ރަޝިއާއާ ގުޅިގެން ޔޫކްރެއިންގެ ރައީސް ވޮލޮޑިމިރް ޒެލެންސްކީ އަވަހާރަކޮށްލަން ރޭވި އަންހެނަކު ހައްޔަރުކޮށްފި އެވެ.
ހޯމަ ދުވަހު ޔޫކްރެއިންގެ ޖާސޫސީ އިދާރާއިން ބުނީ އެ ގައުމުގެ ދެކުނު މައިކޮލައިވް ސަރަހައްދުގައި ފެންބޮޑުވި ހިސާބުތަކަށް ޒެލެންސްކީ ކުރެއްވި ދަތުރެއްގެ ތަފްސީލް އެ އަންހެން މީހާ އެއްކުރަމުން ދިޔަ ކަމަށެވެ.
އަންހެން މީހާ ހައްޔަރު ކުރާ މަންޒަރު ފެންނަ ފޮޓޯއެއް އާއްމުކުރި އިރު، އަސްކަރީ ހަރަކާތްތަކާ ގުޅޭ ފޯނު މެސެޖުތަކާއި އަތުން ލިޔެފައިވާ ނޯޓުތަކެއް ވެސް އާއްމުކުރި އެވެ.
ރަޝިއާއަށް ތާއީދުކުރާ ޔޫކްރެއިން ރައްޔިތުން ރަޝިއާއާ ގުޅިގެން މަސައްކަތް ކުރާ ކަމަށް ޔޫކްރެއިނުން ވަރަށް ގިނައިން ތުހުމަތުކުރެ އެވެ.
ޓެލެގްރާމްގައި ޒެލެންސްކީ ވިދާޅުވީ އަންހެން މީހާއާ ގުޅޭ މައުލޫމާތު ލިބިފައިވާ ކަމަށާއި
ފެންބޮޑުވި ހިސާބުތަކަށް ޒެލެންސްކީ ވަޑައިގެންނެވީ މިދިޔަ ޖޫން އަދި ޖުލައި މަހު އެވެ. އަންހެން މީހާއަށް ތުހުމަތު ކުރަނީ ދަތުރުގެ ތެރެއިން ޒެލެންސްކީ އަވަހާރަކޮށްލަން ރޭވި ކަމަށެވެ.
ޒެލެންސްކީގެ ދަތުރުގެ ކުރިން އެ މައުލޫމާތު ލިބުނު ކަމަށާއި އެހެންވެ އިތުރު ސަަލާމަތީ ފިޔަވަޅުތައް އެޅި ކަމަށް ޖާސޫސީ އިދާރާއިން ބުނެ އެވެ.
