އިމްރާން ސިފަކުރި ބޮޑު މަންޒަރު: ޕީއެންސީގެ ވެރިކަމެއްގައި މުއިއްޒު ނޫނީ ޔާމީން އޮންނާނީ ޖަލުގައި

ބ. ތުޅާދޫ ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ - ފޮޓޯ: އެމްޑީޕީ

ބ. ތުޅާދޫ ޖަލްސާގައި ހޯމް މިނިސްޓަރު އިމްރާން އަބްދުﷲ ވާހަކަ ދައްކަވަނީ - ފޮޓޯ: އެމްޑީޕީ

ޕީއެންސީގެ ރިޔާސީ ކެންޑިޑޭޓު ޑރ. މުހައްމަދު މުއިއްޒު ވެރިކަމަށް ވަޑައިގެންފިނަމަ، މުއިއްޒާއި ޕީޕީއެމްގެ ލީޑަރު އަބްދުﷲ ޔާމީންގެ ތެރެއިން ކޮންމެ ވެސް އެއް ބޭފުޅަކު ޖަލުގައި އޮންނަވާނެ ކަމަށް އަދާލަތު ޕާޓީގެ ރައީސް އަދި މި ސަރުކާރުގެ ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.

އެމްޑީޕީގެ ރިޔާސީ ކެންޑިޑޭޓު، ރައީސް އިބްރާހިމް މުހައްމަދު ސޯލިހުގެ ރިޔާސީ ކެމްޕޭނުގައި މިރޭ ބ. ތުޅާދޫގައި ބޭއްވި ޖަލްސާގައި، މުއިއްޒުގެ ވައުދުތައް އިމްރާން ސިފަކުރެއްވީ ރައްޔިތުންގެ ބޭނުންތަކަށް އިސްކަން ދިނުމަށް ވުރެ ވަކި މީހަކަށް އިސްކަންދޭ ވައުދުތަކެއްގެ ގޮތުގަ އެވެ.

އޭނާ އިޝާރާތް އެ ކުރެއްވީ އެގާރަ އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް އަބްދުﷲ ޔާމީން މިނިވަންކުރުމަށް މުއިއްޒު ވެވަޑައިގެންނެވި ވައުދަށެވެ.

"އަޅުގަނޑުމެންގެ ވާދަވެރި ކެންޑިޑޭޓު [މުއިއްޒު] މި ވިދާޅުވަނީ ވަކި ބޭފުޅަކު ޖަލުން ނެރުމަށޭ މި މަސައްކަތް ކުރަނީ، އެ ބޭފުޅާގެ ސިޔާސަތޭ ތަންފީޒުކުރައްވަނީ، ރައްޔިތުންގެ ވާހަކައެއް ނުދައްކަވާ،" އިމްރާން ވިދާޅުވި އެވެ.

އިމްރާން ދެން ވިދާޅުވީ، މުއިއްޒާއި ޔާމީންގެ މާޒީއަށް ބެއްލުވުމުން އެ ވެރިކަން އޮންނާނެ ގޮތް ސިފަކޮށްލެވޭ ކަމަށެވެ. އޭނާ ލަފާ ކުރައްވާ ގޮތުގައި މުއިއްޒު ވެރިކަމަށް ވަޑައިގެންފި ހާލަތެއްގައި މުއިއްޒު ނޫނީ ޔާމީން އޮންނަވާނީ ޖަލުގަ އެވެ.

"ދެ ބޭފުޅުންގެ މާޒީއާއި ޓްރެކް ރެކޯޑަށް ބަލާއިރު، މުއިއްޒު ވެރިކަމަށް ވަޑައިގެންފިއްޔާ ޔާމީން ނޫނީ މުއިއްޒުގެ ތެރެއިން ކޮންމެ ވެސް އެއް ބޭފުޅަކު އޮންނަވާނީ ޖަލުގައި،" ޔާމީނުގެ ވެރިކަމުގައި ޖަލު ބަންދުގެ ތަޖުރިބާ ކުރައްވަން ޖެހިވަޑައިގަތް އިމްރާން ވިދާޅުވި އެވެ.

ޔާމީނުގެ ވެރިކަމުގައި އޭރުގެ އިދިކޮޅު ހުރިހާ ލީޑަރުން ޖަލަށް ލި އެވެ. އޭގެ ތެރޭގައި އިމްރާން ވެސް ހިމެނެ އެވެ. އޭގެ އިތުރަށް، އެމްޑީޕީގެ އޭރުގެ ރައީސް އަދި ކުރީގެ ރައީސް މުހައްމަދު ނަޝީދާއި، ޖުމްހޫރީ ޕާޓީގެ ލީޑަރު ގާސިމް އިބްރާހިމާއި، ކުރީގެ ރައީސް މައުމޫން އަބްދުލްގައްޔޫމާއި، މައުމޫންގެ ދޮށީ ދަރިކަލުން އަދި މި ފަހަރު ރިޔާސީ އިންތިހާބުގައި ވާދަކުރައްވާ އަހުމަދު ފާރިސް، ކުރީގެ ޑިފެންސް މިނިސްޓަރު އަދި މިހާރު އެމްއެންޕީގެ ކެންޑިޑޭޓު މުހައްމަދު ނާޒިމް ވެސް ޖަލަށް ލި އެވެ.

އިމްރާން ވިދާޅުވީ މިދިޔަ ފަސް އަހަރު ހޯދުނު ހަމަޖެހުން ކުރިއަށް އޮތް ފަސް އަހަރު ވެސް މުހިންމު ކަމަށެވެ. އެއީ ދިވެހިން ވިސްނަވާނެ ކަމެއް ކަމަށް ގަބޫލުކުރައްވާ ކަމަށާއި، އެހެންކަމުން އަލުން އަނބުރާ ކުރިން އޮތް ހާލަތަށް ދާން ބޭނުން ނުވާތީ މުއިއްޒު ވެރިކަމަށް ނާދެވޭނެ ކަމަށް ވެސް ވިދާޅުވި އެވެ.

"މުޅި ރާއްޖެ ތަރައްގީ ކުރުމުގެ މެނިފެސްޓޯއެއް އޮތީ އަޅުގަނޑުމެންގެ ކެންޑިޑޭޓުގެ އަތުގައި. އެހެން އެއްވެސް ކެންޑިޑޭޓެއްގެ އަތުގައި ނެތް ފުރިހަމަ މެނިފެސްޓޯއެއް، ރައީސްއާ ގާތަށް އާދެވޭ ވަރުގެ އެހެން އެއްވެސް ކެންޑިޑޭޓެއް ނެތް،" އަށް ކެންޑިޑޭޓުންގެ ވާދަވެރި އިންތިހާބު ރައީސް ކާމިޔާބުކުރައްވާނެ ކަމަށް ވިދާޅުވި އެވެ.

ކޮމެންޓް

ފަހުގެ ޚަބަރު

ރަސްމާލޭގެ ބަދަލު ދޭނީ މެންބަރުންނާއި ވެރިންގެ މުދަލުން: ފައްޔާޒު

ފައްޔާޒު ވަނީ މި މަޝްރޫއަށް މަގުފަހިކުރަން ހުށަހަޅާފައިވާ ބިލަކީ ގާނޫނުއަސާސީއާ ހިލާފަށް، ބޭރުގެ ފަރާތްތަކަށް ރާއްޖޭގެ ބިންތައް ދާއިމީކޮށް މިލްކުވާ ގޮތަށް އޮތް ބިލެއް ކަމަށް ވިދާޅުވެފަ. އަދި މިނިވަން ކޯޓެއް އޮތް ނަމަ ވުޖޫދުކުރަން އުޅޭ ގާނޫނާއީ ބިލު ވެސް ބާތިލުކުރާނެ ކަމަށް އޭނާ ވިދާޅުވި.

ކްރެކް ނުކުރެވިގެން ޖުމާންގެ ފޯނު ރާއްޖެއިން ބޭރަށް ފޮނުވަނީ

ޓެރަރިޒަމްގެ ތުހުމަތުގައި ހައްޔަރުކުރި އަލީ ޖުމާންގެ ފޯނު ހުޅުވަން އޭނާ އިންކާރުކުރުމުން، އެ ފޯނު ތަހުލީލުކުރުމަށް ރާއްޖެއިން ބޭރަށް ފޮނުވުމުގެ މަސައްކަތް ފުލުހުން ދަނީ ކުރަމުން. ސޯޝަލް މީޑިއާގައި ހުޅުޖެހުމަށާއި މުދަލަށް ގެއްލުންދޭން ހިތްވަރުދިން ކަމުގެ ތުހުމަތު އޮތް ޖުމާން، ބަންދުގައި ބެހެއްޓުމަށް ކޯޓުން ވަނީ އިތުރު 15 ދުވަސް ދީފަ.

