ގާސިމްގެ ހާއްސަ އެޑްވައިޒަރަކަށް އަލީ ވަހީދު ހަމަޖައްސައިފި

ހާއްސަ އެޑްވައިޒަރުންގެ ގޮތުގައި ހަމަޖެއްސި އަލީ ވަހީދު، އިސްމާއިލް ޝުޖާ އަދި އިބްރާހިމް ޝުޖާއާއެކު ގާސިމް އިބްރާހިމް

ހާއްސަ އެޑްވައިޒަރުންގެ ގޮތުގައި ހަމަޖެއްސި އަލީ ވަހީދު، އިސްމާއިލް ޝުޖާ އަދި އިބްރާހިމް ޝުޖާއާއެކު ގާސިމް އިބްރާހިމް

ޖުމްހޫރީ ޕާޓީގެ ކުރީގެ ރައީސް އަލީ ވަހީދު އަނެއްކާވެސް އެ ޕާޓީގެ ލީޑަރު އަދި ރިޔާސީ ކެންޑިޑޭޓު ގާސިމް އިބްރާހިމްގެ ހާއްސަ އެޑްވައިޒަރަކަށް ހަމަޖައްސައިފި އެވެ.

މިއަދު ބޭއްވި ޖުމްހޫރީ ޕާޓީގެ 159 ވަނަ ކައުންސިލް ބައްދަލުވުމުގައި އެ ޕާޓީގެ ލީޑަރު ގާސިމްގެ ހާއްސަ އެޑްވައިޒަރު ކަމަށް ތިން ބޭފުޅަކު އައްޔަން ކޮށްފައިވާއިރު، އޭގެ ތެރޭގައި އަލީ ވަހީދު ވެސް ހިމެނޭކަން އެ ޕާޓީގެ ރަސްމީ ޓްވިޓާ އެކައުންޓުން ވަނީ ހާމަކޮށްފަ އެވެ.

ގާސިމްގެ އެޑްވައިޒަރުންނަށް ދެން ހަމަޖެއްސީ އިސްމާއިލް ޝުޖާ އަދި އިބްރާހިމް ޝުޖާ އެވެ.

ކުރީގެ ރައީސް އަބްދުﷲ ޔާމީންގެ ވެރިކަމުގައި، މޭ ޑޭ މުޒާހަރާއަށް ފަހު އަލީ ވަހީދު އުޅުއްވީ އިނގިރޭސިވިލާތުގަ އެވެ. އެ ވެރިކަމުގެ ތެރޭގައި ދައުލަތުން ދައުވާ އުފުލި ގާސިމް އިބްރާހިމް ވެސް ފަހުން އިނގިރޭސިވިލާތަށް ވަޑައިގަތުމުން ދެ ބޭފުޅުން ފަހުން ފެނިގެން ދިޔައީ ސިޔާސީ މަސައްކަތުގައި އެއްކޮށެވެ.

އަލީ ވަހީދު މީގެ ކުރިން ވެސް ގާސިމްގެ ހާއްސަ ޕޮލިޓިކަލް އެޑްވައިޒަރެއްގެ ގޮތުގައި މަސައްކަތް ކުރެއްވި އެވެ. އެ ފަހުން އޭނާ އެ ޕާޓީގެ ރައީސްކަން ވެސް ހޯއްދެވި އެވެ. އަދި, އެމްޑީޕީން 2018 ވަނަ ގެނައި ކޯލިޝަން ސަރުކާރުގައި އޭނާ ޓޫރިޒަމް މިނިސްޓްރަކަށް ހަމަޖެއްސީ ވެސް ޖޭޕީގެ ސްލޮޓެއްގަ އެވެ.

މި ސަރުކާރުގައި ޓޫރިޒަމް މިނިސްޓަރަކަށް ހުންނަވަނިކޮށް، އެ މިނިސްޓްރީގެ މުވައްޒަފުންތަކެއް ކުރި ޖިންސީ ގޯނާ އާއި ރޭޕްގެ ތުހުމަތުތަކެއްގައި އަލީ ވަހީދުގެ މައްޗަށް ދައުވާ އުފުލުމުން، ވަކި ހިސާބަކުން އޭނާ އުޅުއްވީ ފިލައިގެން އިނގިރޭސިވިލާތުގަ އެވެ. އެގައުމުގައި މަސައްކަތް ކުރައްވަމުން ގެންދެވީ އެ ގައުމުގެ ސަންޑޭ ލީގު ފުޓުބޯޅަ ޓީމެއްގެ ކޯޗެއްގެ ގޮތުގަ އެވެ.

މިދިޔަ މަހު އަލީ ވަހީދު އެނބުރި ރާއްޖެ ވަޑައިގަތީ ދައުލަތުން އޭނާގެ މައްޗަށް އުފުލި ދައުވާތައް އަނބުރާ ގެންދިޔުމުންނެވެ. ޕީޖީ އޮފީހުން ބުނި ގޮތުގައި، އޭނާގެ މައްޗަަށް އުފުލި ދައުވާތައް ސާބިތު ކުރަން ހެކިބަސް ދޭން ތިބި ގިނަ ބަޔަކު މިހާރު ހެކިބަސް ދޭން ބޭނުންނުވާތީ އެ މައްސަލަތައް ސާބިތުކުރެވޭނެ ގޮތެއް ނެތެވެ.

މިދިޔަ ރިޔާސީ އިންތިހާބުގައި އެމްޑީޕީއާއެކު ކޯލިޝަން ހެދި ނަމަވެސް، މިފަހަރު ގާސިމް ވަނީ އިންތިހާބުގެ ފުރަތަމަ ބުރުގައި ކުރިމަތިލައްވާނެކަން އިއުލާނުކުރައްވައިފަ އެވެ. އަދި, އޭނާ ގެންދަވަނީ އެހެން ޕާޓީތަކާ ގުޅިގެން މަސައްކަތް ކުރުމަށް މަޝްވަރާ ވެސް ކުރައްވަމުންނެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox