މެކްސްކޮމް އިން ޑެލް އާއި ވީއެމްވެއާ ގުޅިގެން މާލޭގައި މަލްޓި ވެންޑާ ޓެކް ފޯރަމެއް ބާއްވައިފި

މެކްސްކޮމް އިން މިއަދު ކުރިއަށްގެންދިޔަ ޓެކް ފޯރަމުގެ ތެރެއިން. މި ފޯރަމްގައި ރާއްޖޭގެ 80 ކުންފުނިން ބައިވެރިވި

މެކްސްކޮމް އިން މިއަދު ކުރިއަށްގެންދިޔަ ޓެކް ފޯރަމުގެ ތެރެއިން. މި ފޯރަމްގައި ރާއްޖޭގެ 80 ކުންފުނިން ބައިވެރިވި

މެކްސްކޮމް އިން ޑެލް ޓެކްނޮލޮޖީ އާއި ވީއެމްވެއާ ގުޅިގެން މާލޭގައި މަލްޓި ވެންޑާ ޓެކް އިވެންޓެއް ބާއްވައިފި އެވެ.

ހޮޓެލް ޖެންގައި އިއްޔެ ކުރިއަށް ގެންދިޔަ އެ ފޯރަމަކީ މެކްސްކޮމްގެ ކްލައިންޓުންނަށް ޑެލް ބްރޭންޑުގެ ކޮމްޕިއުޓަރު އަދި ނެޓްވޯކިން ޕްރޮޑަކްޓްތަކާއި ވީއެމްވެއާގެ ސޮފްޓްވެއާތަކުގެ އަދާހަމަ މައުލޫމާތު ފޯރުކޮށްދިނުމަށް ކޮންމެ އަހަރަކުވެސް ބާއްވަމުން އަންނަ ހަރަކާތެކެވެ.

ކޮވިޑުގެ މެދެކެނޑުމަށްފަހު އެކުންފުނިން މި ފޯރަމް ބޭއްވި މިއީ ފުރަތަމަ ފަހަރެވެ. މި ފަހަރުގެ ފޯރަމްގައި ރާއްޖޭގެ ބޮޑެތި ވިޔަފާރިތަކާއި ކުންފުނިތައް ހިމެނޭހެން 80 ފަރާތަކުން ވަނީ ބައިވެރިވެފަ އެވެ.

Advertisement

މެކްސްކޮމްގެ ޗީފް ޓެކްނޮލިޖީ އޮފިސަރު، އަހުމަދު ސިބާހު މި "އަދަދު"އަށް ވިދާޅުވީ އެ ފޯރަމްގެ ތެރެއިން ޑެލް ޓެކްނޮލޮޖީ އާއި ވީއެމްވެއާގެ އެކްސްޕާޓުން މެދުވެރިކޮށް ކަސްޓަމަރުންނަށް އެންމެ ފަހުގެ މައުލޫމާތު ފޯރުކޮށްދޭނެ ކަމަށާއި މި ފޯރަމުގެ ތެރެއިން ކްލަޔަންޓުންނަށް ދިމާވާ ގިނަ މައްސަލަތައް ހައްލުކުރެވޭނެ ކަމަށެވެ.

އެގޮތުން ރާއްޖޭގެ އައިޓީ އިންފްރާސްޓްރަކްޗާގެ 80 ޕަސެންޓަކީ ޑެލް ޓެކްނޮލޮޖީގެ ޕްރޮޑަކްޓްތަކަށްވާއިރު އެ ކްލައިންޓުން އަތުގައި އައުޓްޑޭޓްވެފައި ހުންނަ ޕްރޮޑަކްޓުތައް ބަދަލުކުރުމުގެ މަސައްކަތް ކުރުމަކީ ސަލާމަތީ ފިޔަވަޅެއްގެ ގޮތުން މުހިއްމުކަމެއް ކަމަށް އޭނާ ވިދާޅުވި އެވެ.

އަދި މި ފޯރަމްގެ ތެރެއިން ވީއެމްވެއާގެ ސޮލިއުޝަންސްތައް ބޭނުންކޮށްގެން ރެންސަމްވެއާ ފަދަ ހަމަލާތަކުން ސަލާމަތްވުމަށް އެހީތެރިވާ ގޮތްތައްވެސް ކްލައިންޓުންނަށް ކިޔައިދޭނެ ކަމަށްވެސް އޭނާ ވިދާޅުވި އެވެ.

"ވިޔަފާރިތަކަށް އެކަންޏެއް ނޫން، ނެޝަނަލް ލެވެލްގެ ތްރެޓެއް އައުން ވަރަށް ގާތް އަޅުގަނޑުމެންގެ އަތުގަ އައުޓްޑޭޓެޑް އިކުއިޕްމަންޓް ހުރީމަ. އަދި ހާއްސަކޮށް މިހާ ބޮޑަށް ޕޮލިޓިކަލީ މޯޓީވޭޓް ވެފަ އޮންނަ ޒަމާނެއްގަ އެކަހަލަ ކަމެއް ހިނގުން އެއީ ހަމަ އެކަށީގެންވާ ކަމެއް" ސިބާހު ވިދާޅުވި އެވެ.

ސިބާހު ވިދާޅުވީ ފޯރަމް ނިމުމުން ޑެލް ޓެކްނޮލޮޖީ އާއި ވީއެމްވެއާގެ އެކްސްޕާޓުންނާއި އިންޖިނިއަރުންނާ އެކު ކްލައިންޓުންނަށް ވަކި ވަކި ސެޝަންތަކެއްވެސް ބާއްވާނެ ކަމަށެވެ. އޭގެ ބޭނުމަކީ އެކި ވިޔަފާރިތަކުގެ އައިޓީ އިންފްރާސްޓްރަކްޗާގައި ހުންނަ ސިއްރުތަކާއި ގުޅޭގޮތުން އެކްސްޕާޓުންގެ ލަފާ ހޯދޭނެ މަގުފަހިކުރުން ކަމަށް އޭނާ ވިދާޅުވި އެވެ.

މެކްސްކޮމްގެ މި ފޯރަމް ކުރިއަށްގެންގޮސްފައިވަނީ ބައިވެރިންގެ މެދުގައި ނަގާ ހާއްސަ ލަކީޑްރޯއަކާވެސް އެކީގަ އެވެ. އެ ލަކީ ޑްރޯގެ އެއްވަނަ އިނާމަކަށް ހުއާވޭ ލެޕްޓޮޕެއް ކަނޑައަޅާފައިވާއިރު ދެވަނަ އިނާމަކަށް ކަނޑައަޅާފައިވަނީ ހުއާވޭ ސްމާޓް ގަޑި އެކެވެ. އަދި ތިންވަނަ އިނާމަކަށް ކަނޑައަޅާފައި ވަނީ "ހުއާވޭ ބަޑް" ހެޑްސެޓެކެވެ.

ކޮމެންޓް

ފަހުގެ ޚަބަރު

ތިމަރަފުށްޓާއި ފޮނަދޫގައި ސިޓީ ހޮޓާ އަޅަން ހުޅުވާލައިފި

ތ. ތިމަރަފުށްޓާއި ލ. ފޮނަދޫގައި ފަތުރުވެރިކަން ފުޅާކުރުމަށްޓަކައި، އެ ދެ ރަށުގައި ސިޓީ ހޮޓާ އަޅައި ހިންގާނެ ފަރާތްތައް ހޯދުމަށް ޓޫރިޒަމް މިނިސްޓްރީން ބީލަމަށް ހުޅުވާލައިފި. މިއީ ރާއްޖޭގެ އެކި ސަރަހައްދުތަކަށް ފަތުރުވެރިކަން ފުޅާކުރުމަށް ސަރުކާރުން ގެންގުޅޭ ސިޔާސަތުގެ ދަށުން ކުރިއަށްގެންދާ މަސައްކަތެއް.

ސިމްޑީގެ ވިޔަފާރި ހާދާލަށް ފުޅާކުރަނީ

ސިމްޑީ ގްރޫޕްގެ ވިޔަފާރި ހދ. އަތޮޅުގައި ފުޅާކުރުމަށްޓަކައި ކުޅުދުއްފުށީގެ "މިތުރު" ކުންފުންޏާއެކު ސަބް-ޑިސްޓްރިބިއުޝަން އެއްބަސްވުމެއްގައި މިއަދު ވަނީ ސޮއިކޮށްފައެވެ. މި ޕާޓްނަޝިޕްގެ ސަބަބުން ސިމްޑީން އެތެރެކުރާ ބައިނަލްއަގުވާމީ މަގުބޫލު ބްރޭންޑްތަކުގެ މުދާ އެ އަތޮޅުގެ ރީޓެއިލް ފިހާރަތަކަށާއި އާންމުންނަށް ފަސޭހަކަމާއެކު ލިބޭނެ އިންތިޒާމު ހަމަޖެހިގެންދާނެއެވެ.

ވިލާ ކޮލެޖާއި މާރޕް ގުޅިގެން މެންޓަރޝިޕް ޕްރޮގްރާމެއް

ވިލާ ކޮލެޖާއި މާރޕް ގުޅިގެން ވަޒީފާ އަދާކުރާ ފަރާތްތަކަށް ޚާއްޞަ މެންޓަރޝިޕް ޕްރޮގްރާމެއް ފަށާފައިވަނީ ދިވެހި ލީޑަރުން ބިނާކޮށް ސީނިއަރ މެނޭޖްމަންޓް މަޤާމުތަކަށް މީހުން ތައްޔާރުކުރުމަށެވެ. މި ޕްރޮގްރާމުގެ ދަށުން ތަޖުރިބާކާރުންގެ އެހީތެރިކަމާއެކު ގްރެޖުއޭޓުންނަށް ޢަމަލީ ހުނަރުތައް ދަސްކޮށްދީ، މަތީ ތަޢުލީމާއި އިންޑަސްޓްރީއާ ދެމެދު އޮތް ގުޅުން ވަރުގަދަކުރުމަށް ވަނީ އަމާޒު ހިފާފައެވެ.

