އަގުހުރި އިނާމުތަކަކާއިއެކު ލިޓަސްގެ ސަބްސިޑަރީއެއް ކަމަށްވާ "ފަވާލާ ހާޑްވެއާ" ގެ ދެ ފިހާރަ މާލެ އަދި ހުޅުމާލޭގައި ހުޅުވައިފި އެވެ.
ފަވާލާ ހާޑްވެއާގެ މާލެ ޝޯރޫމް ހުންނަނީ ޖަނަވަރީމަގުގަ އެވެ. އަދި ހުޅުމާލޭގެ ޝޯރޫމް ހުޅުވީ ސިންތެޓިކް ޓްރެކް ސަރަހައްދުގަ އެވެ.
މި ފިހާރައިން އެކި ރޭންޖުތަކުގެ ފެންވަރު ރަނގަޅު ޕަވަ ޓޫލްސް، ކަރަންޓާއި ފެންވައިރުކުރާ ސާމާނު، ކުލަ އާއި ދަވާދު، އެކި ޑިިޒައިންތަކުގެ ބޮކި އަދި ގިނަ ބާވަތްތަކުގެ ހާޑްވެއާ ސާމާނު ލިބެން ހުންނާނެ އެވެ.
މި ދެ ފިހާރަ ހުޅުވުމުގެ މުނާސަބަތުގައި "ހާހުން ހާޑުވެއާ، ހާހުން އިނާމު" ގެ ނަމުގައި ވަނީ ހާއްސަ ޕްރޮމޯޝަނެއް ފަށައިފަ އެވެ.
ފަވާލާ ހާޑް ވެއާ ހުޅުވުމުގެ މުނާސަބަތު -- ފޮޓޯ: ލިޓަސް
މިގޮތުން ހާޑްވެއާ ފިހާރަތަކުން ވިޔަފާރިކޮށްލައިގެން ބައިވެރިވެވޭ މި ޕްރޮމޯޝަންއިން ހޮވޭ ނަސީބުވެރި ތިން ފަރާތަކަށް ޖުމުލަ 80،000ރ. ގެ ފައިސާގެ އިނާމު ހުށަހަޅާފައިވެ އެވެ،
- އެއް ވަނަ އިނާމު: 50،000ރ.
- ދެ ވަނަ އިނާމު: 20،000ރ.
- ތިން ވަނަ އިނާމު: 10،000ރ.
ކަސްޓަމަރުންނަށް ބޭނުންވާ ރަނގަޅު ފެންވަރުގެ އަދި ތަފާތު ރޭންޖްތަކުގެ ހާޑްވެއާ ސާމާނު ލިބެން ހުންނަ ފިހާރައެއް ހުޅުވުމަކީ އެ ކުންފުންޏަށް ލިބޭ ބޮޑު އުފަލެއްކަމުގައި ލިޓަސް ގްރޫޕާއި ފަވާލާ ހާޑްވެއާގެ ޗީފް، ސްޓްރެޓަޖީ އެންޑް މާކެޓިން، އާސިފް ރަޝީދު ވިދާޅުވި އެވެ.
ފަވާލާ ހާޑް ވެއާ ހުޅުވުމުގެ މުނާސަބަތު -- ފޮޓޯ: ލިޓަސް
އަދި, އެ ކުންފުނީގެ އަމާޒަކީ ކަސްޓަމަރުންގެ ތަފާތު ބޭނުންތަކަށާއި ބަޖެޓުތަކަށް އެކަށޭނެ އެކި ކޮލެޓީގެ މުދާ އެ ފިހާރައިން ލިބޭނެ ގޮތް ހަމަޖައްސައިދިނުންކަމުގައި އާސިފް ފާހަގަކުރެއްވި އެވެ.
"އަމާޒަކީ ކަސްޓަމަރުންގެ ތަފާތު ބޭނުންތަކަށާއި ބަޖެޓުތަކަށް ކޭޓާކުރެވޭނެ އެކި ކޮލެޓީގެ މުދާ އެ ފިހާރައިން ލިބޭނެ ގޮތް ހަމަޖައްސައިދިނުން. ކަސްޓަމަރުންގެ ޕްރޮޖެކްޓުތަކަށް ބޭނުންވާ ސޮލިއުޝަންތައް އަޅުގަނޑުމެންގެ ތަޖުރިބާކާރު ޓީމުން ހޯދައިދޭނެ،" އާސިފް ވިދާޅުވި އެވެ.
ފަވާލާ ހާޑްވެއާގެ މި ޝޯރޫމްތަކުން ގެދޮރުވެރިންނާއި ކޮންޓްރެކްޓަރުން އަދި ވިޔަފާރިތަކަށް ބޭނުންވާ ފެންވަރު ރަނގަޅު ސާމާނު ލިބޭނެ ކަމުގެ ޔަގީންކަން އެ ކުންފުނިން އާންމުންނަށް ދެ އެވެ.
