ރަޝިއާއިން ހިފައިގެން އުޅޭ ކްރައިމިއާގެ ހަތިޔާރު ގުދަނަކަށް ހޮނިހިރު ދުވަހު ހަމަލާ ދިނީ ޔޫކްރެއިނުން ކަމަށް އެއްބަސްވެއްޖެ އެވެ.
ކްރައިމިއާގެ ހަތިޔާރު ގުދަނަށް ފޮނުވީ ޑްރޯން ހަމަލާތަކެކެވެ. ޔޫކްރެއިންގެ ސިފައިން ވަނީ އެ ހަމަލާ ދިން ކަމަށް އެއްބަސްވެފަ އެވެ.
ހަތިޔާރު ގުދަނަށް ދިން ޑްރޯން ހަމަލާގައި ބޮޑެތި ގޮވުންތައް ގޮވި އެވެ. އެ ތަން ވަށައިގެން ފަސް ކިލޯމީޓަރު ސަރަަހައްދެއްގައި އުޅޭ މީހުން ވަނީ އިވެކުއޭޓްކޮށްފަ އެވެ.
އޭގެ އިތުރުން ރޭލު ޓްރެފިކް މެދުކަނޑާލަން ވެސް ކްރައިމިއާއަށް ރަޝިއާއިން ކަނޑައަޅާފައި ހުންނަ ލީޑަރު ސާގެއި އަކްސިޔޮނޯވް ނިންމެވި އެވެ.
އަކްސިޔޮނޯވް ވިދާޅުވީ އެ ހަމަލާގައި އެއްވެސް މީހަކު މަރުވި ކަމެއް އަދި އަނިޔާވި ކަމުގެ ރިޕޯޓެއް މިހާތަނަށް ނުލިބޭ ކަމަށެވެ.
މީގެ ކުރިން ވެސް ވަނީޑްރޯން މެދުވެރިކޮށް ކްރައިމިއާ އާއި ރަޝިއާގެ ބައެއް ތަންތަނަށް ހަމަލާދީފަ އެވެ. އެކަމަކު އެ ހަމަލާތަކުގެ ޒިންމާ ޔޫކްރެއިނުން ނުއުފުލަ އެވެ.
