މޮސްކޯ، ރަޝިއާ (ޖޫން 9) - ޔޫކްރެއިނުން ތައްޔާރުވަމުން ދިޔަ ބޮޑު އޮޕަރޭޝަން ފަށައިގެން ފެއިލްވަމުންދާ ކަމަށް ރަޝިއާގެ ރައީސް ލެޑިމިއަ ޕުޓިން ވިދާޅުވެއްޖެ އެވެ.
ޔޫކްރެއިން އިރުމައްޗާއި ދެކުނުން ގެއްލުނު ބިމުގެ ސަރަހައްދުތައް އަނބުރާ ހޯދަން ބޮޑު އޮޕަރޭޝަނެއް ފަށަން ޔޫކްރެއިނުން ތައްޔާރުވަމުން ދާތާ ގިނަ މަސްތަކެއް ވެއްޖެ އެވެ.
"ޔޫކްރެއިނުން ތައްޔާރުވަމުން ދިޔަ އޮޕަރޭޝަން ފަށައިފި ކަމަށް ޔަގީންކަމާ އެކު ދެންނެވޭނެ،" ޓެލެގްރާމްގައި އާއްމުކުރި ވީޑިއޯ އިންޓަވިއުއެއްގައި ޕުޓިން ވިދާޅުވި އެވެ.
އޮޕަރޭޝަން ފެށި ކަމަށް އިއުލާން ކުރަން ޔޫކްރެއިނުން ބޭނުމެއް ނުވެ އެވެ. އެކަމަކު އެނެލިސްޓުން ދެކޭ ގޮތުގައި އޮޕަރޭޝަންގެ ފުރަތަމަ މަރުހަލާތައް ފަށައިގެން ހަފުތާތަކެއް ވެއްޖެ އެވެ.
ހުކުރު ދުވަހު ޔޫކްރެއިނުން ބުނީ ދެކުނުގެ ސަރަހައްދުތަކުގައި ހަމަލާ ބަދަލުކުރި ނަމަވެސް، އަދިވެސް މައިގަނޑު އަމާޒަކީ އިރުމަތީ ސަރަހައްދު ކަމަށެވެ.
ރަޝިއާގެ ޑިފެންސް މިނިސްޓްރީން ބުނީ ޒަޕޮރިއްޒިޒިއާ އަދި ޑޮނެސްކްގައި ޔޫކްރެއިން ސިފައިން ދޭން އުޅުނު ހަމަލާތަކެއް ހުއްޓުވި ކަމަށެވެ.
ޔޫކްރެއިންގެ 1000 އަށް ވުރެ ގިނަ ސިފައިން މަރުވެފައިވާ އިރު، ގިނަ ޓޭންކުތަކާއި ބަރު ހަތިޔާރުތައް ސުންނާފަތިވެފައިވާ ކަމަށް ވެސް ބުންޏެވެ. އެކަމާ ގުޅޭ
