ސަރުކާރުން އެދެނީ ނަޝީދު އިސްތިއުފާ ދީފައި ވިޔަސް މަޖިލިސް ކުރިއަށް ގެންދަން

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ސަރުކާރުގެ ތަރުޖަމާނު މިއުވާން؛ މިއުވާން ވިދާޅުވީ ނަޝީދު އިސްތިއުފާ ދެއްވާފައި ވިޔަސް މަޖިލިސް ކުރިއަށް ގެންދަން ޖެހޭކަމަށް -- ފޮޓޯ: ރައީސް އޮފީސް

މީގެ ކުރިން ބޭއްވި ނޫސްވެރިންގެ ބައްދަލުވުމެއްގައި ސަރުކާރުގެ ތަރުޖަމާނު މިއުވާން؛ މިއުވާން ވިދާޅުވީ ނަޝީދު އިސްތިއުފާ ދެއްވާފައި ވިޔަސް މަޖިލިސް ކުރިއަށް ގެންދަން ޖެހޭކަމަށް -- ފޮޓޯ: ރައީސް އޮފީސް

ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު އިސްތިއުފާ ދެއްވާފައި ވިޔަސް މަޖިލިސް ކުރިއަށް ގެންދަން އެދޭކަމަށް ސަރުކާރުން ބުނެފި އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ސަރުކާރުގެ ތަރުޖަމާނު މިއުވާން މުހައްމަދު މިއަދު ވިދާޅުވީ، މިއަދު ވެސް ރައީސް ނަޝީދު ބޭނުންފުޅުވުމުން މަޖިލީހުގެ ޖަލްސާ ބޭއްވީ ކަމަށާއި، ހަމަ އެގޮތަށް މީގެކުރިން ދިޔަ ދެ ޖަލްސާ ބޭއްވުމުގެ ފުރުސަތު އެމަނިކުފާނަށް އޮތް ކަމަށެވެ. ރިޔާސަތު ނުބަލަހައްވަނީ އިތުބާރު ނެތްކަމަށް މައްސަލަ ހުށަހަޅާފައި އޮތުމުން ކަމަށް ގަބޫލުކުރައްވާ ނަމަ އެމަނިކުފާނަށް އިސްތިއުފާ ދެއްވިދާނެ ކަމަށް ވެސް މިއުވާން ވިދާޅުވި އެވެ.

"މަޖިލިސް ހުއްޓިފައި އޮތީ އެމަނިކުފާނުގެ އިތުބާރު ނެތް ކަމަށް ރައްޔިތުންގެ މަޖިލީހުގެ އަގުލަބިއްޔަތުން ސޮއިކުރެއްވުމުން ކަމަށް ގަބޫލު ކުރައްވާކަމަށް ވާނަމަ މަޖިލީހުގެ ރައީސްކަމުން ރައީސް ނަޝީދު އިސްތިއުފާދެއްވާފައި ނަމަވެސް ގާނޫނު ހަދާ މަޖިލިސް ކުރިއަށްދާން ޖެހޭނެ." މިއުވާން ވިދާޅުވި އެވެ.

ޑިމަކްރެޓިކް ރިޔާސީ ނިޒާމެއް ހިނގާ ގައުމެއްގައި ގާނޫނު ހަދާ މަޖިލިސް ހުއްޓިފައި އޮތުމަކީ މިއުވާން ވިދާޅުވި ގޮތުގައި ގަބޫލުކުރެވޭނެ ކަމެއް ނޫނެވެ. ރާއްޖޭގެ ގާނޫނު އަސާސީންނާއި ރައްޔިތުންގެ މަޖިލީހުގެ ގާނޫނާއި ގަވައިދުތަކުން މަޖިލިސް ހުއްޓުމަކަށް ނުގެނެސް ކުރިއަށް ގެންދެވޭނެ ފުރުސަތު ދޭކަމަށް އޭނާ ވިދާޅުވި އެވެ.

"ސަރުކާރުގެ ފަރާތުން ވެސް، އެމްޑީޕީގެ ޕާލަމެންޓްރީ ގްރޫޕުން ވެސް އަދި އާންމު ރައްޔިތުން ވެސް ދައްކަމުން ދިޔައީ އެވާހަކަ. އެވާހަކަ ގަބޫލު ނުކުރައްވާ އެހެނިހެން ވާހަކަތަކެއް އެބޭފުޅުން ދައްކަވަމުން ގެންދެވީ" މިއުވާން ވިދާޅުވި އެވެ.

އޭނާ އިތުރަށް ވިދާޅުވި ގޮތުގައި ދައުލަތުގެ އެންމެ މަތީ ވެރިޔާގެ ހައިސިއްޔަތުން ދައުލަތުގެ ބާރުތައް މަސައްކަތް ކުރާކަން ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހް ޔަގީންކުރައްވާނެ އެވެ.

