ކެމްޕެއިން އަދާހަމަ: އިލްޔާސް ހދ. ގައި، އެމްޑީޕީގެ ޓީމުތައް ވެސް ރަށްރަށުގައި

ކެމްޕެއިން އަދާހަމަ: އިލްޔާސް ހދ. ގައި، އެމްޑީޕީގެ ޓީމުތައް ވެސް ރަށްރަށުގައި

ކުރިއަށް އޮތް ފަސް އަހަރު ގައުމުގެ ވެރިކަން ކުރައްވާނެ ބޭފުޅަކު ހޮވުމަށް ބާއްވާ ރިޔާސީ އިންތިހާބު ބާއްވަން އެންމެ 43 ދުވަހަށްވެފައިވާއިރު އެ އިންތިހާބުގައި ވާދަ ކުރައްވަން ގަސްދު ކުރާ ބޭފުޅުންގެ ކެމްޕެއިން ވަނީ ކުރިއަށްވުރެ ފުޅާކޮށްފަ އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ދަ ޑިމޮކްރެޓްސްގެ ރިޔާސީ ޕްރައިމަރީއަށް ކުރިމަތިލެއްވި ހަމައެކަނި ކެންޑިޑޭޓު، ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބް މި ވަގުތު ހުންނެވީ ހދ. ކުޅުދުއްފުށީގަ އެވެ.

އިލްޔާސް ހދ. ގައި ކެމްޕެއިން ކުރައްވަމުންދާއިރު އެ ޕާޓީގެ މެނިފެސްޓޯ އާއި ސިޔާސަތުތައް ރައްޔިތުންނަށް ހާމަ ކުރަން ޑިމޮކްރެޓްސްގެ އެކި ޓީމުތައް، ރާއްޖޭގެ އެކި ކަންކޮޅުގައި ދަނީ ހަރަކާތްތެރިވަމުންނެވެ.

Advertisement

މިހާރުގެ ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހާއި ވެރިކަން ހިންގާ މޯލްޑިވިއަން ޑިމޮކްރެޓިކް ޕާޓީން ރައީސް އަރިހުގައި ދަތުރުކުރާ ކެމްޕެއިން ޓީމުތައް މިވަގުތު ތިބީ މާލޭގަ އެވެ. އެއީ މިނިވަން ދުވަހުގެ ރަސްމީ ހަފުލާތަކުގައި ރައީސް ސޯލިހު ބައިވެރިވެވަޑައިގަންނަވަންޖެހޭތީ އެވެ. އެހެންނަމަވެސް އެމްޑީޕީން މައުލޫމާތު ދޭ ގޮތުގައި، އެ ޕާޓީގެ އެޑްވާންސް ޓީމުތަކާއި، ޕެޗް އޭޖެންޓުން ގެންދަނީ މިވަގުތުވެސް 50 އަށްވުރެ ގިނަ ރަށްރަށުގައި ކެމްޕެއިން ކުރައްވަމުންނެވެ.

މައުލޫމާތު ލިބޭ ގޮތުގައި މިއަދު އަދި މާދަމާ މާލޭގައި ހުންނެވުމަށްފަހު ކެމްޕެއިން ކުރެއްވުމަށް ރައީސް ހޮނިހިރު ދުވަހު ފުވައްމުލަކަށް ވަޑައިގަންނަވާނެ އެވެ. އޭގެ ފަހުން މާލެ ވަޑައިގަންނަވާނީ އިތުރު ބައެއް ރަށްރަށަށް ވެސް ވަޑައިގަތުމަށްފަހުގަ އެވެ.

ރިޔާސީ އިންތިހާބުގައި ވާދަ ކުރައްވާނެ ކަމަށް އިއުލާނު ކުރައްވާފައިވާ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ ކެމްޕެއިން ޓީމުތައް ވެސް ބައެއް ރަށްރަށުގައި ދަނީ ހަރަކާތްތެރިވަމުންނެވެ. އަދި ހުޅުމާލޭގެ ދެ ވަނަ ފޭހުގައި ވެސް މިއަދު ޖުމްހޫރީ ޕާޓީން ދަނީ ކެމްޕެއިން ކުރަމުންނެވެ. ނަމަވެސް ކެމްޕެއިނުގެ އެއްވެސް ހަރަކާތަކުން އަދި ސީދާ ގާސިމް އިބްރާހިމެއް ނުފެނެ އެވެ.

