މާލޭން ހިޖުރަކުރާނަމަ މާލީ އެހީ އާއި ގެދޮރު ދޭން ޑިމޮކްރެޓުން ވައުދު ވެއްޖެ

ދަ ޑިމޮކްރެޓްސްގެ ބާނީ ރައީސް މުހައްމަދު ނަޝީދާއި ރިޔާސީ ޕްރައިމަރީގެ ކެންޑިޑޭޓު އިލްޔާސް ލަބީބް؛ އެ ޕާޓީގެ ލާމަރުކަޒީ ސިޔާސަތުތައް މިރޭ ލޯންޗުކޮށްފި - ފޮޓޯ: އަބްދުﷲ އިޔާން / އަދަދު

ދަ ޑިމޮކްރެޓްސްގެ ބާނީ ރައީސް މުހައްމަދު ނަޝީދާއި ރިޔާސީ ޕްރައިމަރީގެ ކެންޑިޑޭޓު އިލްޔާސް ލަބީބް؛ އެ ޕާޓީގެ ލާމަރުކަޒީ ސިޔާސަތުތައް މިރޭ ލޯންޗުކޮށްފި - ފޮޓޯ: އަބްދުﷲ އިޔާން / އަދަދު

މާލެ ދޫކޮށް އެހެން ރަށަކަށް ހިޖުރަކުރާ ފަރާތްތަކަށް މާލީ އެހީ އާއި ބޯހިޔާވަހިކަން ދިނުމަށް ދަ ޑިމޮކްރެޓްސްއިން ކަނޑައަޅައި، އެ ޕާޓީގެ "ލާމަރުކަޒީ ބަދަލު"ގެ ސިޔާސަތު މިރޭ ތައާރަފުކޮށްފި އެވެ.

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ފަހަތުގައި ހުންނަވައި އުފެއްދި ދަ ޑިމޮކްރެޓްސްގެ މި ސިޔާސަތު 50 އަށް ވުރެ ގިނަ ރަށުގައި މިރޭ ވަނީ ތައާރަފުކޮށްފަ އެވެ.

މި ސިޔާސަތުގައި މައިގަނޑު އަމާޒަކީ މާލެ ސަރަހައްދުގެ ތޮއްޖެހުން ކުޑަކުރުމުގެ ބޭނުމުގައި، އާބާދީ އެހެން ސަރަހައްދުތަކަށް ބަހައިލުމަށް ބާރު އެޅުމެވެ. ނަމަވެސް ބޯހިޔާވަހިކަން ދޭނެ އުސޫލާއި އަލަވަންސްގެ ތަފްސީލެއް އަދި ހާމައެއް ނުކުރެ އެވެ.

Advertisement

"ސެޓުލްމެންޓު އެލަވަންސް"ގެ ގޮތުގައި މާލީ އެހީ ދިނުމުގެ އިތުރުން ޑިމޮކްރެޓުންގެ މި ސިޔާސަތުގައި، ރާއްޖޭގެ އެކި ސަރަހައްދުތައް އާބަން ސެންޓަރުގެ ގޮތުގައި ތަރައްގީކޮށް، ބައެއް ރަށްތައް "ސްމާޓް ސިޓީ" ތަކަށް ބަދަލުކުރަން ބަޔާންކޮށްފައިވެ އެވެ. ނަމަވެސް އާބަން ސެންޓަރުތަކުގެ ގޮތުގައި ކަނޑައަޅާ ރަށްތައް ނުވަތަ ރަށްތަކެއް ހިމެނޭ ސަރަހައްދުތަކެއް ބަޔާނެއް ނުކުރެ އެވެ.

އާބަން ސެންޓަރުތަކުގެ ބޭނުމަކީ ވެސް މާލެ ސަރަހައްދަށް ޖަމާވެފައި އޮތް އާބާދީ އާއި މަސައްކަތްތަކާއި ވަޒީފާތަކާއި އިމާރާތްތަކާއި ބާރުތައް އެ ސެންޓަރުތަކަށް ބަހައިލުމެވެ.

ގުދުރަތީ ވަސީލަތްތަކުގެ މިލްކުވެރިކަން ކަށަވަރު ވާނެ ގޮތަށް ރަށު އަދި އަތޮޅު އިހުތިސޯސްގެ ހަމަތައް ގާނޫނު އަސާސީގައި ކަނޑައެޅުމަށާއި ކައުންސިލްތަކުން ދަރަނި ނެގުމުގެ އުސޫލު ވެސް ގާނޫނު އަސާސީގައި ކަނޑައެޅުމަށް މި ސިޔާސަތުގައިވެ އެވެ.

ލާމަރުކަޒީ ބަދަލުގެ ސިޔާސަތުގައި ކައުންސިލްތައް ބާރުވެރި ކުރުވުމަށް ބައެއް ކަންކަން ހިމަނާފައިވެ އެވެ. އޭގެ ތެރޭގައި ކައުންސިލްގެ ދައުރުގެ މެދު ތެރެއިން ވެސް މެމްބަރު ވަކި ކުރެވޭނެ ގާނޫނީ އިޖުރާއަތެއް ގެނައުމަށް ގާނޫނު އިސްލާހު ކުރަން ސިޔާސަތުގައި ލިޔެފައިވެ އެވެ.

ކައުންސިލްތައް ބާރުވެރިކުރަން ކަނޑައަޅާފައިވާ ކަންކަން

  • ކައުންސިލެއް ނިސްބަތްވާ ރަށުގެ ޖީޑީޕީގެ 60 ޕަސެންޓްއާ ހަމައަށް ސޮވެރިން ޑެޓް ނެގޭނެ ފުރުސަތު ފަހިކޮށްދިނުން
  • މީހުން ދިރިއުޅޭ ރަށްރަށުން ނެގޭ ގްރީން ޓެކްސްގެ 100 ޕަސެންޓް އެއްކޮށް އެ ރަށެއްގެ ގްރީން ފަންޑަށް ލިބުން
  • އަތޮޅު ރިސޯޓްތަކުން ނެގޭ ގްރީން ޓެކްސްގެ 50 ޕަސެންޓް އެ އަތޮޅެއްގެ ގްރީން ފަންޑަށް ލިބުން
  • އަތޮޅު ރިސޯޓް އަދި ސިނާއީ ރަށްރަށުގެ ބިމުގެ ކުލީން ކައުންސިލްތަކަށް މިހާރު ދޭ 40 ޕަސެންޓްގެ ބަދަލުގައި އެ ނިސްބަތް 50 ޕަސެންޓަށް ބޮޑުކުރުން
  • އެ ރަށަކަށް ނިސްބަތްވާ ވިޔަފާރިތަކުން ދައުލަތަށް ލިބޭ މުދަލާއި ހިދުމަތުގެ އާމްދަނީގެ 50 ޕަސެންޓް އެ ރަށަކަށް ދިނުން
  • ޔުޓިލިޓީ އިންފްރާސްޓްރަކްޗާގެ މިލްކުވެރިކަން ކައުންސިލްތަކަށް ބަދަލުކުރުން

ސެޕްޓެމްބަރު 9، ގައި ބާއްވާ ރިޔާސީ އިންތިހާބަށް ޑިމޮކްރެޓްސްގެ ޓިކެޓުގައި ވާދަކުރާނެ ކެންޑިޑޭޓު ކަނޑައެޅުމުގެ ޕްރައިމަރީ އޮތީ މި މަހުގެ 28 ވަނަ ދުވަހުގަ އެވެ. އެ ޕްރައިމަރީގައި ވާދަކުރަނީ ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބު އެކަންޏެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox