ކަރެކްޝަންސްގެ އިދާރީ މަސައްކަތްތައް އަޑުގެ އިމާރާތަށް ބަދަލުކޮށްފި

އަޑުގެ އިމާރާތުގައި ގާއިމުކުރި ކަރެކްޝަންސްގެ މާލެ އޮފީސް - ފޮޓޯ: މުހައްމަދު ޝާބިން / އަދަދު

އަޑުގެ އިމާރާތުގައި ގާއިމުކުރި ކަރެކްޝަންސްގެ މާލެ އޮފީސް - ފޮޓޯ: މުހައްމަދު ޝާބިން / އަދަދު

މޯލްޑިވްސް ކަރެކްޝަންސް ސާވިސްގެ އިދާރީ މަސައްކަތްތައް ދިވެހިރާއްޖޭގެ އަޑު ހިންގަމުން އަންނަ އިމާރާތައް ބަދަލުކޮށްފި އެވެ.

ކަރެކްޝަންސްގެ އިދާރީ ހިދުމަތްތައް މީގެ ކުރިން ދެމުންގެންދިޔައީ ގާޒީ ބިލްޑިންގުގަ އެވެ. ގިނަދުވަސްވެ ބޭނުންކުރަން ނުރައްކާވާ މިންވަރަށް ބާވުމުގެ ސަބަބުން އެ އިމާރާތް މިހާރު ވަނީ ތަޅާލާފަ އެވެ.

ގާޒީ އިމާރާތް ތަޅާލަން ނިންމުމާއެކު އެތަނުގައި ދެމުންދިޔަ ހިދުމަތްތައް އަޑުގެ އިމާރާތައް ބަދަލުކުރުމަށް، އަޑު ހިންގާ ޕީއެސްއެމްއާއެކު މަޝްވަރާ ފެށި އެވެ.

އެކަމާ ގުޅިގެން ޕީއެސްއެމްގެ މެނޭޖިން ޑިރެކްޓަރު އަލީ ހާލިދު "އަދަދު" އަށް ވިދާޅުވީ ކަރެކްޝަނުން މީގެ ދެ މަސް ކުރިން އަޑުގެ ތިން ބުރީގެ އިމާރާތް ކުއްޔަށް ނަގާފައިވާ ކަމަށެވެ. އަދި، އެ އިމާރާތަކީ އަޑުގެ ސްޓޫޑިއޯތައް ހުންނަ އިމާރާތް ނޫންކަމުން މިކަމާ ގުޅިގެން އަޑުގެ މަސައްކަތްތަކަށް އެއްވެސް ވަރަކަށް ބުރޫ ނާރާނެ ކަމަށް ވެސް ހާލިދު ވިދާޅުވި އެވެ.

ކަރެކްޝަންސްގެ މާލޭ އޮފީހުގައި މަސައްކަތް ކުރާ މުވައްޒަފުންގެ އަދަދު 120 އަށްވުރެ މައްޗަށް އަރަ އެވެ. މައުލޫމާތު ލިބިފައިވާ ގޮތުގައި ކަރެކްޝަންސް އިން އަލަށް ކުއްޔަށް ނެގި އަޑުގެ އިމާރާތް ނެގީ ފަސް އަހަރުގެ މުއްދަތަކަށެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox