މުޅި ކައުންސިލުން ފާސްކޮށްގެން ނޫނީ މާލޭގެ ހުސް ޖާގަތައް ދެން ނުދޭނެ

މާލޭގެ މަގެއް؛ ސިޓީ ކައުންސިލުން ވަނީ އާންމުތަނެއް އެއްވެސް ކަމަކަށްް ދޫކުރާނަމަ މުޅި ކައުންސިލުގެ ހުއްދަ ހޯދަން ޖެހޭކަމަށް ނިންމާފައި -- ފޮޓޯ: އިޔާން/އަދަދު

މާލޭގެ މަގެއް؛ ސިޓީ ކައުންސިލުން ވަނީ އާންމުތަނެއް އެއްވެސް ކަމަކަށްް ދޫކުރާނަމަ މުޅި ކައުންސިލުގެ ހުއްދަ ހޯދަން ޖެހޭކަމަށް ނިންމާފައި -- ފޮޓޯ: އިޔާން/އަދަދު

މާލޭގެ އެއްވެސް އާންމު ތަނެއް ކުއްޔަށް ދެވޭނީ ސިޓީ ކައުންސިލުގެ އާންމު ޖަލްސާއަކުންް ފާސްކޮށްގެން ކަމަށް ނިންމައިފި އެވެ.

މި ބަދަލު ގެނައުމަށް ހުށަހަޅާފައި ވަނީ ގަލޮޅު މެދު ދާއިރާގެ ކައުންްސިލަރު ރީހާން ނާޒިމްް އާއި ގަލޮޅު ހުޅަނގު ދާއިރާގެ މެންބަރު ނާޒިމާ މުހައްމަދު ފާއިޒް އަދި ގަލޮޅު އުތުރު ދާއިރާގެ މެންބަރު މުހައްމަދު ސައިފްް ފާތިހު އެވެ. އެކަން ކައުންސިލުގެ ފްލޯއިންް ވަނީ ފާސްކޮށްްފަ އެވެ.

ތިން ކައުންްސިލަރެއްގެ ފަރާތުންް މި މަހުގެ 11 ވަނަ ދުވަހު ސިޓީ ކައުންސިލަށް ހުށަހެޅި ހުށަހެޅުމުގައި ބުނެފައި ވަނީ އާންމު ހުސް ޖާގަތަކާއި، ޕާކާއި، މަގުތަކާއި، ބިން ވަކިކަމަކަށް ބޭނުންކުރުމަށްް ކަނޑައެޅުމާއި އެތަންތަނަށް ބަދަލުގެނައުމަށް ގޮތް ނިންމުމުގައި މުޅި ކައުންސިލަށް ބައިވެރިވެވޭން ވާނެ ކަމަށެވެ.

Advertisement

އަދި އެފަދަ ކަންކަން ފާސްކުރަން ޖެހޭނީ ކައުންސިލުގެ އާންމު ޖަލްސާގައި ދުރާލައި އެޖެންޑާ ކޮށްގެން، ކައުންސިލުގެ އަގުލަބިއްޔަތު އެއްބަސްވާ ވޯޓަކުން ކަމަށް ބުނެފައި ވެއެވެ.

މީގެ ކުރިން އަމަލުކުރަމުން އައި ގޮތަކީ އެފަދަ ބަދަލުތައް ގެނައުމަށް ސިޓީ ކައުންސިލުގެ ކޮމެޓީއަކުން ފާސްކުރަނީ އެވެ. ތިން ކައުންސިލަރުންގެ ހުށަހެޅުމުގައި ބުނެފައި ވަނީ އެގޮތަށް އޮތުމަކީ ކޮރަޕްޝަނަށް މަގުފަހިވާނެ ކަމެއް ކަމަށެވެ.

އަދި މިކަން މިހެން އޮތުމުގެ ސަބަބުން މި ފަހުން އާންމުންގެ ކަންބޮޑުވުން އިންތިހާއަށް އިތުރުވެފައިވާކަމަށް ވެސް އެ ހުށަހެޅުމުގައި ބުނެފައި ވެއެވެ.

މާލޭގެ އާންމު ތަންތަނާއި މަގުތައް ފަދަ ތަނަކަށް އެއްވެސް ބަދަލެއް ގެންނަ ނަމަ ސިޓީ ކައުންސިލުގެ ހުއްދަ ހޯދަން ޖެހެ އެވެ. އެހެން ނަމަވެސް ޕާކިން ސްލޮޓުތައް ދޫކުރުންް ފަދަ ކަންކަމުގައި ސިޓީ ކައުންސިލުން އަމަލުކުރަނީ ރަނގަޅަށް ނޫން ކަމަށް އަބަދުވެސް ޝަކުވާތައް އަޑު އިވެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox