ލިބުނީ އަލީ ޒާހިރުގެ ލިޔުމެއް، ރައީސްގެ ޖަވާބުކަން އިދިކޮޅަށް ޔަގީނެއް ނޫން

ރައީސް ސޯލިހުއާ ބައްދަލުކުރަން ދިޔުމުން، ޗީފް އޮފް ސްޓާފް އަލީ ޒާހިރު ދިން ލިޔުންކޮޅާއެކު އިދިކޮޅު ލީޑާޝިޕް - ފޮޓޯ: ޕީޕީއެމް

ރައީސް ސޯލިހުއާ ބައްދަލުކުރަން ދިޔުމުން، ޗީފް އޮފް ސްޓާފް އަލީ ޒާހިރު ދިން ލިޔުންކޮޅާއެކު އިދިކޮޅު ލީޑާޝިޕް - ފޮޓޯ: ޕީޕީއެމް

ރައީސް އިބްރާހިމް މުހައްމަދު ސޯލިހުއާ ބައްދަލުކުރެއްވުމަށް ޖެހިޖެހިގެން ފަސް ވަނަ ދުވަހު އިދިކޮޅު ޕީޕީއެމް އާއި ޕީއެންސީގެ ލީޑާޝިޕް ރައީސް އޮފީހަށް ވަޑައިގަތުމުން، ބައްދަލުކުރެއްވުމުގެ ބަދަލުގައި ރައީސް އޮފީހުގެ ޗީފް އޮފް ސްޓާފް އަލީ ޒާހިރު ސޮއިކުރައްވައި ރައީސްގެ ޖަވާބުގެ ގޮތުގައި ލިޔުމެއް އަރުވައިފި އެވެ.

ރައީސް ސޯލިހުއާ ބައްދަލުކުރެއްވުމަށް އެޕޮއިންޓްމަންޓަކަށް އިދިކޮޅު ލީޑާޝިޕުން އެދުނު ނަމަވެސް އޭގެ ޖަވާބެއް ނުލިބިގެން ރައީސް އޮފީހަށް ފުރަތަމަ ދިޔައީ މިދިޔަ ހަފުތާ އަންގާރަ ދުވަހުގަ އެވެ. އެ ފަހުން ޖެހިގެން އައި ބުދަ އަދި ބުރާސްފަތި ދުވަހު ވެސް އިދިކޮޅު ލީޑާޝިޕުން ރައީސް އޮފީހަށް ދިޔަ އެވެ.

ހަފުތާ ބަންދު ނިމިގެން އިއްޔެ ވެސް އިދިކޮޅު ލީޑާޝިޕުން ދިޔުމުން، ރައީސް އޮފީހުގެ ރެޝެޕްޝަނުން އެންގީ އެ އޮފީހުގެ ރަސްމީ ޕްރޮޓޮކޯލަކަށް އިދިކޮޅު ފަރާތްތަކުގެ ސިޓީ ނުލިބޭ ކަމަށެވެ. އެހެންވެ ރައީސް އޮފީހުގައި އިންނަވައިގެން އަތުން ލިޔުއްވައިގެން އެކްޓިން ލީޑަރު އަބްދުއްރަހީމް އަބްދުﷲ ސިޓީއެއް އެރުއްވި އެވެ.

މިއަދު ހެނދުނު ވެސް ރައީސް އޮފީހަށް އިދިކޮޅު ލީޑާޝިޕުން ދިޔަ އެވެ. މިއަދު ދިޔުމުން، އިއްޔެ ފޮނުވި ސިޓީގެ ޖަވާބުގައި އެ ސިޓީގައި އިދިކޮޅު ފަރާތްތަކުން ކަންބޮޑުވުން ފާޅުކޮށްފައިވާ ކަންކަމަށް ރައީސް ދެއްވި ޖަވާބުގެ ގޮތުގައި ލިޔުމެއް އެރުއްވި އެވެ.

އެ ސިޓީގައި ސޮއިކުރައްވާފައިވަނީ ރައީސް އޮފީހުގެ ޗީފް އޮފް ސްޓާފް އަލީ ޒާހިރެވެ. އޭގެ ލިޔެފައިވަނީ އިދިކޮޅު ކޯލިޝަންގެ ރިޔާސީ ކެންޑިޑޭޓް، ކުރީގެ ރައީސް އަބްދުﷲ ޔާމީނަށް އިއްވާފައިވާ ހުކުމަކީ ޝަރުއީ ކޯޓަކުން ކޮށްފައިވާ ހުކުމެވެ.

"މި ހުކުމަކާ ރައީސުލްޖުމްހޫރިއްޔާއާ އެއްވެސް ގުޅުމެއް ނެތެވެ. މީހަކަށް އަނިޔާއެއް ދިނުމަކީ ރައީސުލްޖުމްހޫރިއްޔާ އިސްވެ ހުންނަވާ ކުރައްވާނެ ކަމެއް ނޫން،" ސިޓީގައި އިތުރަށް ލިޔެފައިވެ އެވެ.

މިހާރު ކްރިމިނަލް ކޯޓުގައި ހިންގަމުން އަންނަ ރ. ފުއްގިރި ކުއްޔަށް ދިނުމުގައި ހިންގި ކަމަށް ބުނާ ހިޔާނާތުގެ މައްސަލައިގެ ޝަރީއަތާއި ޔާމީނަށް އިއްވާފައިވާ ޖަލު ހުކުމުގެ އިސްތިއުނާފު ޝަރީއަތްތަކާ ގުޅިގެން، ރައީސް ޝަރުއީ ދާއިރާއާ ބައްދަލުކުރެއްވުމަކީ ހަމަޖެހޭ ކަމެއް ނޫން ކަމަށް ވެސް ސިޓީގައި ލިޔެފައިވެ އެވެ.

އަލީ ޒާހިރުގެ ސޮއި އޮތުމުން ސުވާލު އުފައްދަވައިފި

ރައީސް އޮފީހުން ނުކުމެވަޑައިގެން ނޫސްވެރިންނާ ބައްދަލުކުރައްވައި، އަބްދުލްރަހީމް ވިދާޅުވީ އަލީ ޒާހިރު ސޮއިކުރައްވާފައިވާ ލިޔުމަކީ ރައީސް ދެއްވި ޖަވާބު ކަން ޔަގީން ކުރެވެން ނެތް ކަމަށެވެ. އަދި އިދިކޮޅު ފަރާތްތަކުން ރައީސަށް ފޮނުވި ސިޓީ އެމަނިކުފާނަށް ލިބުނު ކަމެއް ވެސް ނޭނގޭ ކަމަށެވެ.

"އަޅުގަނޑުމެންނަށް ޝައްކު، އަޅުގަނޑުމެން ރައީސުލްޖުމްހޫރިއްޔާއަށް ފޮނުވި ސިޓީ، އެމަނިކުފާނަށް ލިބިވަޑައިގަތް ކަމެއް، އަލީ ޒާހިރު ނަމުގައި ޖަވާބެއް ލިބިފައި މި އޮތީ،" އަބްދުލްރަހީމް ވިދާޅުވި އެވެ.

ރާއްޖޭގައި މަލްޓި-ޕާޓީ ޑިމޮކްރެސީގެ ނިޒާމެއް ފަރިތަކުރަމުން އަންނައިރު، ވާދަވެރި ސިޔާސީ ޕާޓީތަކުން ރައީސުލްޖުމްހޫރިއްޔާއަށް ބައްދަލުކުރައްވަން އެދުމުން އެ ކަމަށް އިޖާބަދެއްވަން ވާނެ ކަމަށް ވެސް އަބްދުލްރަހީމް ވިދާޅުވި އެވެ.

އިދިކޮޅު ލީޑަރަށް ކުރިމަތިވެފައިވާ ހާލަތު

ޔާމީންގެ ވެރިކަމުގައި ހިނގި އެމްއެމްޕީއާރުސީ ބޮޑު ހިޔާނާތުގެ ތެރެއިން، ބައެއް ރަށްރަށުގެ މުއާމަލާތްތަކުގެ ތެރެއިން އެމަނިކުފާނަށް ވެސް ނާޖައިޒު ފައިދާ ލިބުނު ކަމަށް ތުހުމަތުކޮށް ޕްރޮސެކިއުޓަ ޖެނެރަލް (ޕީޖީ) އޮފީހުން އެކި ދައުވާތައް އުފުލާފައިވެ އެވެ.

ޔާމީން 11 އަހަރު ޖަލަށް ލުމަށް ކްރިމިނަލް ކޯޓުން ހުކުމްކުރީ، ވ. އާރަށް ކުއްޔަށް ދިނުމުގައި، ރައްޔިތުންގެ މަޖިލީހުގެ ކުރީގެ މެންބަރު ޔޫސުފް ނައީމްގެ އަތުން ޔާމީން ރިޝްވަތުގެ ގޮތުގައި 1.1 މިލިއަން ޑޮލަރު ނަންގަވައި އެ ފައިސާ ލޯންޑަކުރެއްވި ކަމަށް ސާބިތުކުރުމަށް ފަހުގަ އެވެ.

ޔާމީންގެ މައްޗަށް އިއްވާފައިވާ ޖަލު ހުކުމް ދެމިއޮތްހާ ހިނދަކު ޔާމީނަށް ކުރިއަށް އޮތް ރިޔާސީ އިންތިހާބުގައި ވާދައެއް ނުކުރެވޭނެ އެވެ.

ގާނޫނީ އަސާސީގައި ބަޔާންކޮށްފައިވާ ރައީސުލްޖުމްހޫރިއްޔާއަށް ވުމުގެ އެއް ޝަރުތަކީ، ޖިނާއީ ކުށެއްކުރިކަން ސާބިތުވެގެން 12 މަސް ދުވަހަށް ވުރެ ދިގު މުއްދަތެއްގެ ހުކުމެއް އޮތް ނަަމަ، އެ ހުކުމް ތަންފީޒުކޮށް ނިމުނުތާ ނުވަތަ ކަނޑައެޅުނު އަދަބު މައާފު ކުރެވުނުތާ ތިން އަހަރު ވެފައިވާ މީހަކަށް ވުމެވެ.

އާރަށު މައްސަލައިގެ ހުކުމް ދެމިއޮތް އިރު، މިހާރު ކްރިމިނަލް ކޯޓުގައި ކުރިއަށް ދަނީ ރ. ފުއްގިރި މުއާމަލާތުގެ ތެރެއިން ޔާމީން ރިޝްވަތު ނަންގަވައި މަނީ ލޯންޑަކުރެއްވި ކަމަށް ތުހުމަތު ކުރެވޭ މައްސަލަ އެވެ.

މިހާރު ހައި ކޯޓުގައި އާރަށު މައްސަލައިގެ ހުކުމުގެ އިސްތިއުނާފު ކުރިއަށްދާއިރު، ދަށު ކޯޓުގައި ފުއްގިރި މުއާމަލާތުގެ ޝަރީއަތުގެ އަޑުއެހުންތައް ވެސް ބާއްވަ އެވެ. ވަރަށް ކައިރިކައިރި އަޑުއެހުންތައް ބާއްވައިގެން ކުރިއަށް ދާތީ، އެ މައްސަލަ "އަވަސް އަރުވާލައިގެން" ގެންދަވާ ކަމަށް ޔާމީން ދެކެވަޑައިގަންނަވަ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox