އިވެންޓުގައި ވާދަކުރި ރާއްޖޭގެ އެހެން ކުޅުންތެރިންނަށް ބަލާއިރު ރާއްޖޭގެ އެންމެ ކާމިޔާބު ފިރިހެން ޓީޓީ ކުޅުންތެރިޔާ މޫސާ މުންސިފް އަހުމަދު ކުއާޓާ ފައިނަލުން ކެޓީ ޗެމްޕިއަންކަން ހޯދީ މަޑަގަސްކަރައިގެ ނަޓިވެލް އަތުން ވާދަވެރި ކުޅުމަކަށްފަހު 4-3 ސެޓުންނެވެ.

ރާއްޖޭގެ އަޚްޔާރު މުހައްމަދު ހާލިދު ކުއާޓާ ފައިނަލުގައި ކެޓީ ޗަން ޔޫކް އަތުން 4-1 ސެޓުންނެވެ. ރާއްޖޭގެ މުހައްމަދު ޒީސްތު ނަސީމް ކެޓީ ގަދަ 16ގައި އަޚްޔާރު އަތުން 4-2 ސެޓުންނެވެ. ރާއްޖޭގެ މުހައްމަދު ތާބިން ސުޖާއު ގަދަ 32އިން ކެޓީ މަޑަގަސްކަރައިގެ މަހޭފާ ލޫސިއާނޯ އަތުން 4-0 އިންނެވެ.

މިއަހަރުގެ ގޭމްސްގައި ފިރިހެން ޓީމުން ވަނީ ފުރަތަމަ ފަހަރަށް ޓީމް އިވެންޓުގެ ފައިނަލުގައި ކުޅެ ރިހި މެޑަލް ހޯދާފަ އެވެ. އަނެއްކޮޅުން މިކްސް ޑަބަލްސްގައި މުންސިފް ވަނީ އައިޝަތު ރަފާ ނާޒިމްއާއިއެކު ރަން މެޑަލް ހޯދާފަ އެވެ. ޝައްފާން އާއި ފާތިމަތު ދީމާ އަލީގެ ޕެއާ މިކްސް ޑަބަލްސްގެ ބްރޯންޒް މެޑަލްވެސް ހޯދި އެވެ. އަދި ޝައްފާން އާއި މުންސިފްގެ ޕެއާ ވަނީ ފިރިހެން ޑަބަލްސް އިވެންޓުގެ ފައިނަލުގައި ވާދަކޮށް ރިހި މެޑަލްވެސް ހޯދާފަ އެވެ.

ކޮމެންޓް

ފަހުގެ ޚަބަރު

ބްރޭކްތައް އަންނަ ގޮތުން "ލީގުގެ ފީލްއެއް ނީނދޭ": އާތީ

ދިވެހި ޕްރިމިއާ ލީގު މެދުކަނޑާލަން ޖެހުމުން ކުޅުންތެރިންގެ ފިޓްނަސް އާއި ޕާފޯމަންސަށް އަސަރުކޮށް، ލީގުގެ އަސްލު ފޯރި ނުލިބޭ ކަމަށް ޓީސީގެ ކޯޗު އާތީ ބުނެފި. އާތީ ފާހަގަކުރި ގޮތުގައި ގިނަ ދުވަސްތަކެއްގެ ބްރޭކްތަކުގެ ސަބަބުން ޓީމުތަކުގެ ކޮންޓިނިއުޓީ ގެއްލި، މެޗުތަކަށް ތައްޔާރުވުމުގައި ބޮޑެތި ގޮންޖެހުންތަކެއް ކުރިމަތިވޭ

ފީފާގެ އިންތިހާބުގައި އަރަބިންގެ ތާއީދު އިންފަންޓީނޯ އަށް

އަންނަ އަހަރު ބާއްވާ ފީފާގެ އިންތިހާބުގައި މިހާރުގެ ރައީސް ޖިއާނީ އިންފަންޓީނޯއަށް ތާއީދުކުރުމަށް 22 ގައުމު ހިމެނޭ އަރަބް ފުޓްބޯޅަ ޔޫނިއަން (ޔޫއޭއެފްއޭ) އިން ނިންމައިފިއެވެ. އިންފަންޓީނޯއާ އެކު ޖުމްލަ ތިން ކެންޑިޑޭޓުން ވާދަކުރާ މި އިންތިހާބުގައި، އޭޝިއާ އާއި އެފްރިކާގެ ގައުމުތަކުގެ ބޮޑު ތާއީދަކާއެކު އޭނާއަށް މަގާމު ދިފާއުކުރުމުގެ ފުރުސަތު ބޮޑުކަމަށް ބެލެވެއެވެ. ފީފާގެ އާ ރައީސަކު ހޮވުމަށް ވޯޓުލުން އޮންނާނީ އަންނަ އަހަރުގެ މާޗް މަހު މޮރޮކޯގައި ބާއްވާ ފީފާ ކޮންގްރެސްގައެވެ.

އިންޑިއާގެ ލެޖެންޑުން ފުޓްބޯޅަ ރައީސްގެ ޝަކުވާ ސަރުކާރަށް

އިންޑިއާގެ ފުޓްބޯޅަ ފެޑެރޭޝަންގެ ރައީސް ކަލްޔާން ޗޯބޭގެ އިތުބާރު ނެތްކަމުގެ މައްސަލަ، ބައިޗުން ބުޓިއާ ހިމެނޭހެން އެ ގައުމުގެ 14 ލެޖެންޑުން ސްޕޯޓްސް މިނިސްޓަރަށް ހުށަހަޅައިފި. މި ސިޓީގައި ފާހަގަކޮށްފައިވަނީ ފެޑެރޭޝަންގެ މާލީ ހާލަތު ގޯސްވެ ބަނގުރޫޓުވަމުންދާ ކަމަށް

ސުޒޭނާއި މޯހަންގެ ދުލުން: ބަދުނަސީބާއި ހައްލެއްގެ ވާހަކަ!

ސަރަހައްދުގެ އެހެން ގައުމުތަކުން ބޭރުގައި އުޅޭ އެ ގައުމުތަކުގެ ދަރިފަސްކޮޅުގެ ކުޅުންތެރިންނަށް ރަށްވެހިކަން ދީގެން ގައުމީ ޓީމުތައް ވަރުގަދަކުރަމުންދާއިރު، ރާއްޖެއަށް އެ ފުރުސަތު ކުޑަކަމަށް ކުރީގެ ކޯޗުން ފާހަގަކުރެއެވެ. މިކަމުގެ ސަބަބުން ރާއްޖޭގެ ފުޓްބޯޅައަށް ކުރިމަތިވެފައިވާ ގޮންޖެހުންތަކަށް ހައްލެއް ހޯދުމަށް އެކަށީގެންވާ ނިޒާމެއް ނެތްކަމުގެ ކަންބޮޑުވުން ވަނީ ފާޅުކޮށްފައެވެ.

ވޭގާގެ ނަމެއް ނެތް، ފީފާ އިންތިހާބުގައި ތިން ކެންޑިޑޭޓުން!

އަންނަ އަހަރު ބާއްވާ ފީފާގެ އިންތިހާބުގައި ވާދަކުރާ ތިން ކެންޑިޑޭޓުންގެ ނަން އިއުލާނުކުރިއިރު، ކުރީގެ ކުޅުންތެރިޔާ ރަމޮން ވޭގާގެ ނަން ޝަރުތު ހަމަނުވުމުގެ ސަބަބުން ވަނީ ބާކީވެފައި. މި އިންތިހާބުގައި ވާދަކުރައްވަނީ މިހާރުގެ ރައީސް އިންފަންޓީނޯގެ އިތުރުން ފްރާންސްގެ ފިލިޕޭ ޑިއާލޯ އަދި ޖަޕާނުގެ ކޯޒޯ ޓަޝީމާ

އަނިޔާއިން ރަނގަޅުވެ އިލާން އެނބުރި އަންނަން ތައްޔާރު

ކަކުލަށް ލިބުނު އަނިޔާއަކާ ގުޅިގެން ދެ މަހެއްހާ ދުވަހު ކުޅުމާ ދުރުގައި ހުރުމަށްފަހު، މާޒިޔާގެ ފޯވާޑް މުހައްމަދު އިލާން އިމްރާން އަލުން ކުޅުމަށް އެނބުރި އަންނަން ތައްޔާރުވެއްޖެ. މި އަނިޔާގެ ސަބަބުން އިލާނަށް ސާފް ޗެމްޕިއަންޝިޕާއި ލީގުގެ މުހިންމު މެޗުތަކެއް ގެއްލުނު ނަމަވެސް، އޭނާ މިހާރު ވަނީ ފަރިތަކުރުންތަކުގައި ބައިވެރިވާން ފަށާފައި

ފީފާ އިން ނޭޕާލްގެ ސަސްޕެންޝަން އުވާލަނީ؟

ފީފާގެ އެންގުންތަކަށް ބޯނުލެނބުމުގެ ސަބަބުން ނޭޕާލް ފުޓްބޯޅަ ފެޑެރޭޝަނަށް ދީފައިވާ ސަސްޕެންޝަން، ކުރިއަށް އޮތް މަހެއްހާ ދުވަސް ތެރޭގައި އުވާލާނެ ކަމަށް ނޭޕާލުން ވަނީ ބުނެފައި. މި ސަސްޕެންޝަން އުވާލުމަށް ނޭޕާލް ސަރުކާރުގެ މަންދޫބުން ފީފާ އާއި އޭއެފްސީއާ އެކު މަޝްވަރާކޮށްފައި

Newsletter

Get the latest news delivered straight to your inbox