"ނިމިގެން މިދިޔަ ހަފްތާގެ ތެރޭގައި އެމްޑީޕީގެ ޕާލަމެންޓްރީ ގްރޫޕާއި އެއްކޮށް ރައީސް ވެސް ވަނީ މަޝްވަރާ ކުރައްވާފައި. އެހެން ނަމަވެސް މިދެންނެވިހެން ރައްޔިތުންގެ މަޖިލީހުގެ ރައީސް ބޭނުންފުޅުވީމަ ޖަލްސާ އެބަ ބޭއްވޭ." މިއުވާން ވިދާޅުވި އެވެ.

ރައްޔިތުންގެ މަޖިލީހުގެ ރިޔާސަތު ބެލެހެއްޓެވުމަށް އުޒުރުވެރިވެވަޑައިގަތުމަށްފަހު މަޖިލީހުގެ ގަވާއިދުގެ 44 ވަނަ މާއްދާގައިވާ ގޮތުގެ މަތިން ރިޔާސަތު ބަލަހައްޓަން ނަޝީދު ހަވާލު ކުރެއްވީ ވިލުފުށީ ދާއިރާގެ މެމްބަރު ހަސަން އަފީފަށެވެ. އެކަމަކު، އެގޮތަށް ކަނޑައަޅާ މެމްބަރަކަށް ރިޔާސަތު ބެލެހެއްޓޭނީ ވިދިވިދިގެން ތިން ޖަލްސާގައި ކަމަށް ގަވާއިދުގައި ބުނެފައި އޮވެ އެވެ. އަފީފު ވަނީ އޭގެ ފަހުން ތިން ޖަލްސާގެ ރިޔާސަތު ބަލަހައްޓަވައިފަ އެވެ.

އެހެންވެ ރިޔާސަތާ ހަވާލުވާނެ މެމްބަރަކު ނެތުމުން މިދިޔަ ހޯމަ ދުވަހު ރައްޔިތުންގެ މަޖިލީހުގެ ޖަލްސާއެއް ބޭއްވުމަށްފަހު ވިދިވިދިގެން ދެ ދުވަހު ޖަލްސާއެއް ނުބާއްވަ އެވެ. ރައްޔިތުންގެ މަޖިލީހުގެ މިއަދު ޖަލްސާ ފަށައިގެން މިހާރު ކުރިއަށްދާއިރު ގަވާއިދުގައި ބުނާ ގޮތުން މިއަދު ޗުއްޓީއަށް ދިޔުމުގެ ކުރިން ބައެއް މުހިންމު ކަންކަން ފާސް ކުރަން އެމްޑީޕީން އޮތީ ހުށަހަޅައިފަ އެވެ.

މިއަދު މަޖިލީހުގެ ޖަލްސާގެ ރިޔާސަތު ބެލެހެއްޓެވީ ނަޝީދު އެވެ. ޖަލްސާ ފަށްޓަވަމުން އެމަނިކުފާނު ވިދާޅުވީ ގޮތް ދޫކުރައްވައި މަޖިލީހުގެ ރިޔާސަތާ އަލުން ހަވާލުވެވަޑައިގަތީ އެމަނިކުފާނުގެ އުޒުރަށް ވުރެ ރައްޔިތުންގެ މަސްލަހަތު ބޮޑުވީމާ ކަމަށެވެ.

"އަޅުގަނޑު މިއަދު މިތަނުގައި ރިޔާސަތު ބަލަހައްޓަން މިއިނީ އަޅުގަނޑު ދެކޭ ގޮތުގައި އަޅުގަނޑުގެ އުޒުރުތަކަށް ވުރެން އަދި މާ މަތީ މަސްލަހަތެއް އަޅުގަނޑު އެބަ ހިފަހައްޓާން ޖެހޭ. އެއީ ދިވެހި ރައްޔިތުންގެ މަސްލަހަތު،" ނަޝީދު ވިދާޅުވި އެވެ.

ރައްޔިތުންގެ މަޖިލީހުގެ 54 މެންބަރުންގެ ސޮޔާއެކު ނަޝީދުގެ އިތުބާރު ނެތްކަމުގެ މައްސަ ހުށަހެޅީ މިމަހުގެ ހަތް ވަނަ ދުވަހު އެވެ. އޭގެ ކުރިން މަޖިލީހުގެ ނައިބު ރައީސް އީވާ އަބްދުﷲގެ އިތުބާރު ނެތް މައްސަލަ އޮތީ ހުށަހަޅާފަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox