މުއިއްޒު ވެރިކަމަށް ހޮވުނަސް ޔާމީނު ހުންނާނީ ޖަލުގައި: އިމްރާން

އެމްޑީޕީގެ ބޮޑު ޖަލްސާގައި އިމްރާން ވާހަކަ ދައްކަވަނީ؛ އިމްރާން ވިދާޅުވީ ޑރ. މުއިއްޒުއަށް ވެރިކަން ލިބިއްޖެ ނަމަ ރައީސް ޔާމީން މިނިވަން ނުކުރައްވާނެ ކަމަށް -- ފޮޓޯ: އިޔާން/އަދަދު

އެމްޑީޕީގެ ބޮޑު ޖަލްސާގައި އިމްރާން ވާހަކަ ދައްކަވަނީ؛ އިމްރާން ވިދާޅުވީ ޑރ. މުއިއްޒުއަށް ވެރިކަން ލިބިއްޖެ ނަމަ ރައީސް ޔާމީން މިނިވަން ނުކުރައްވާނެ ކަމަށް -- ފޮޓޯ: އިޔާން/އަދަދު

އިދިކޮޅު ޕީއެންސީ/ޕީޕީއެމްގެ ކެންޑިޑޭޓު ޑރ. މުހައްމަދު މުއިއްޒުގެ ވެެރިކަމެއްގައި ވެސް، ކުރީގެ ރައީސް އަބްދުﷲ ޔާމީނު މިނިވަން ނުކުރާނެ ކަމަށް ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.

ޔާމީނު 11 އަހަރަށް ޖަލަށް ލާން ކްރިމިނަލް ކޯޓުން ހުކުމްކުރީ މަނީލޯންޑަރިންގެ ކުށާއި ރިޝްވަތުގެ ކުށް ސާބިތުވެގެންނެވެ.

މިރޭ މާލޭ ކާނިވާ ސަރަހައްދުގައި އެމްޑީޕީން ބޭއްވި ޖަލްސާގައި ވާހަކަ ދައްކަވަމުން އިމްރާން ތުހުމަތުކުރެއްވީ، ޑރ. މުއިއްޒަކީ އޭނާ މީގެ ކުރިން ހުންނެވި އެއްވެސް ޕާޓީއަކަށް އިހުލާސްތެރި ބޭފުޅެއް ނޫން ކަމަށާއި، އަބަދުވެސް އުޅުއްވީ މަގާމުތަކުގެ ދަހިވެތިކަމުގައި ކަމަށެވެ. އަދި މުއިއްޒުއަށް ވެރިކަން ލިބިއްޖެ ނަމަ ރައީސް ޔާމީން މިނިވަން ނުކުރާނެ ކަމަށް ވެސް އިމްރާން ވިދާޅުވި އެވެ.

"އާދެ ލޮބުވެތި ރައްޔިތުން، ޕީޕީއެމްގެ ލޮބުވެތި ރައްޔިތުން. މުއިއްޒު ވެރިކަމަށް ހޮވިއްޖިއްޔާ ޔާމީނު އޮންނާނީ ޖަލުގަ. އަޅުގަނޑަށް އެނގޭ" އިމްރާން ޔަގީންކަމާ އެކު ވިދާޅުވީ މުއިއްޒުގެ ވެރިކަމެއްގައި ރައީސް ޔާމީނު މިނިވަން ނުކުރާނެ ކަމަށެވެ.

މުއިއްޒުގެ ސިޔާސީ ހަޔާތް ފެށުނީ އަދާލަތު ޕާޓީއިންކަން ފާހަގަކުރަވައި އިމްރާން ވިދާޅުވީ އޭރު އޮތް ހާލަތުން އަރައިގަތުމަށް ކުރަން ޖެހޭ ހުރިހާ ކަމެއް އެޕާޓީއިން ކުރަމުން އައި އިރު މުއިއްޒު އެހުރިހާ ކަމަކާ ވެސް ދެކޮޅު ހެއްދެވި ކަމަށެވެ.

"އެހެން ނަމަވެސް ވެރިކަން ބަދަލުވެ މަގާމުތައް ބަހަން ޖެހުނު ވަގުތު އަޅުގަނޑު ކައިރީ، ކުޑަކުއްޖަކު މަންމަ ކައިރީ އައިސް ރޯހެން އަޅުގަނޑު ކައިރީ މަގާމަކަށް އެދި ރުއީ. އަޅުގަނޑު މުއިއްޒަށް ވަޒީފާ ދިނީ މަންމަގެ ލަގޮނޑިއަށް ކެތް ނުވާ ފަދައިން އަޅުގަނޑުގެ ލަގޮނޑިއަށް ކެތް ނުވެގެން." އިމްރާން ވިދާޅުވި އެވެ.

އަދާލަތު ޕާޓީގައި ހުންނަވަނިކޮށް މަގާމު ދިނުމުން ހައުސިން މިނިސްޓަރު ކަމުގެ ދަހިވެތިކަމުގައި އެމްޑީއޭއާ ގުޅިވަޑައިގަތީ "ދޮންކަޅުމިން" އަންގާނުލާ ކަމަށް އިމްރާން ވިދާޅުވި އެވެ. އަދި އެމްޑީއޭ ދޫކުރައްވައި އޭރުގެ ބޮޑު ޕާޓީ ޕީޕީއެމްއަށް ވަޑައިގަތްކަން އެނގުނީ އެމްޑީއޭގެ ލީޑަރު އަހުމަދު ސިޔާމް "ނިދިން ހޭލެވުނު އިރު" ކަމަށް އިމްރާން ވިދާޅުވި އެވެ.