މިއީ މިހާރު ހަމަ ކާޓޫނަކަށް ވެއްޖެ: ނަޝީދު

ނަޝީދު ވަނީ މި މައްސަލައިގައި ސަރުކާރަށް ފާޑުވިދާޅުވަމުން ވެރިކަމަށް ވަޑައިގަތީ ރައީސް ޔާމީންގެ ނަންފުޅު ބޭނުންކުރައްވައިގެން ކަމަށާއި، ނަމަވެސް މިހާރު ޔާމީނާއި ތަޖުރިބާކާރު ބޭފުޅުން އެއްކައިރިކޮށްފައިވާ ކަމަށް ވެސް ތުހުމަތުކުރައްވާފަ.

ނުރައްކާވާ މިންވަރަށް އުތުރާއި މެދުރާއްޖެއަށް ދުންފުހުގެ އަސަރު

ސިއްހަތަށް ނުރައްކާވާ މިންވަރަށް މާލެއާއި ކުޅުދުއްފުއްޓަށް ދުންފުނީގެ އަސަރުކޮށް، ވައި ނުސާފުވެފައިވާތީ ރައްކާތެރިކަމުގެ ފިޔަވަޅުތައް އެޅުމަށް އެޗްޕީއޭއިން ވަނީ އިލްތިމާސްކޮށްފައި. މެޓް އޮފީހުން ލަފާކުރާ ގޮތުގައި ކުރިއަށް އޮތް ދުވަސްތަކުގައިވެސް ރާއްޖޭގެ އެކި ސަރަހައްދުތަކަށް ދުންފުނީގެ އަސަރު ފޯރާނެ.

އީގަލް ހިލްސްއާއެކު ސޮއިކުރި ކޮމާޝަލް ޓާމްސް އެގްރީމެންޓެއް ނެތް

މި މައުލޫމާތު ހޯދަން "އަދަދު" ނޫހުން އެދުމުން މިނިސްޓްރީން ޖަވާބު ދިނީ އެއީ އެ މިނިސްޓްރީން ބަލަހައްޓާ މައުލޫމާތު ނޫން ކަމަށާއި، މަޝްރޫއުގެ މައިގަނޑު އެއްބަސްވުމުގައި އަދި ސޮއިނުކުރާ ކަމަށް ބުނެ އެވެ.

ނޮވެމްބަރު 26، ގައި އެމްޑީޕީން މަގުމައްޗަށް ނުކުންނަނީ

ރަސްމާލެ މަޝްރޫޢުގެ ބޮޑު ބައެއް ބޭރު ކުންފުންޏަކަށް ދޫކޮށްލުމާ ގުޅޭގޮތުން ރައްޔިތުންގެ ފެންނަ ނުފެންނަ ވޯޓެއް ނެގުމަށް ގޮވާލައި، މި މަހުގެ 26 ގައި މަގުމައްޗަށް ނުކުމެ އިހުތިޖާޖުކުރަން އެމްޑީޕީން ވަނީ ނިންމާފައި. އެ ޕާޓީން ބުނާގޮތުގައި މި މަޝްރޫޢަކީ ރައްޔިތުންނަށް ސާފުނުވާ ގިނަ ކަންތައްތަކެއް ހުރި މަޝްރޫއެއް.

މުއިއްޒު އަންނަ މަހު ބަންގްލަދޭޝްއަށް ވަޑައިގަންނަވަނީ

ރައީސް މުޙައްމަދު މުޢިއްޒު އަންނަ ޑިސެމްބަރު މަހުގެ 13 ވަނަ ދުވަހު ބަންގްލަދޭޝްއަށް ފުރަމާނަ ދަތުރުފުޅެއް ކުރެއްވުމަށް ވަނީ ހަމަޖެހިފައެވެ. ތިން ދުވަހުގެ މި ދަތުރުފުޅުގައި ދެ ގައުމުގެ ގުޅުން ބަދަހިކުރުމަށާއި، ރާއްޖޭގައި އުޅޭ ބަންގްލަދޭޝް މަސައްކަތްތެރިންގެ ހައްގުތަކާ ގުޅޭގޮތުން މަޝްވަރާކުރުމަށް ވަނީ ރޭވިފައެވެ.

Newsletter

Get the latest news delivered straight to your inbox