ޓްރީ ޓޮޕް ހިތާނީ ކޭމްޕުގެ ރަޖިސްޓްރޭޝަން ހުޅުވާލައިފި

ޓްރީ ޓޮޕް ހޮސްޕިޓަލުގެ މިއަހަރުގެ ފުރަތަމަ ހިތާނީ ކޭމްޕުގައި ބައިވެރިވުމަށް ރަޖިސްޓަރީވުމުގެ ފުރުސަތު ޑިސެމްބަރު 17 ގެ ނިޔަލަށް ވަނީ ހުޅުވާލާފައެވެ. ތަޖުރިބާކާރު ޑޮކްޓަރުންގެ ޓީމަކުން ކުރިއަށްގެންދާ މި ކޭމްޕުގެ ހިތާނުކުރުމުގެ އޮޕަރޭޝަންތައް ކުރިއަށްދާނީ ޑިސެމްބަރު 12 އިން ޖެނުއަރީ 11 ގެ ނިޔަލަށެވެ. މި ޕެކޭޖުގެ ދަށުން ކޮންސަލްޓޭޝަނާއި، ލެބޯޓަރީ ޓެސްޓުތަކުގެ އިތުރުން އޮޕަރޭޝަނަށްފަހު ބޭނުންވާ ފަރުވާގެ ހިދުމަތްތައް ލިބިގެންދާނެއެވެ.

ޓޯޓަލް ފިޒިއޯއިން އެލައިޑްގެ ހިދުމަތް ގަބޫލުކުރަން ފަށައިފި

ފިޒިއޮތެރަޕީގެ ޚިދުމަތްދޭ "ޓޯޓަލް ފިޒިއޯ" ކްލިނިކުން ބަލިމީހުންނަށް ލުއިފަސޭހަކޮށްދިނުމުގެ ގޮތުން އެލައިޑް އިންޝުއަރެންސް ގަބޫލުކުރަން ފަށައިފިއެވެ. ޒަމާނީ ވަސީލަތްތަކާއެކު ފަރުވާދޭ މި ކްލިނިކުން މިހާރުވެސް ޕޮލިސް، އެމްއެންޑީއެފް އަދި ސޮލަރެލް އިންޝުއަރެންސްގެ ޚިދުމަތް ލިބޭއިރު، އިތުރު އިންޝުއަރެންސްތައް މެދުވެރިކޮށް ޚިދުމަތް ލިބޭނެ އިންތިޒާމު ހަމަޖެއްސުމަށް ދަނީ މަސައްކަތް ކުރަމުންނެވެ.

ލަކްސް ގްލޯގެ ދެވަނަ ފިހާރަ މަޖީދީމަގުގައި ހުޅުވައިފި

މަޝްހޫރު ކޮސްމެޓިކްސް ބްރޭންޑް "ލަކްސް ގްލޯ" ގެ ދެވަނަ ފިހާރަ މާލޭގެ މަޖީދީމަގުގައި ހުޅުވައިފިއެވެ. މި ފިހާރައިން ބައިނަލްއަގުވާމީ ބްރޭންޑްތަކުގެ ސްކިންކެއާ އަދި މޭކަޕް ސާމާނު ޓެސްޓުކޮށްލުމާއި، ފަންނީ ލަފާ ހޯދައިގެން ވަގުތުން ގަނެވޭނެ އިންތިޒާމު ވަނީ ހަމަޖެހިފައެވެ. ފިހާރަތަކުގެ އިތުރުން އެ ބްރޭންޑުގެ ވެބްސައިޓް މެދުވެރިކޮށް އޮންލައިންކޮށް އޯޑަރުކުރުމުގެ ފުރުސަތުވެސް ކަސްޓަމަރުންނަށް ވަނީ ހުޅުވާލެވިފައެވެ.

ކްލީވިއާ ރެސިޑެންސް: ޒަމާނީ ބޯހިޔާވަހިކަން އާ މަޝްރޫއެއް

ޕޭން ރިއަލް އެސްޓޭޓުން އަލަށް ތައާރަފްކުރި "ކްލީވިއާ ރެސިޑެންސް" މަޝްރޫއަކީ މެދުފަންތީގެ އާމްދަނީ ލިބޭ ފަރާތްތަކަށް އަމާޒުކޮށްގެން ހިންގާ އަތްފޯރާ އަގުތަކެއްގެ ބޯހިޔާވަހިކަމުގެ މަޝްރޫއެކެވެ. މި މަޝްރޫއުގެ ދަށުން ޒަމާނީ ފެންވަރުގެ އެއް ކޮޓަރި އަދި ދެ ކޮޓަރީގެ އެޕާޓްމަންޓްތައް ލިބޭއިރު، ފައިސާ ދެއްކުމުގައި ލުއި ގޮތްތަކެއް ވަނީ ހަމަޖައްސާފައެވެ.

Newsletter

Get the latest news delivered straight to your inbox