އެމްއެމްޕީއާރުސީ ހިޔާނާތުގެ މައްސަލާގައި ރައީސް ޔާމީނު ޖަލަށް ވަޑައިގަތް އިރު ވެސް މުއިއްޒު ހުންނެވީ ވެރިކަމަށް ދަހިވެތިވެ ފައްކާވެފައި ކަމަށް ވެސް އިމްރާން ތުހުމަތުކުރެއްވި އެވެ.

"ސިޔާމު ރޭގަނޑު ނިދިން ހޭލި އިރު ނޫހުން ފެންނަނީ މުއިއްޒު ޕީޕީއެމްއަށް ބަަދަލުވެއްޖެއޭ. އާދެ މިފަދަ ގޮތަކަށް ގޮސް ދައުރު ނިންމާލައިފި. ޔާމީނު ޖަލަށް ވަދެއްޖެ. މުއިއްޒު ހުރީ ވެރިކަމަށް ހަމަ ފައްކާވެފަ" އިމްރާން ވިދާޅުވި އެވެ.

އިދިކޮޅު ޕީއެންސީ/ޕީޕީއެމްގެ ފަރާތުން މުއިއްޒު ވެރިކަމަށް ކުރިމަތިލުމުން އެކަމާ ނުރުހުންވާ ބަޔަކު ވެސް އެ ޕާޓީތަކުގައި އެބަ ތިއްބެވެ.

މުއިއްޒު ޕީއެންސީގެ ރިޔާސީ ޓިކެޓު ހޯއްދެވުމަށްފަހު އެންމެ ފުރަތަމަވެސް ވެވަޑައިގެންނެވި އެއް ވައުދަކީ އޭނާގެ ވެރިކަމެއްގައި ޔާމީނު މިނިވަންކުރާނެ ކަމަށް ވިދާޅުވުމެވެ. ނަމަވެސް، ޝަރުއީ ނިޒާމަށް ނުފޫޒު ފޯރުވުމެއްނެތި އެކަން ކުރައްވާނެގޮތެއް މުއިއްޒު މިހާތަނަށް ވިދާޅުވެފައެއް ނުވެ އެވެ.

މި އިންތިހާބުގައި ރައީސް ޔާމީނަށް ވާދަ ނުކުރެއްވޭނެ ކަމަށް ސުޕްރީމް ކޯޓުން ނިންމުމާ ގުޅިގެން ވެސް ޕީޕީއެމް ޕީއެންސީ މެންބަރުންގެ މެދުގައި ހިޔާލުތަފާތުވުން އުފެދި ހަމަނުޖެހުން ވެސް ހިންގާފައިވެ އެވެ. ޔާމީނަށް ވަފާތެރި ސަޕޯޓަރުން އޭރު ވެސް ތުހުމަތު ކުރީ ޑރ. މުއިއްޒުއަކީ އަމިއްލަ އެޖެންޑާއެއްގެ ދަށުން ވެރިކަން ހޯއްދަވަން އުޅުއްވާ ބޭފުޅުއް ކަމަށެވެ.

ރިޔާސީ ޓިކެޓު އެރުވުމަށްފަހު، އެމްއެމްޕީއާރުސީ ހިޔާނާތުގެ ތެރެއިން ވ. އާރަށް ކުއްޔަށް ދިނުމުގައި ރިޝްވަތު ހިފުމާއި މަނީ ލޯންޑަރިންގެ ކުށް ސާބިތުވެ މިދިޔަ އަހަރުގެ ޑިސެމްބަރު 25 ގައި ޔާމީނުގެ މައްޗަށް ކްރިމިނަލް ކޯޓުން ވަނީ 11 އަހަރުގެ ޖަލު ހުކުމެއް ނިންމާފަ އެވެ. އެ ހުކުމް ހައި ކޯޓުގައި އިސްތިއުނާފުކުރި ނަމަވެސް އަދި މައްސަލާގައި ވަކި ގޮތެއް ނުނިންމެ އެވެ.

އެ ޖަލު ހުކުމާއެކު ޔާމީނަށް ރިޔާސީ އިންތިހާބުގައި ވާދަކުރުމުގެ ފުރުސަތު ހަނިވި އެވެ. ހުކުމް އޮތް ނަމަވެސް ޕީޕީއެމުން ޔާމީނުގެ ކެންޑިޑެސީ އީސީއަށް ހުށަހަޅާ، އީސީއިން ކެންޑިޑެސީ ބަލައިނުގަތުމުން ޔާމީނު ވަނީ އިންތިހާބީ ހައްގު ކަށަވަރުކުރުމަށް ސުޕްރީމް ކޯޓަށްވެސް ގޮސްފަ އެވެ. ނަމަވެސް ސުޕްރީމް ކޯޓުގެ ހަތް ފަނޑިޔާރުންވެސް އިއްތިފާގުވީ ޔާމީނަށް މި އިންތިހާބުގައި ވާދަނުކުރެވޭނެ ކަމަށެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox