ށ. ފުނަދޫގައި ހުންނަ އެ އަތޮޅު ހޮސްޕިޓަލުގެ އާ އިމާރާތް އެޅުމުގެ މަޝްރޫއުގެ މަސައްކަތް ސަރުކާރުން މިއަދު ބަޔަކާ ހަވާލުކޮށްފި އެވެ.
އެ މަސައްކަތް ހަވާލުކުރީ އިންޑިއާގެ ސިޓްރާމަސް ހެވީ އިންޑަސްޓްރީސް ނަމަކަށް ކިޔާ ކުންފުންޏަކާއި ފްލެސިންސްކް ޕްރައިވެޓް ލިމިޓެޑް ނަމަކަށް ކިޔާ ކުންފުންޏެއް ގުޅިގެން އުފައްދާފައިވާ ޖޮއިންޓް ވެންޗާ އަކާ އެވެ.
ފުނަދޫ ހޮސްޕިޓަލްގެ އާ އިމާރާތުގެ މަސައްކަތް އެ ޖޮއިންޓް ވެންޗާ އާ ހަވާލުކުރީ 135 މިލިޔަން ރުފިޔާގެ އަގަކަށް، 540 ދުވަހުގެ ތެރޭގައި (ގާތްގަނޑަކަށް އެއް އަހަރާއި ފަސް މަސްދުވަހުގެ ތެރޭގައި] ނިންމާ ގޮތަށެވެ.
އެ މަސައްކަތުގެ އެއްބަސްވުމުގައި ސޮއިކުރީ ހެލްތު މިނިސްޓްރީގައި އެކަމަށް ޓަކައި މިއަދު ބޭއްވި ހަފުލާއެއްގަ އެވެ.
ށ. އަތޮޅު ހޮސްޕިޓަލުގެ އާ އިމާރާތް ހުންނާނެ ގޮތުގެ ކުރެހުމެއް -
ށ. އަތޮޅު ހޮސްޕިޓަލަށް ދިމާވެފައިވާ ޖާގައިގެ ދަތިކަން ހައްލުކޮށް އާ އިމާރާތެއްގެ ވައުދު ރައީސް އިބްރާހިމް މުހައްމަދު ވެދެއްވީ އެ ރަށު ސްކޫލަށް 50 އަހަރު ފުރުމުގެ މުނާސަބަތުގައި 18 ޖޫން 2022 ގައި އެ ރަށަށް ވަޑައިގެން ދެއްކެވި ވާހަކަފުޅުގަ އެވެ.
