ރައީސްގެ ރަނިންމޭޓު ކަމަށް ފައްޔާޒުގެ ޝައުގެއް ނެތް, ވާހަކަ ފަތުރާ ކަމުގެ ތުހުމަތު ރީކޯއަށް

ރީކޯ އަލުން އެމްޑީޕީއަށް ސޮއިކުރުމަށް ފަހު ފައްޔާޒުއާ ފޯމު ހަވާލުކުރަނީ. މި ވާހަކަ ފަތުރަމުންދަނީ ރީކޯ ކަމަށް ފައްޔާޒު ތުހުމަތު ކުރޭ  --  ފޮޓޯ: އެމްޑީޕީ

ރީކޯ އަލުން އެމްޑީޕީއަށް ސޮއިކުރުމަށް ފަހު ފައްޔާޒުއާ ފޯމު ހަވާލުކުރަނީ. މި ވާހަކަ ފަތުރަމުންދަނީ ރީކޯ ކަމަށް ފައްޔާޒު ތުހުމަތު ކުރޭ -- ފޮޓޯ: އެމްޑީޕީ

އަންނަ ރިޔާސީ އިންތިހާބުގައި ރައީސް އިބްރާހިމް މުހައްމަދު ސޯލިހުގެ ރަނިންމޭޓު ކަމަށް ވުމުގެ ޝައުގެއް ނެތް ކަމަށް އެމްޑީޕީގެ ޗެއާ ޕާސަން ފައްޔާޒް އިސްމާއީލް ވިދާޅުވެއްޖެ އެވެ.

ރިޔާސީ އިންތިހާބަށް 53 ދުވަހަށް ވެފައިވާއިރު ފުޅާދާއިރާއެއްގައި ކެމްޕޭން ކުރައްވަމުން ގެންދަވަނީ ހަމައެކަނި ރައީސް ސޯލިހެވެ. ރައީސް ސޯލިހާ އެކުގައި ނިކުންނަވާނެ ރަނިންމޭޓަކު އަދި ކަނޑައަޅާފައި ނުވާއިރު, ގާތް ބައެއް ބޭފުޅުން އެކަމަށް ޝައުގުވެރިކަން ފާޅުކުރައްވާފައިވާކަން ހާމަވެފައިވެ އެވެ.

އެމަނިކުފާނުގެ ރަނިންމޭޓަކަށް ވާނެ ބޭފުޅަކާ މެދު "އަދަދު" އިން ތައްޔާރުކުރި ރިޕޯޓަކަށް ޓްވިޓާގައި ހިޔާލު ފަޅުކުރައްވަމުން ރައީސްގެ ކެބިނެޓުގައި އިކޮނޮމިކް މިނިސްޓަރުކަން ކުރައްވާ ފައްޔާޒް ވިދާޅުވީ ރަނިންމޭޓަކަށް ވުމުގެ "އެއްވެސް ޝައުގުވެރިކަމެއް ނެތް" ކަމަށެވެ.

Advertisement

"ކޮންމެވެސް ސަބަކާ ގުޅިގެން ތި ވާހަކައެއް [ރަނިންމޭޓަކަށް ފައްޔާޒުގެ ޝައުގު ހުރި ވާހަކަ] ދައްކަވަމުން ގެންދަވަނީ ރީކޯ މޫސަ. އެއީ ވަރަށް ދެރަ ކަމެއް," ފައްޔާޒު ވިދާޅުވި އެވެ.

މިފަދަ ވާހަކަތަކެއް ރީކޯ ފަތުރަމުންދާ ކަމަށް ފައްޔާޒު ވިދާޅުވެފައިވާއިރު ރީކޯ އަކީ ރައީސް ސޯލިހުގެ ވަރަށް އަރިސް ބޭފުޅެކެވެ. ރައްޔިތުންގެ މަޖިލީހުގައި ތިން ދައުރު އަދާކުރައްވާފައިވާ ރީކޯ މޫސަގެ ސިޔާސީ ހަޔާތް ފެއްޓެވީ ވެސް އެމްޑީޕީންނެވެ. އަލުން އޭނާ އެމްޑީޕީއަށް ސޮއިކުރީ ނޮވެމްބަރު 2022, ގަ އެވެ.

ރާއްޖޭގެ އިގްތިސާދަކީ މިހާރު އެންމެ ބާރަށް ކުރިއަރަމުންދާ އެއް އިގްތިސޯދު ކަމަށްވާއިރު ފައްޔާޒުގެ މިނިސްޓަރުކަމުގައި ރާއްޖޭން އިގްތިސޯދީ ދަތި ދުވަސްތަކެއް ވެސް ތަހައްމަލުކުރި އެވެ. ކޮވިޑު މެނޭޖުކުރުމުގައި ރައީސް އެންމެ ބޮޑު އިތުބާރެއް ކުރައްވައި ބުރަ މަސްއޫލިއްޔަތުތައް ހަވާލުކުރެއްވީ ވެސް ފައްޔާޒުއާ އެވެ.

ފައްޔާޒު އެމްޑީޕީގެ ޗެއާޕާސަން ކަމަށް އިންތިހާބުވުން ވެގެންދިޔައީ އެމްޑީޕީގެ ބާރުތައް ރައީސްގެ އަތްމައްޗަށް ފުރޮޅިގެންދިޔަ ކަމަކަށެވެ. އެމްޑީޕީގެ ގައުމީ މަޖިލީހާއި ކޮންގްރެސްގައި ވެސް ރައީސް ސޯލިހުގެ ފެކްޝަނަށް ކުރި ލިބުނީ ފައްޔާޒު އިސްވެ ހުންނަވައި ކުރެއްވި މަސައްކަތްތަކުންނެވެ.

އޭނާއަކީ މަޖިލިސް މެމްބަރުންނާއި, ގައުމީ މަޖިލީހުގެ މެމްބަރުންނާއި, ސަރުކާރުގެ ކުންފުނިތަކުގެ އިސްވެރިންގެ އިތުބާރު އޮތް ކެބިނެޓުގެ އެންމެ ނުފޫޒުގަދަ މިނިސްޓަރެވެ. މި ސަބަބަށްޓަކާ ބައެއް މީހުން ގަބޫލުކުރަނީ މިފަހަރު ރައީސް ސޯލިހުގެ ރަނިންމޭޓުގެ ގޮތުގައި ފައްޔާޒު ފެނިގެން ހިނގައިދާނެ ކަމަށެވެ.

ފައްޔާޒުގެ އިތުރުން އެހެން ބައެއް ބޭފުޅުންވެސް ރަނިންމޭޓުކަމަށް ވެދާނެކަމަށް ބެލެވެ އެވެ. އޭގެ ތެރޭގައި މިހާރުގެ ނައިބުރައީސް ފައިސަލް ނަސީމް އާއި، ފޮރިން މިނިސްޓަރު އަބްދުﷲ ޝާހިދުގެ އިތުރުން މިހާރު އެމްޑީޕީ ޕާލަމެންޓްރީ ގްރޫޕުގެ ލީޑަރު މުހައްމަދު އަސްލަމް އަކީ ވެސް ރަނިންމޭޓަކަށްވުން ގާތް ބޭފުޅުންނެވެ.

ކޮމެންޓް

ފަހުގެ ޚަބަރު

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

ހިދުމަތުގެ އެންމެ މަތީ ޝަރަފު މުހައްމަދު ރަޝީދާއި އައްބާސަށް

ދައުލަތަށް ހިދުމަތް ކުރުމުގެ އެންމެ މަތީ ޝަރަފު، މުހައްމަދު ރަޝީދު އިބްރާހީމާއި އައްބާސް އިބްރާހީމަށް ވަނީ އަރުވާފައި. މުހައްމަދު ރަޝީދަށް މި ޝަރަފު އެރުވީ ދީނީ ރޮނގުން ކުރެއްވި ހިދުމަތްތަކަށް ކަމަށްވާއިރު، އައްބާސް އިބްރާހީމަށް މި ޝަރަފު އެރުވީ ދިވެހިބަހާއި އަދަބިއްޔާތުގެ ދާއިރާއިން.

އާންމުންގެ ތަނަވަސްކަން ހުއްޓުވަނީ ރާއްޖެ ނިކަމެތިކުރުން: ނަޝީދު

ރަސްމާލެ މަޝްރޫއު އީގަލް ހިލްސް ކުންފުންޏާ ހަވާލުކުރުމާ ދެކޮޅަށް އެމްޑީޕީން ކުރާ މަސައްކަތަކީ އާންމު ރައްޔިތުންނަށް ލިބެން އޮތް ތަނަވަސްކަން ހުއްޓުވައި ރާއްޖެ ނިކަމެތިކުރުމަށް ޖަހާ މަޅިއެއް ކަމަށް ނަޝީދު ވިދާޅުވި.

ޖޭޕީ، އަދާލަތު، އެމްޑީއޭ އަދި އެމްއެންޕީން މެންބަރުން ވަކިވަނީ

އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި ޖޭޕީ، އެމްޑީއޭ، އަދާލަތު އަދި އެމްއެންޕީން ގިނަ އަދަދެއްގެ މެންބަރުން ވަނީ ވަކިވެފައި. މީގެ ބަދަލުގައި ސަރުކާރު ހިންގާ ޕީއެންސީއާއި އިދިކޮޅު އެމްޑީޕީގެ މެންބަރުންގެ އަދަދު ބޮޑުތަނުން އިތުރުވި. އެންމެ ގިނަ މެންބަރުން ވަކިވީ ޖޭޕީން ކަމަށްވާއިރު، އެންމެ ގިނަ މެންބަރުން އަލަށް ގުޅުނީ ޕީއެންސީއާ

އިސްތިއުނާފު ލަސްވާ މައްސަލައިގައި ޖޭއެސްސީ ހާޒިރުކުރަނީ

ޖަލު ހުކުމް ތަންފީޒުކޮށް ނިމޭއިރުވެސް އިސްތިއުނާފު މަރުހަލާ ނުނިމޭ މައްސަލައަށް ގާނޫނީ ހައްލެއް ހޯދުމަށް ޖޭއެސްސީ މަޖިލީހުގެ ޖުޑިޝަރީ ކޮމިޓީއަށް ހާޒިރުކުރުމަށް ވަނީ ފާސްކޮށްފަ. އިސްތިއުނާފު މައްސަލަތައް ނިންމަންޖެހޭ ވަކި މުއްދަތެއް ގާނޫނުގައި ނެތުމުގެ ސަބަބުން ކުށްވެރިންގެ އަސާސީ ހައްގުތައް ގެއްލެމުންދާކަން މެންބަރުން ފާހަގަކުރެއްވި.

"ބިން ދީ ދީނާއި މިނިވަންކަން ގެއްލުވާ ވެރިޔަކު އަދި މި ނޫނީ ނާދޭ"

ބޭރު މީހުންނަށް ބިން މިލްކުކުރެވޭ ގޮތަށް ސަރުކާރުން ނިންމާފައިވާ ނިންމުމަކީ ރާއްޖޭގެ ދީނީ ވަހުދަތާއި މިނިވަންކަމަށް އޮތް ބޮޑު ނުރައްކަލެއް ކަމަށާއި މި ނިންމުމުގެ ސަބަބުން ރާއްޖޭގެ ބިންތަކުގެ މިލްކުވެރިކަން އެހެން ދީންތަކުގެ މީހުންނަށް ލިބިދާނެ ކަމުގެ ބިރު އޮތްކަން ފާހަގަކުރައްވައި، ގައުމު ދިފާއުކުރުމަށް ނުކުތުމަށް ޖަމީލު ގޮވާލައްވައިފިއެވެ.

ސުޕްރީމް ކޯޓުގެ ފަނޑިޔާރުންނަށް އޮނަރަބަލް ކިޔަން އަންގައިފި

ސުޕްރީމް ކޯޓުގެ ފަނޑިޔާރުންނާ މުހާތަބުކުރާއިރު "އޮނަރަބަލް" ކިޔުމަށް ޖޭއެސްސީން ރަސްމީކޮށް އަންގައި ސާކިއުލާއެއް ވަނީ ނެރެފައި. މި ބަދަލާއެކު ފަނޑިޔާރުންގެ ނަމުގެ ކުރިއަށް "އަލްއުސްތާޒް" ބޭނުންކުރުން ހުއްޓާލަން ޖެހޭއިރު، މިއީ މީގެ ކުރިން އަމަލުކުރަމުން އައި އުސޫލަށް ގެނައި ރަސްމީ ބަދަލެއް.

Newsletter

Get the latest news delivered straight to your inbox