އެ ތިން ޕާޓީން ރިޔާސީ އިންތިހާބުގެ ކެމްޕެއިނުތައް ކުރިއަށްދާއިރު، ވާދަ ކުރައްވާނެ ކެންޑިޑޭޓެއް މިހާތަނަށް ވެސް ސާފުނުވި ނަމަވެސް، އެންމެ ބޮޑު އިދިކޮޅު ޕާޓީ ޕްރޮގްރެސިވް ޕާޓީ އޮފް މޯލްޑިވްސްގެ ކެމްޕެއިން ހަރަކާތްތަކެއް ވެސް ކުރިއަށްދެ އެވެ. އެގޮތުން ކާނިވަލުގައި ހުންނަ ދޮންމަނިކު ރެސްޓޯރަންޓުގެ ތިރީގައި މިރޭ އެ ޕާޓީގެ ޖަގަހެއް ވެސް ހުޅުވާނެ އެވެ.

ރިޔާސީ އިންތިހާބުގައި އަމިއްލަ ގޮތުން ވާދަކުރައްވާނޭކަން އިއުލާނުކުރައްވާފައިވާ އުމަރު ނަސީރު ގެންދަވަނީ ތާއީދު ފޯމުތައް ފުރުއްވުމާއެކު ދޮރުން ދޮރަށް ހިންގަވައި ކެމްޕޭނު ކުރައްވަމުންނެވެ. ނިމިދިޔަ ހަފްތާގައި ވ.އަތޮޅުގެ ރަށްތަކަށް ދަތުރުކުރައްވައި ކެމްޕެއިން ކުރެއްވިއިރު މިވަގުތު ކެމްޕެއިން ކުރައްވަމުން ގެންދަވަނީ މާލޭގަ އެވެ.

ރިޔާސީ އިންތިހާބުގައި އަމިއްލަ ގޮތުން ވާދަކުރައްވާނޭކަމަށް އިއުލާނުކުރެއްވި ޑރ.މުހައްމަދު މުނައްވަރު މިހާރު ކުރައްވަމުން ގެންދަވަނީ ތާއީދު ފޯމުތައް ފުރުމުގެ މަސައްކަތެވެ. ކެމްޕެއިންގެ ވަކި ހަރަކާތެއް މިވަގުތު ނުހިނގަ އެވެ.

ރިޔާސީ އިންތިހާބުގެ ގާނޫނު ބުނާގޮތުން އަމިއްލަ ހައިސިއްޔަތުން ވާދަކުރައްވާ ކެންޑިޑޭޓެއްނަމަ 1500 މީހުންގެ ތާއީދު އޮތްކަން ސާބިތުކުރުމަށް ފޯމު ހުށަހަޅަންޖެހެ އެވެ.

ރިޔާސީ އިންތިހާބު 2023

ވާދަ ކުރައްވާނެ ކަމަށް ބެލެވޭ ކެންޑިޑޭޓުން

  1. އިބްރާހިމް މުހައްމަދު ސޯލިހު
  2. އިލްޔާސް ލަބީބް
  3. މުހައްމަދު ނާޒިމް (މޯލްޑިވްސް ނެޝަނަލް ޕާޓީ)
  4. ގާސިމް އިބްރާހިމް
  5. އުމަރު ނަސީރު
  6. ޑރ. މުހައްމަދު މުނައްވަރު

އިންތިހާބު ބާއްވާ ތާރީހު: ސެޕްޓެމްބަރު 9، 2023

ވޯޓުލުމުގެ ހައްގު ލިބޭ މީހުންގެ އަދަދު: 282،672

ރިޔާސީ އިންތިހާބާ ގުޅޭ މުހިންމު ބައެއް ހަބަރުތައް

  • މިވަގުތު 11 އަހަރުގެ ޖިނާއީ ހުކުމެއް މާފުށީ ޖަލުގައި ތަންފީޒު ކުރައްވަމުންދާ ކުރީގެ ރައީސް އަބްދުﷲ ޔާމީނަށް އިންތިހާބުގައި ވާދަ ކުރުމުގެ ފުރުސަތު ހޯދުމަށް ކުރަމުންދާ މަސައްކަތްތައް.
  • އެމްޑީޕީއާއެކު ކޯލިޝަން ހެދުމަށް އެ ޕާޓީން މޯލްޑިވްސް ރިފޯމް މޫވްމަންޓަށް ފޮނުވި ދައުވަތު ގަބޫލު ނުކުރާ ކަމަށް އެ ޕާޓީން ބުނުން. އެމްއާރްއެމް އުވާލަން ނިންމާފައިވީ ނަމަވެސް ކެންޑިޑޭޓަކު ނެރެން އެ ޕާޓީން ވެސް ދަނީ މަސައްކަތް ކުރަމުން.
  • ޕީޕީއެމް އާއި ޑިމޮކްރެޓްސްގެ އެކީގައި މަސައްކަތް ކުރުމަށްޓަކައި ފެށި މަޝްވަރާތައް ކުރިއަށްނުދާ ކަމަށް ދެ ޕާޓީން ބުނުން. ޔާމީނަށް އިންތިހާބުގައި ވާދަ ކުރެއްވުމުގެ ފުރުސަތު ގެއްލޭ ގޮތަށް އެއްވެސް އެއްބަސްވުމަކަށް ނުދާނެ ކަމަށް ޕީޕީއެމުން ބުނޭ.
  • ޕީޕީއެމްގެ ރިޔާސީ ޓިކެޓު ހޯދުމަށް މާލޭގެ މޭޔަރު ޑރ. މުހައްމަދު މުއިއްޒު މަސައްކަތް ކުރައްވާކަމުގެ އަޑު ފެތުރިފައި އޮއްވައި، އަބަދުވެސް ހުންނަވާނީ ރައީސް ޔާމީންގެ ފަހަތްޕުޅުގައި ކަމަށް މުއިއްޒު ވިދާޅުވުން.

ރިޔާސީ އިންތިހާބު 2023 ގައި ބައިވެރިވުމަށް

މިފަހަރުގެ ރިޔާސީ އިންތިހާބުގައި އިލެކްޝަންސް ކޮމިޝަނުން 640 އަށްވުރެ ގިނަ ވޯޓު ފޮށި ބަހައްޓަ އެވެ. އެ ހުރިހާ ފޮށިތަކެއް ބެލެހެއްޓުމަށް އަދި އިންތިހާބުގެ މަސައްކަތް ކުރަން ކޮމިޝަނުން ދަނީ ވަރަށް ގިނަ މުވައްޒަފުން ހޯދަމުންނެވެ.

އެގޮތުން އިލެކްޝަންސް ކޮމިޝަނުގެ އޮފީހުގައި މަސައްކަތް ކުރާނެ މުވައްޒަފުންނާއި ވޯޓުލާ މަރުކަޒުތަކުގައި ހަރަކާތްތެރިވާނެ މުވައްޒަފުންނާއި ޓާސްކްފޯސްތަކުގެ ވަޒީފާއަށް ބޭނުންވާ މުވައްޒަފުން އެ ކޮމިޝަނުން ދަނީ ހޯދަމުންނެވެ.

ރިޔާސީ އިންތިހާބުގައި "އަދަދު" ގެ މޮނީޓަރެއްގެ ގޮތުގައި ހަރަކާތްތެރިވުމުގެ ފުރުސަތު މި ނޫހުން ވަނީ ހުޅުވާލައިފަ އެވެ. މި ނޫހުގެ މޮނީޓަރަކަށްވުމުން، އިލެކްޝަންސް ކޮމިޝަނުން ދޭ ފާހެއްގެ އިތުރުން މި ނޫހުގެ ފާހެއް ވެސް ލިބޭނެ އެވެ. ކުރަންޖެހޭނެ މަސައްކަތަކީ ވޯޓު ފޮށިތަކުގެ ނަތީޖާ ފޮނުވުމާއި މޮނީޓާ ކުރާ ސަރަހައްދުތަކުގައި ހިނގާ ކަންކަމުގެ ހަބަރާއި މައުލޫމާތާއި ފޮޓޯ ފޮނުވުމެވެ. (އެ މަސައްކަތަށް އުޖޫރައެއް ދިނުމަށް މި ނޫހުން ވަނީ ހަމަޖައްސައިފަ އެވެ.)

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox