އިލްޔާސް ވިދާޅުވީ މީހެއްގެ މީހަކަށް ނުވާނެ ކަމަށް!

 ދަ ޑިމޮކްރެޓްސްގެ ރިޔާސީ ޕްރައިމަރީގައި ވާދަ ކުރައްވާ ހަމައެކަނި ކެންޑިޑޭޓު، ހުޅުދޫ ދާއިރާގެ މެމްބަރު އިލްޔާސް، އަދަދުގެ އެތެރެފުށް ޕްރޮގްރާމުގައި ވާހަކަ ދައްކަވަނީ. ފޮޓޯ: މުހައްމަދު ޝާބިން/އަދަދު

ދަ ޑިމޮކްރެޓްސްގެ ރިޔާސީ ޕްރައިމަރީގައި ވާދަ ކުރައްވާ ހަމައެކަނި ކެންޑިޑޭޓު، ހުޅުދޫ ދާއިރާގެ މެމްބަރު އިލްޔާސް، އަދަދުގެ އެތެރެފުށް ޕްރޮގްރާމުގައި ވާހަކަ ދައްކަވަނީ. ފޮޓޯ: މުހައްމަދު ޝާބިން/އަދަދު

ޑިމޮކްރެޓްސްގެ އުފެއްދުގެ ފަހަތުގައި ހުންނެވި ކުރީގެ ރައީސް މުހައްމަދު ނަޝީދުގެ ލަފާ ހޯއްދެވިޔަސް އަމިއްލަ ބާރުގައި ކަންކަން ނިންމެވުމުގެ ފުރިހަމަ އިހުތިޔާރު އެބައޮތް ކަމަށް އެ ޕާޓީގެ ޕްރައިމަރީގައި ވާދަކުރައްވާ ހަމައެކަނި ކެންޑިޑޭޓު، ރައްޔިތުންގެ މަޖިލީހުގެ ހުޅުދޫ ދާއިރާގެ މެންބަރު އިލްޔާސް ލަބީބް ވިދާޅުވެއްޖެ އެވެ.

ކެންޑިޑޭޓެއްގެ ގޮތުގައި ސަޕޯޓަރުންނަށް ތައާރަފުވުމަށް ރޭ ބޭއްވި ހަރަކާތުގައި ސަޕޯޓަރަކު ކުރި ސުވާލެއްގެ ޖަވާބުގައި އިލްޔާސް ވިދާޅުވީ އޭނާގެ "ސިޔާސީ މުދައްރިސު" ނަޝީދުގެ "މައްޗަށް އެރޭނެ ގޮތެއް ނޯންނާނެ" ކަމަށެވެ.

"އަދަދު" ނޫހުން ގެނެސްދޭ "އެތެރެފުށް" ޕްރޮގްރާމްގައި އެއީ ނަޝީދުގެ ނުފޫޒު އިލްޔާސްގެ މައްޗަށް އޮތުންތޯ ސުވާލު ކުރުމުން އޭނާ ވިދާޅުވީ ރައީސުލްޖުމްހޫރިއްޔާގެ މަގާމުގައި ހުންނަވާއިރު ކަންކަން ނިންމެވުމުގައި ފުރިހަމަ ބާރާއި އިހުތިޔާރު އޮންނާނެ ކަމަށެވެ.

"[ވަކި މީހެއްގެ މީހެއް ގޮތުގައި] ނުފެންނާނެ. އަޅުގަނޑު ފެންނާނީ ޑިމޮކްރެޓުން ތަމްސީލްކުރާ ރައީސުލްޖުމްހޫރިއްޔާގެ ގޮތުގައި، ޕާޓީގެ އަސާސްތަކާއި ހަމަތަކާއި ގަބޫލުކުރުންތައް ހިފަހައްޓާ މީހެއްގެ ގޮތުގައި އަޅުގަނޑު ފެންނާނީ،" ރައްޔިތުންގެ މަޖިލީހުގެ މެމްބަރެއްގެ ގޮތުގައި ތިން ވަނަ ދައުރު ފުރިހަމަ ކުރައްވާ އިލްޔާސް ވިދާޅުވި އެވެ.

ދަ ޑިމޮކްރެޓްސްއިން މިރޭ ބޭއްވި ޖަލްސާގައި ނަޝީދާއި އިލްޔާސް -- ފޮޓޯ: އަބްދުﷲ އިޔާން/ އަދަދު
ދަ ޑިމޮކްރެޓްސްއިން މިރޭ ބޭއްވި ޖަލްސާގައި ނަޝީދާއި އިލްޔާސް -- ފޮޓޯ: އަބްދުﷲ އިޔާން/ އަދަދު

ދަ ޑިމޮކްރެޓްސްއިން މިރޭ ބޭއްވި ޖަލްސާގައި ނަޝީދާއި އިލްޔާސް -- ފޮޓޯ: އަބްދުﷲ އިޔާން/ އަދަދު

ރައްޔިތުންގެ މަޖިލީހުގެ މެންބަރެއްގެ ހައިސިއްޔަތުންނާއި، މަޖިލީހުގައި އެސްއޯއީ ކޮމިޓީގެ މުގައްރިރުގެ ހައިސިއްޔަތުންނާއި، ސިޔާސީ ހަރަކާތްތެރިއެއްގެ ހައިސިއްޔަތުން ކުރާ މަސައްކަތްތައް ވެސް ކުރަނީ މަޝްވަރާއާއި ލަފާ ހޯއްދަވައިގެން ކަމަށް އޭނާ ވިދާޅުވި އެވެ.

"ރާއްޖޭގެ ރައީސްކަން ކުރައްވާފައި ތިއްބެވި ބޭފުޅުންނާއި ދޮށީ އުމުރުގެ ބޭފުޅުންގެ ހިޔާލު ހޯއްދަވާނަން، ހޯދަން ޖެހޭ، ގައުމު ބިނާ ކުރުމުގައި އެކި ދާއިރާތަކުގެ ތަޖުރިބާކާރުންގެ ހިޔާލާއި މަޝްވަރާ ހޯދަން ޖެހޭ،" އިންތިހާބު ކާމިޔާބު ވެއްޖެ ނަމަ ކަން ކުރައްވާނެ ގޮތް ވިދާޅުވެ ދެއްވަމުން އިލްޔާން ފާހަގަ ކުރެއްވެވި އެވެ.

އޭނާ ވިދާޅުވި ގޮތުގައި ނަޝީދުގެ ހިޔާލު ހޯއްދަވަނީ ވެސް އެ ގޮތުގެ މަތިންނެވެ.

"ޕާޓީގެ ލަފައާއި އިރުޝާދު ހޯދާނަން، އަޅުގަނޑު މަގުން ކައްސާލާނަމަ ޕާޓީއަށް އިރުޝާދު ދެވޭނެ، ޕާޓީގައި މި ވަގުތު އެންމެ އިސްކޮށް ހަރަކާތްތެރި ވަނީ ރައީސް މުހައްމަދު ނަޝީދު،" އިލްޔާސް ވިދާޅުވި އެވެ.

ޑިމޮކްރެޓްސް އުފެއްދީ، އެމްޑީޕީގެ ރިޔާސީ ޕްރައިމަރީން ނަޝީދަށް ލިބުނު ނާކާމިޔާބީއަށް ފަހު އެމަނިކުފާނުގެ ސަޕޯޓަރުންނާއި އެމަނިކުފާނަށް ތާއީދުކުރައްވާ ރައްޔިތުންގެ މަޖިލިހުގެ މެންބަރުން ސަރުކާރާ ދެކޮޅަށް ޕާޓީގެ ތެރޭގައި މަސައްކަތްތަކެއް ކުރުމަށް ފަހުގަ އެވެ.

ސެޕްޓެމްބަރު 9 ގައި ބާއްވާ ރިޔާސީ އިންތިހާބު ކާމިޔާބު ކުރައްވާނެ ކަމަށާއި އިންތިހާބުގައި ރައީސް ސޯލިހު ބަލިވާނެ ކަމަށް އިލްޔާސް ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox