މޮސްކޯ، ރަޝިއާ (ޖޫން 24) - ރަޝިއާގެ އަސްކަަރީ ލީޑާޝިޕް ވައްޓާލާނެ ކަމަށް ވާގްނާ ގްރޫޕްގެ ވެރިޔާ ވައުދުވެއްޖެ އެވެ.
އުމުރުން 62 އަހަަރުގެ ޔެވްގެނީ ޕްރިގޯޝިން ބުނީ އޭނާގެ ލަޝްކަަރުގެ ސިފައިންނަށް ރަޝިއާގެ ފައުޖުން ހަމަލާދީ ގިނަ ބަޔަކު މަރާފައިވާ ކަމަށެވެ.
"އަޅުގަނޑުމެން މި ދަނީ ކުރިއަށް. އެންމެ ފަހު ވަގުތާ ހަމައަށް ޖެހެންދެން ވެސް އަޅުގަނޑުމެން ދާނީ ކުރިއަށް،" އޭނާ ނެރުނު އޯޑިއޯ މެސެޖެއްގައި ބުންޏެވެ.
އޭގެ ފަހުން އޭނާ ބުނީ ރަޝިއާ ސިފައިން ހެލިކޮޕްޓަރަކަށް ހަމަލާދީ ވައްޓާލާފައި ވާނެ ކަމަށެވެ. ޕްރިގޯޝިން ބުނީ އޭނާގެ ފައުޖު މިހާރު އޮތީ ރަޝިއާގެ ދެކުނު ރޮސްތޯވް ހިސާބުގައި ކަމަށެވެ.
ރަޝިއާގެ ނޫސްތަކުން ބުނީ އެ ގައުމުގެ ސެކިއުރިޓީ ވަރުގަދަކޮށްފަައިވާ ކަމަށާއި މުހިއްމު ފެސިލިޓީތައް ހާއްސަ ރައްކާތެރިކަމެއް ދީގެން މޮނީޓާކުރާ ކަމަށެވެ.
އެފްއެސްބީ ސެކިއުރިޓީ ސާވިސްއިން ވާގްނާގެ ހަނގުރާމަވެރިންނަށް ގޮވާލީ ޕްރިގޯޝިން ހައްޔަރު ކުރުމުގެ ފިޔަވަޅުތައް އެޅުމަށެވެ.
ރަޝިއާގެ ޕްރޮސެކިއުޓާ ޖެނެރަލްގެ އޮފީހުން ވަނީ އަސްކަރީ ބަގާވާތެއް ހިންގަން އުޅޭކަމުގެ ތުހުމަތު ޕްރިގޯޝިންގެ މައްޗަށް އުފުލުފައިފަ އެވެ.
