ސުލްހަ ގެނެވޭނެ ހަމައެކަނި ގޮތަކީ ޔޫކްރެއިނުން ހަތިޔާރު ބަހައްޓައި ހަމަލާތައް ހުއްޓާލުން ކަމަށް ރަޝިއާއިން ހޯމަ ދުވަހު ބުނެފި އެވެ.
ރަޝިއާއިން އެހެން ބުނި އިރު، ޔޫކްރެއިނަށް ސުލްހަ ގެނައުމާ ގުޅޭ ބައިނަލްއަގްވާމީ ބައްދަލުވުމެއް ފާއިތުވި ހަފުތާ ބަންދުގައި ސައުދީ އަރަބިއްޔާގައި ކުރިއަށް ދިޔަ އެވެ.
އެ ބައްދަލުވުމަށް ޔޫކްރެއިނުން 12 ނުކުތާގެ ސުލްހައިގެ ފޯމިއުލާއެއް ހުށަހެޅި އިރު، މަޝްވަރާގައި ބައިވެރިވުމަށް ރަޝިއާއަށް ދައުވަތު ދީފައެއް ނުވެ އެވެ.
ގާތްގަނޑަކަށް 40 ގައުމެއްގެ މަންދޫބުން ބައްދަލުވުމުގައި ބައިވެރިވި އިރު، އޭގެ ތެރޭގައި ޗައިނާ، އިންޑިއާ އަދި އެމެރިކާ ވެސް ހިމެނެ އެވެ.
ހޯމަ ދުވަހު ރަޝިއާއިން ބުނީ ސުލްހަ ގެނެވޭނެ ހަމައެކަނި ގޮތަކީ ޔޫކްރެއިނުން ހަތިޔާރު ބަހައްޓައި ހަމަލާތައް ހުއްޓާލުމާއި ހުޅަނގުން ޔޫކްރެއިނަށް ހަތިޔާރު ފޯރުކޮށްދިނުން ހުއްޓާލުން ކަމަށެވެ.
އޭގެ އިތުރުން ރަޝިއާގެ ބާރުގެ ދަށުގައި މިހާރު އޮތް ޔޫކްރެއިންގެ ބިންތައް އަލުން ހޯދަން ނޫޅެ، ރަޝިއާއަށް އެ ތަންތަން ދޫކޮށްލަން ވެސް ގޮވާލި އެވެ.
