ބެލަރޫސްގެ ބޯޑަަރު ގާޑުންނާއި ރަޝިއާގެ ކުލީ ސިފައިންގެ ވާގްނާ ގްރޫޕްއާ ދެމެދު ބުރާސްފަތު ދުވަހު ކުރިމަތިލުންތަކެއް ހިނގި ކަމަށް ޔޫކްރެއިނުން ރިޕޯޓުކޮށްފި އެވެ.
ޔޫކްރެއިނުން ބުނީ ވާގްނާގެ މެމްބަރުން ހަރަކާތްތެރިވީ ބެލަރޫސް އާއި ޔޫކްރެއިން ގުޅޭ ބޯޑަރު ކައިރީގައި އޮންނަ ޑިޔަޓްލީކް އަވަށް ހިސާބުގައި ކަަމަށެވެ.
އެ ސަރަހައްދުގައި ހަރަކާތްތެރިވުމުގެ ތެރޭގައި ވާގްނާގެ މެމްބަރުންނާއި ބެލަރޫސްގެ ބޯޑަރު ގާޑުންނާ ދެމެދު ކުރިމަތިލުންތަކެއް ހިނގި ކަމަށް ޔޫކްރެއިނުން ބުންޏެވެ.
ކުރިމަތިލުމުގައި ދޫދިނީ ބެލަރޫސްގެ ބޯޑަރު ގާޑުން ކަމަށާއި އޭގެ ފަހުން ވާގްނާ ގްރޫޕުގެ މަސައްކަތްތަކައިގެން އެ ގްރޫޕުގެ މެމްބަރުން ކުރިއަށް ދިޔަ ކަމަށްވެ އެވެ.
ބުރާސްފަތި ދުވަހު ބެލަރޫސްގެ ޑިފެންސް މިނިސްޓްރީން ބުނީ އެ ގައުމުގެ ސިފައިންނަށް ހަނގުރާމައިގެ ތަމްރީން ދިނުމުގައި ވާގްނާގެ މެމްބަރުން އުޅެމުންދާ ކަމަށެވެ.
ތަމްރީން ހަރަކާތްތައް ކުރިއަށް ދަނީ ޕޮލޭންޑާއި ޔޫކްރެއިން ގުޅޭ ބޯޑަރާ މާ ދުރު ނޫން ހިސާބެއްގަ އެވެ.
ބުދަ ދުވަހު ވާގްނާގެ ލީޑަރު ޔެވްގެނީ ޕްރިގޯޝިން ފޮނުވި ވީޑިއޯ މެސެޖެއްގައި ބުނީ އެ ގްރޫޕުގެ މެމްބަރުން ދެން ޔޫކްރެއިންގައި ހަނގުރާމަ ނުކުރާނެ ކަމަށެވެ.
އޭގެ ބަދަލުގައި ދެން މަސައްކަތް ކުރާނީ ބެލަރޫސްގެ ސިފައިންނަށް ތަމްރީން ދީ، އެފްރިކާގެ އެކި މިޝަންތަކުގައި ކަމަށް ވެސް އޭނާ ބުންޏެވެ.
