ނަޝީދު އެދިވަޑައިގެންނެވީ ޔާމީނު ވެސް ރިޔާސީ ރޭހުން ވަކިވާން!

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ޑިމޮކްރެޓުންގެ ޖަލްސާގައި ވާހަކަފުޅުދައްކަވަނީ. ފޮޓޯ: މުހައްމަދު ޝާބިން/އަދަދު

ރައްޔިތުންގެ މަޖިލީހުގެ ރައީސް މުހައްމަދު ނަޝީދު ޑިމޮކްރެޓުންގެ ޖަލްސާގައި ވާހަކަފުޅުދައްކަވަނީ. ފޮޓޯ: މުހައްމަދު ޝާބިން/އަދަދު

މިފަހަރު އެންމެ ރަނގަޅު ގޮތަކީ ރިޔާސީ އިންތިހާބުގައި އެމަނިކުފާނު ވާދަނުކުރެއްވުން ކަމަށާއި ޕީޕީއެމް/ޕީއެންސީގެ ކެންޑިޑޭޭޓްގެ ގޮތުގައި ހުންނެވި ކުރީގެ ރައީސް އަބްދުﷲ ޔާމީނު ވެސް ކުރިމަތިނުލައްވައި މަޑުކުރެއްވުން ކަމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިރޭ ވިދާޅުވެއްޖެ އެވެ.

ދަ ޑިމޮކްރެޓްސް އުފެއްދުމަށް ބޭއްވި ޖަލްސާގައި އެޕާޓީއާ ގުޅިވަޑައިގަންނަވާނެ ކަން އިއުލާނުކުރެއްވުމަށް ފަހު ނަޝީދު ވިދާޅުވީ ޔާމީނަކީ ރާއްޖެއަށް އެތައް އެތައް ހިދުމަތްތަކެއް ކޮށްދެއްްވާފައިވާ ބޭފުޅެއް ކަމަށާއި އެމަނިކުފާނު ޖަލުގައި ހުންނަވަން އެދިވަޑައިނުގަންނަވާ ކަމަށެވެ. ރިޔާސީ އިންތިހާބަށް ދެ ބޭފުޅުން ވެސް ކުރިމަތިނުލައްވަން ފެނިވަޑައިގަންނަވާ ކަމަށް ވިދާޅުވީ އެވާހަކަގުޅާ ގުޅުވައިގެންނެވެ.

"އަޅުގަނޑަށް ފެންނަ ފެނުމުގައި މި ރިޔާސީ އިންތިހާބަށް އަޅުގަނޑުމެން ދެމީހުން ވެސް ކުރިމަތިނުލައި، އަޅުގަނޑުމެން ދެމީހުން އެކުގައި ބާރަށް މަަސައްކަތްކޮށްގެން ރާއްޖޭގެ ރައްޔިތުން މި އެދޭ ގޮތް ހޯދައިދޭންވީ،" ނަޝީދު ވިދާޅުވި އެވެ.

Advertisement

އެމަނިކުފާނު މިމޭރުމުން ވާހަކަފުޅު ދެއްކެވި އިރު ޕީޕީއެމްޕީއެންސީގެ އިސް ބޭފުޅުންް އެ ޖަލްސާގެ ކުރީ ސަފުގައި ތިއްބެވި އެވެ.

ޑިމޮކްރެޓްސް އުފެއްދުމުގެ ޖަލްސާގައި އިދިކޮޅު ސިޔާސީ ޕާޓީތަކުގެ އިސް ބޭފުޅުން ބައިވެރިވެވަޑައިގަންނަވަނީ. ފޮޓޯ:މުހައްމަދު ޝާބިން/އަދަދު
ޑިމޮކްރެޓްސް އުފެއްދުމުގެ ޖަލްސާގައި އިދިކޮޅު ސިޔާސީ ޕާޓީތަކުގެ އިސް ބޭފުޅުން ބައިވެރިވެވަޑައިގަންނަވަނީ. ފޮޓޯ:މުހައްމަދު ޝާބިން/އަދަދު

ޑިމޮކްރެޓްސް އުފެއްދުމުގެ ޖަލްސާގައި އިދިކޮޅު ސިޔާސީ ޕާޓީތަކުގެ އިސް ބޭފުޅުން ބައިވެރިވެވަޑައިގަންނަވަނީ. ފޮޓޯ:މުހައްމަދު ޝާބިން/އަދަދު

ދެ ބޭފުޅުން ވެސް ކުރިމަތިނުލެއްވުމުގެ ފޯމިއުލާއަށް ވަޑަައިގެންނެވުމުގެ ކުރިން ނަޝީދު ދެއްވީ ރިޔާސީ އިންތިހާބުގައި ރާއްޖޭގެ ސިޔާސީ ލީޑަރުންނަށް ވޯޓް ލިބޭނެ ކަމަށް އެމަނިކުފާނު ދެކެވަޑައިގަންނަވާ ގޮތުގެ ހިސާބުތަކެކެވެ.

"ހިޔާލު ހޯދުމުގެ ވޯޓުތަކުން އެބަ ބުނޭ ރައްޔިތުންގެ ގިނަ މީހުން ގޮތެއް ނުނިންމައޭ، ރައީސް ސޯލިހަށް ލިބިވަޑައިގަންނަވަނީ 15 ޕަސެންޓޭ، އަޅުގަނޑަށް ލިބެނީ ހަ ޕަސެންޓޭ، ރައީސް ޔާމީނަށް ލިބިވަޑައިގަންނަވަނީ 18 ޕަސެންޓޭ، ރާއްޖޭގެ ގިނަ ރައްޔިތުން ، 55 ޕަސެންޓް ރައްޔިތުން ތިބީ ގޮތެއް ނުނިންމައޭ،" ނަޝީދު ވިދާޅުވި އެވެ.

ރިޔާސީ އިންތިހާބުގައި ވޯޓްލާނެ ގޮތެއް ނުނިންމައި އެހާ ގިނަ އަދަދެއްގެ މީހުން އެތިބީ ރައީސް އިބްރާހީމް މުހައްމަދު ސޯލިހު ދެވަނަ ދައުރަކަށް ކުރިމަތިލައްވާނެކަން އިއުލާނު ކުރައްވާފައި ވަނިކޮށް ކަމަށާއި އެމަނިކުފާނަށް އެކަން އެނގިވަޑައިގަންނަވާނެ ކަމަށް ވެސް ނަޝީދު ވިދާޅުވި އެވެ.

"އަޅުގަނޑެއް ނުދަންނަވަން އަޅުގަނޑު ކުރިމަތިލާނަމެކޭ ވެސް. އެހެންވީމާ ހަ ޕަސެންޓެއް ވެސް އޮންނާނެ ކަމެއް ނެތް. ރައީސް ޔާމީނު ހުންނެވީ ޖަލުގައި. އެހެން ނަމަވެސް 18 ޕަސެންޓް އެބަ ލިބިވަޑައިގަންނަވާ،" ނަޝީދު ވިދާޅުވި އެވެ.

އެމަނިކުފާނު ދެކެވަޑައިގަންނަވާ ގޮތުގައި އިދިކޮޅު ސިޔާސީ ހުރިހާ އެންމެން އެކުވެގެން، ރައީސް އިބްރާހީމް މުހައްމަދު ސޯލިހު ރިޔާސީ އިންތިހާބުން ބަލިކުރުމަކީ "ރައްޔިތުން އެދިގޮވާ" ކަމެކެވެ.

"ދެން އަޅުގަނޑުމެންގެ މަސްއޫލިއްޔަތެއް އެއީ އެކަމަށް ގޮތެއް ހޯދައިދިނުން،" ނަޝީދު ވިދާޅުވި އެވެ.

އެހެންވީމާ ސިޔާސީ ހުރިހާ ލީޑަރުން ގޮތް ދޫކުރަން ޖެހޭ ކަމަށާއި އެއް މޭޒަކަށް އައިސް މަޝްވަރާކޮށްގެން ގޮތެއް ހޯދޭނެކަން ޔަގީންކުރައްވާ ކަމަށް ވެސް އެމަނިކުފާނު ވިދާޅުވި އެވެ.

ޑިމޮކްރެޓުންގެ އިފްތިތާހީ ޖަލްސާގައި ޕީޕީއެމްގެ ނައިބުރައީސް އަހުމަދު ޝިޔާމް، އެމްއެންޕީގެ ލީޑަރު މުހައްމަދު ނާޒިމު ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަރިހުގައި ބައިވެރިވެވަޑައިގަންނަވަނީ. ފޮޓ:މުހައްމަދު ޝާބިން/އަދަދު
ޑިމޮކްރެޓުންގެ އިފްތިތާހީ ޖަލްސާގައި ޕީޕީއެމްގެ ނައިބުރައީސް އަހުމަދު ޝިޔާމް، އެމްއެންޕީގެ ލީޑަރު މުހައްމަދު ނާޒިމު ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަރިހުގައި ބައިވެރިވެވަޑައިގަންނަވަނީ. ފޮޓ:މުހައްމަދު ޝާބިން/އަދަދު

ޑިމޮކްރެޓުންގެ އިފްތިތާހީ ޖަލްސާގައި ޕީޕީއެމްގެ ނައިބުރައީސް އަހުމަދު ޝިޔާމް، އެމްއެންޕީގެ ލީޑަރު މުހައްމަދު ނާޒިމު ރައްޔިތުންގެ މަޖިލީހުގެ ރައީސް މުހައްމަދު ނަޝީދު އަރިހުގައި ބައިވެރިވެވަޑައިގަންނަވަނީ. ފޮޓ:މުހައްމަދު ޝާބިން/އަދަދު

ނަޝީދު މިމޭރުމުން ވާހަކަފުޅު ދެއްކެވި އިރު ޕީޕީއެމް/ޕީއެންސީން އަބަދުވެސް ބުނަމުން އަންނަނީ އެދެޕާޓީގެ ރިޔާސީ ކެންޑިޑޭޓަކީ ޔާމީން ކަމަށާއި އެކަން ބަދަލެއް ނުވާނެ ކަމަށެވެ. އެހެން ނަމަވެސް އެމްއެމްޕީއާރްސީގެ ބޮޑު ހިޔާނާތުގެ ތެރޭގައި ހިމެނޭ މުއާމަލާތަކާ ގުޅިގެން، މަނީ ލޯންޑްރިންއާއި ރިޝްވަތުގެ ކުށް ސާބިތުވެފައި ވާތީ ޔާމީނަށް 11 އަހަރުގެ ޖަލު ހުކުމެއް އިއްވާފައި އެބަ އޮތެވެ. ރިޔާސީ އިންތިހާބުގައި އެމަނިކުފާނަށް ވާދަކުރެއްވޭނީ ، ބެލެވޭ ގޮތުގައި، ހައިކޯޓުން އެހުކުމް ބާތިލުކޮށްފި ނަމަ އެވެ.

އެ ހުކުމް ޔާމީނުގެ ފަރާތްޕުޅުން އިސްތިއުނާފުކުރުމުން ހައިކޯޓުގައި އެ މައްސަލައިގެ އިސްތިއުނާފު އަޑުއެހުންތައް މިހާރު ވެސް ކުރިއަށް ދެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox