ނަޝީދު އަނެއްކާ ވެސް ބަރުލަމާނީގެ ވާހަކަ؛ "ގެންނަންވީ ވެރިން ރަނގަޅުވުން މަޖުބޫރުވާނެ ނިޒާމެއް"

ދަ ޑިމޮކްރެޓްސް އިން ބޭއްވި ހަރުގެ ޖަލްސާގައި ރައީސް ނަޝީދު ވާހަކަފުޅު ދައްކަވަނީ. ގޮވާލެއްވީ ވެރީން ރަނގަޅުވުން މަޖުބޫރު ނިޒާމެއް ގެނައުމަށް -- ފޮޓޯ: އަބްދުﷲ އިޔާން / އަދަދު

ދަ ޑިމޮކްރެޓްސް އިން ބޭއްވި ހަރުގެ ޖަލްސާގައި ރައީސް ނަޝީދު ވާހަކަފުޅު ދައްކަވަނީ. ގޮވާލެއްވީ ވެރީން ރަނގަޅުވުން މަޖުބޫރު ނިޒާމެއް ގެނައުމަށް -- ފޮޓޯ: އަބްދުﷲ އިޔާން / އަދަދު

ރާއްޖޭގެ ރައްޔިތުންނަށް ކިތަންމެ ވެރިންނެއް ފެނިއްޖެ ކަމަށާއި، ހަމަނުޖެހި އޮތް ކަމަކީ ކޮންމެ ވެރިޔަކަށް ވިޔަސް ދިވެހި އާންމު ރައްޔިތުންނަށް ރަނގަޅުވުން މަޖުބޫރު ވާނެ ނިޒާމެއް ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެ އެވެ.

އެމްޑީޕީގެ ކުރީގެ ރައީސް ނަޝީދުގެ ފަހަތުގައި ހުންނަވައިގެން އުފައްދާ "ދަ ޑިމޮކްރެޓްސް" ޕާޓީގެ ހަރުގޭގައި މިރޭ ބޭއްވި ޖަލްސާގައި އެމަނިކުފާނު ވިދާޅުވީ ވޭތުވެދިޔަ 17 އަހަރު ހޭދަކުރެއްވި ސިޔާސީ ޕާޓީ، އެމްޑީޕީން ނުކުންނަން ޖެހުނީ ވެރިކަމުގައި އަދި ޕާޓީ ހިންގުމުގައި އިސްކޮށް ތިބި ފަރާތްތައް އެ ޕާޓީގެ ސިޔާސަތުތަކާ ދުރަށް ޖެހި ހިޔާނާތުގެ ނެޓުވޯކަކަށް ޕާޓީ ބަދަލުވުމުން ކަމަށެވެ.

"އަޅުގަނޑު ވެސް އެމްޑީޕީ ދޫކޮށް ދިޔައީ، ޕާޓީގެ ސިޔާސަތުތައް، ރައްޔިތުންނަށް ވީ ވައުދުތައް ނުފުއްދާ، މުޅީން އެހެން ކަންތައްތަކެއްގެ ތެރޭގައި ސަރުކާރުން ޝާމިލުވެގެން ދިޔުމުން،" އެ މަނިކުފާނު ވިދާޅުވި އެވެ.

"އަޅުގަނޑުމެން ބޭނުމެއް ނޫން ހިޔާނާތުގެ ނެޓްވޯކެއްގެ ލަތްގަނޑުގައި ޖެހޭކަށެއް،"

ދަ ޑިމޮކްރެޓްސްގެ މަސައްކަތަކަށް އޮތީ ދިވެހީން ބޭނުންވާ ކަންކަން ހާސިލްކުރުމަށާއި ދިމާވެފައިވާ މައްސަލަތަކަށް ހައްލުތަކެއް ހިމެނޭ ސިޔާސަތުތައް ހޯދުން ކަމަށް ކުރިން ރާއްޖޭގެ ރައީސްކަން ވެސް ކުރައްވާފައިވާ ނަޝީދު ވިދާޅުވި އެވެ.

ރާއްޖޭގެ މާޒީގެ ދިގު ތާރީހުގައި ވެރިޔަކީ ވަކި މީހެެކޭ ބުނެ ދައްކަން ދަތި ކަމަށް އެމަނިކުފާނު ވިދާޅުވި އެވެ. މިއަދު ޑިމޮކްރެޓްސް އުފައްދާ މީހުން މަސައްކަތް ކުރަނީ ކޮންމެ ވެރިޔަކަށް ވެސް ރަނގަޅުވާން މަޖުބޫރު ސިޔާސަތެއް ހޯދަން ކަމަށް ވެސް އެ މަނިކުފާނު ވިދާޅުވި އެވެ.

"މި ރާއްޖޭގައި ވެރިކަންކުރި ކޮންމެ ރައީސަކީ އަދި ރަނގަޅު ރައީސެކޭ ދަންނަވަން ހަމަ ދަތިވާނެ،" ނަޝީދު ވިދާޅުވި އެވެ.

"މިއަދު އަޅުގަނޑަށް ފެނުނު މަންޒަރު، ޑިމޮކްރެޓުން މިއަދު އެކުލަވާލަން މަސައްކަތް ކުރާ ސިޔާސަތު، ރަނގަޅު ކަމެއް ނޫނީ ނުކުރެވޭނެ ސިޔާސަތު، އަޅުގަނޑުމެން އުފައްދާން މި އުޅެނީ، ނުރަނގަޅު ވެރިޔާއަށް ވެސް ރަނގަޅު ކަމެއް ނޫން ކަމެއް ނުކުރެވޭނެ ނިޒާމެއް، އިންތިޒާމެއް،"

ނަޝީދު ވިދާޅުވި ގޮތުގައި މި ވާހަކަތައް 2018 ވަނަ އަހަރުގެ ރިޔާސީ އިންތިހާބާ ދިމާކޮށް އެމްޑީޕީގެ އާންމު އެތައް މެންބަރަކު ދެއްކި އެވެ. ބެލެވޭ ގޮތުގައި ނަޝީދު އިޝާރާތް ކުރައްވަނީ ބަރުލަމާނީ ނިޒާމަކަށް ރާއްޖޭގެ ވެރިކަން ކުރުމުގެ ނިޒާމު ބަދަލުކުރުމަށް އެމަނިކުފާނު ވަކާލާތު ކުރައްވާ ކުރެއްވުމެވެ.

"ދިވެހީންނަށް ހެޔޮ ގޮތެއް ހަގީގަތުގައި އޮންނާނީ ހެޔޮ ނިޒާމެއް އައިސްގެން، ވެރިން އަޅުގަނޑުމެންނަށް ފެނިއްޖެ ކިތަންމެ ބަޔަކު، އަޅުގަނޑު ވެސް ދިވެހީންނަށް ފެނިއްޖެ،" ތަކުރާރުކޮށް ވެރިން ރަނގަޅުވާން މަޖުބޫރުވާނެ ނިޒާމެއް ގެނައުމުގެ ވާހަކަ މިރޭ ނަޝީދު ވިދާޅުވި އެވެ.

އެމަނިކުފާނު ވިދާޅުވީ ގިނަ ވެރިންނަށް ދިމާވި ކަމަކީ ވެރިކަން ލިބުމަށް ފަހު ވެރިކަމުގެ ދަހިވެތިކަން ބޮޑުވުން ކަމަށެވެ. ހިޔާނާތުގެ އެތައް ކަމެއް މިހާރުގެ ސަރުކާރުގެ ވެރިންގެ ފަރާތުން ވެސް ފެންނަ ކަމަށް ނަޝީދު ތުހުމަތުކުރެއްވި އެވެ.

ސަރުކާރުގެ މަސައްކަތްތަކަށް މިރޭ ވެސް ނަޝީދު ފާޑުވިދާޅުވި އެވެ. ރަށްރަށުގައި ހިނގާ އުމްރާނީ ބިނާތައް ތަރައްގީކުރުމުގެ މަސައްކަތަކަށް އިޝާރާތް ކުރައްވައި އެމަނިކުފާނު ވިދާޅުވީ އެއިން އެއްވެސް ރަށެއްގައި އެއްވެސް މަސައްކަތެއް ނުނިމި، މަގުތައް ކޮނެފައި އޮތް ކަމަށެވެ.

ސަރުކާރު އުފެއްދީ ވެސް ކުރީގެ ސަރުކާރުގެ ހިޔާނާތުގެ މައްސަލަތައް ބަލައި ގެއްލުނު ފައިސާ އަނބުރާ ހޯދާނެ ކަމުގެ ވައުދު ވެގެން ކަމަށާއި އެއިން އެއްވެސް ކަމެއް ބެލިފައި ނުވާކަން ނަޝީދު ފާހަގަ ކުރެއްވެވި އެވެ. އޭގެ އިތުރަށް ކޮވިޑް-19 ގެ ބަލިމަޑުކަމުގެ ތެރޭގައި ވެންޓިލޭޓަރުތަކުން މި ސަރުކާރުގައި ހިޔާނާތްތެރިވެ އެ މައްސަލަ ވެސް ނުބެލި އޮތް އޮތުމަށް ވިދާޅުވި އެވެ.

"ރައީސުލްޖުމްހޫރިއްޔާ [އިބްރާހިމް މުހައްމަދު ސޯލިހު] މި އިންތިހާބުން ބަލިވާނެ ގޮތް ނޫން ގޮތެއް ނެތް،" ނަޝީދުގެ ޒާތީ އަދި ސިޔާސީ ހަޔާތުގެ ވެސް އެންމެ ގާތް އެކުވެރިޔާ ކަމުގައި ވިދާޅުވާ ސޯލިހުގެ ސަރުކާރާ ދެކޮޅަށް ނުކުމެ ހުންނަވައި، ވިދާޅުވި އެވެ.

ނަޝީދުގެ ވާހަކަ ނިންމާލައްވަމުން ވެސް އިޝާރާތް ކުރެއްވީ، ބަރުލަމާނީ ނިޒާމުގެ ވާހަކައަށެވެ. ނަޝީދު ދެކެވަޑައިގަންނަވާ ގޮތުގައި ރައްޔިތުންގެ މަޖިލިހުންގެ މެންބަރުން ރައްޔިތުންނަށް ޖަވާބުދާރީވާ ގޮތަށް އެ މަޖިލިހުން ވެރިކަން ހިންގުމަކީ އެންމެ ބޭނުންތެރި ގޮތެވެ. އަދި ރިޔާސީ ނިޒާމުގައި މަޖިލިސް ހިންގަވާ ގޮތް ނަޝީދު ސިފަކުރެއްވީ "ރައީސުލްޖުމްހޫރިއްޔާ ކޮންޓްރޯލް ހޯއްދަވަން" އުޅޭ މައިދާނެއްގެ ގޮތުގަ އެވެ.

"ރައްޔިތުންގެ މަޖިލިހަކީ އެ މަޖިލީހާ ހަވާލުވާ ގާނޫނީ ޒިންމާތައް ހަނދާން ކުރާ މަޖިލިހަކަށް ވާން ޖެހޭނީ، ރައީސުލްޖުމްހޫރިއްޔާ ކޮންޓްރޯލްކުރާ މަޖިލިސް އޮތުމެއް ނޫން،" ނަޝީދު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox