ހަރުކަށި ފިކުރާ ގުޅޭ ދައުވާތަކެއްގައި ރަޝިއާގެ އިދިކޮޅު ލީޑަރު އެލެކްސީ ނަވަލްނީ 19 އަހަރަށް ޖަލަށް ހުކުމްކޮށްފި އެވެ.
ރައީސް ލެޑިމިއަ ޕުޓިންއާ ދެކޮޅަށް ބޮޑު އެއްވުންތަކެއް ބޭއްވުމުގެ ފަހަތުގައި ހުންނެވި ނަވަލްނީގެ ފަރާތުން ނެރުނު ބަޔާނެއްގައި ގޮވާލެއްވީ ސަރުކާރަށް ޕްރެޝަރު ކުރުމަށެވެ.
"ބޭނުމަކީ އަޅުގަނޑު ހިފެހެއްޓުމެއް ނޫން. ބޭނުމަކީ ރައްޔިތުންނަަށް ބިރު ދައްކައި، ހިޔާލު ފާޅުކުރުން ހުއްޓުވުން،" އޭނާ ވިދާޅުވި އެވެ.
ނަވަލްނީ ހައްޔަރު ކުރީ ޖަރުމަނުން ރަޝިއާއަށް ދަތުރު ކުރުމުން 2021 ގަ އެވެ. އޭގެ ކުރިން ވިހަވުމުގެ ސަބަބުން ގިނަ ދުވަސްތަކެއް ވަންދެން ޖަރުމަނުގައި ފަރުވާ ހޯއްދެވި އެވެ.
އޭނާ ތުހުމަތު ކުރައްވާ ގޮތުގައި ވިހަކުރުމުގެ ފަހަތުގައި ވަނީ ވެސް ރަޝިއާގެ ސަރުކާރެވެ. ނަވަލްނީގެ އިތުރުން ރަޝިއާގެ އިދިކޮޅު އެހެން މީހުންނަށް ވެސް ވިހަވުމުގެ މައްސަލަ ދިމާވެފައިވެ އެވެ.
ނަވާރަ އަހަރަށް ހުކުމް ކުރުމުގެ ކުރި އިރު، ނަވަލްނީ މިހާރު ވެސް ހުންނެވީ ނުވަ އަހަރުގެ ހުކުމެއްގަ އެވެ. އެއީ ކޮރަޕްޝަނާ ގުޅޭ މައްސަލައެއްގަ އެވެ.
